DANIEL 4:22 - Sumi Naga CL (Re-edited) Bible (BSI)

²² ti huye no ke, O akükau, no ye thuwuvae eno akumto shivae. O kughushu ye thuwuvae eno atsütsü tovae, eno o yekipeqha ye ayeghi shekha kuto tovae.

BAIBEL (BSI)

²² “Akiqheu, asubo chuqu mughai eno ighono akumtoshi ithulu akeuye no ampeuke. Nono kije shi thuu iku atsutsu toke eno okukano ayeghiqha kumtsu chhitoike.

DANIEL 4:22 Mawu Ofanana

BOTHUBO 11:4

Tithiu panongu no pi, “Ighilo, ningu ampi no mishighüna eno qogheki lakhi, tipa kütsüqa no atsütsü ikuto mlani nolo, eno ni likhi ni juaje shini nolo, tikumo aye ningu ye ayeghi lono apanaghave nosae.”

BOTHUBO 28:12

Ikelo pa no asamo pumo, julo, tile akala lakhi ayeghi lo ghope püaghi, eno tipau kütsüqa ye atsütsü kutolo toae. Eno julo, Alhouw kungumi no tipau lo mili ikuiqi aghi!

SAMUEL AKINIU 12:7

Nathan no David vilo pi, “Timi huye noke! Ampeu, Israel Lhou no ishi piani, ‘Israel kükau shipeniye I no o nukishe, eno Saul u lono I no o xaphelu.

YEKIKITHI AKINIU 28:9

Ikemu Ampeuw tungkupmi lakhi Oded ipikeu no Samaria lo Israel ghüshimi idewo chekeqo vilo pi, “Julo, Ampeu nongu puasü Lhou no Judah lau amlo ideve no nongu pelo panoqo leluvepe, ikemu nongu no axukighide lono panongu ghiqhive keu no iku atsütsü tovae.

LESHELE 108:4

Kughengu Ow iqemokeu kikimiye ye kungugha nguno qhemghai kije; Ow pükhükulu ye atsütsü to ani.

LESHELE 36:5

O Ampeu, Ow iqemokeu kikimiye ye kungugha kutolo, O pükhükulu ye atsütsü kuto ikuto ani.

JEREMIYA 27:5

“Aküka kije lono eno au xachho pesü ayeghi mlano timi ngo tüghashi tile qhikeu ye I no ke, eno khukhumu I no achipishi ithulu keu lau ayekipe tsücheni.

EZEKEL 17:3

Ampeu Alhou no ishi piani: Alhuqu kuloghi lakhi achishibo kije eno amhi kushuo ache, alabe jeli mhi no ghoghoi püzü Lebanon lo ighi no cedarbo kütsüqa lo ngove.

DANIEL 2:21

Pa no ado-aghuloki eno atusho kilivetsü cheni; Pa no kükami ikhive eno süküsü shi cheni; Pa no alokütsümi lau alokütsü tsü eno vethakulumi lau akighithi tsü cheni;

DANIEL 4:11

Asübo huye thuwuve no akumto shive, eno tipau akemtsü no atsütsü tove, tipau ye ayeghi shekhau kutolo ithulue.

DANIEL 4:21

tipa nipaqo no juvi eno axathi kupukuno shi akeu, kümtsü ghenguno achuqupu akeu, aghalo tüghashiqo no akicheqho ithulu keu, eno alokaqo lo aghauqo no ngolu keu—

DANIEL 4:29

Aqhi chighikini thiu, pa no Babylon lo kükaki kunguu amole lo ala cheche,

DANIEL 4:36

I kükümsü I lau idechile ighive kemtsa I kükaqha juküvü ghenguno I kükanguagha ngo ajekipi I lau idechile ighive. I qholo mijekütsümi ngo ampemi no I phuighive no I kükaqha lo I süqheve, eno itaghi ajekipi alau I lau küphatsüe.

MATTHEW 14:4

John no Herod vilo piche, “Nono li valuve keu ye Ayezah kiqilo kumoe.”

Piyeküsü 18:5

kughengu li xine ye amoqhe keshi iku kungugha to ani, ikehu Alhou no li kipimi kümsüchilelu anie.