BOTHUBO 39:3 - Sumi Naga CL (Re-edited) Bible (BSI)

³ Ampeu no pa gholo akeu eno pa u no mlakeu kümtsü lo tokulu shikeu pa mpeu no ithive.

BAIBEL (BSI)

³ AMPEU no Josef gholo akeu pa mipeu no ithulue eno pano mlakeu kumtsulo AMPEU no pa pelo heshekulu shilupe.

BOTHUBO 39:3 Mawu Ofanana

BOTHUBO 21:20

Alhou no anu gholo ae, eno pa ye thuwuve. Pa ye asayeqha lo ache eno shexilika kipe lo shitsa shive.

BOTHUBO 21:22

Tipa ghuloki lo Abimelek ngo paw ghüshimi zatsüu Phicol pama no Abraham vilo pi, “Alhou ye nono shikeu kümtsü lo o gholo ani.

BOTHUBO 21:23

Tighenguno itehi hileno no ye Alhou jelono ni eno I laghami eno I tikughuko pishiqhi moni, ikemu I no kimiyeqhiyi o lau mla ketoi, no ghi I lau eno ayeghi khile nono inami shi ani keno tipau kimiyeqhiyi nipi I lau tushoqhi lo.”

BOTHUBO 26:24

Eno Ampeu no tipaji pa lau ipeghi no pi, “Ni ye o pu Abraham Lhou ke. Msa kevilo, kughengu I no o gholo ani, eno o kümghatsü nani eno I qeu Abraham je lono o tikughuko kighishe tsü nani.”

BOTHUBO 26:28

Panongu no pi, “Ampeu no o gholo anie pi ningu no mtsüqhei ithulu ani. Ikehu ningu no pi, ningu dolo visho shoqhi qhini, no eno ningu dolo, eno ni pelo o sasü puloshoqhi shipelo,

BOTHUBO 30:27

Ikemu Laban no pa vilo pi, “Tsala nono I küpüqhiyi ithulu aghi aye, I no saqhisali lono ithivae, ti ye o ghenguno Ampeu no I kümghave tsüae.

BOTHUBO 30:30

Kughengu I no ighi moke züu no ye aghulo likhi ae, ikemu tipau ye kupukuno shi ikowovae, eno I no khilau tsüghüwo keno Ampeu no o kümgha tsüe. Ikemu itehi ye I kibo ghenguno ni ghi kughono kutoni kea?”

BOTHUBO 39:2

Ampeu no Joseph gholo ae, eno pa ye tokulu shiuve, pa ye pa mpeu Egyptmi kilo ngove.

BOTHUBO 39:21

Ikemu Ampeu no Joseph gholo ae eno Paw iqemokeu kikimiye pa piye eno akughu kheu nhethe lo pa kimiyeqhiyi ithulu pe.

BOTHUBO 39:23

Joseph no ghatou shikeu vehu lo akughu kheu ye kiumu alomsü moe, kughengu Ampeu no pa gholo ake. Eno pa no kiu shi keno kümtsü lo Ampeu no tokulu shilupe ke.

KUKAMI AKINIU 18:7

Tighenguno Ampeu no pa gholo ae eno pa no kiu shikeno ti kümtsü lo tokulu shilue. Pa no Assyriami kükau sasü kumgho eno pa huthumoe.

YEKIKITHI ATUGHIU 22:13

Tsala Ampeu no Moses vecheo Israelmi tsükeu khuaye eno pimheyeqo nono tsaqütsalei pelu aye, no ye ikoishelu nani. Akumto shino amlo kuloghi shilo. Msa kevi; alomtshüve kevilo.

YEKIKITHI ATUGHIU 9:20

Phinehas, Eleazar nu no wovekeu lo tile atou shiche; eno Ampeu no pa gholo ache.

YEKIKITHI AKINIU 1:1

David nu Solomon ye pa kükaqha iqhikumto luve, eno Ampeu pa Lhou no pa gholo akehu pa pesü shishe kije shivetsü.

YEKIKITHI AKINIU 26:5

Zechariah no xüake lo Ampeu sükümsa lono pa kütsü che, eno pa no Alhou pülü ake tivilo Alhou no pa pelo ikoishe lupe.

NEHEMIA 2:20

I no khochile, “Kungugha Lhou no ni pelo tolupe nani. Ningu pa qemiqo no ithu no mla nani, ikemu nongu ye Jerusalem lo amheghi momu achipiu momu khaghi no pekishe ighikeu saje kiumu kühae.”

LESHELE 1:3

Pa ye aghoki mkülo asübo akeu toi atusho achipi lono axathi pithi cheni, tipau nipa ye ighüive chemoe. Pa no mlakeu kümtsü lo ghenighilai cheni.

ZEKHARIA 8:23

Aqokitikhi Mpeu no ishi piani: Tipa ghuloki lo shiye eno ashiaye kütüta lono timi chighi no Jewmi lakhi kuuphi tsüqü luve no pi nani, ‘Ni pelo o gholo wu pelo, kughengu Alhou ye o gholo anie pi nino chiluvae.’”

MATTHEW 5:16

Tipaphi lono, kütami zülo nongu kulu vüqailu pelo, tishikeu lono panoqo no nongu kümla kivi ithulu no ajuküvü pesü nongu Papu kungugha lo akeu tsü nani.

1 Kor. 16:2

Apinedo kümtsü lo atsala atüghüni nongu lakhikhi no aghikeu qhemi ikhithape kütsü püaghilo, tishianguno I no ighi keloye süqhasüli lumoveni.

ZAKINIU 2:7

Ampeu nongu Lhou no nongu kümla thokha kümgha tsüe. Nongu no hi asayeqha katha chekeu Pa no ithi ani. Hi ampe lhobidi Ampeu nongu Lhou no nongu gholo ighive ake nongu ye kiumu püqümoe.”’

JOSHUA 1:9

Akumto shilo eno amlo kuloghi shilopi azah o tsüve ake kumo keshea? Msa kevi momu amlo tülalo kevilo kughengu ni Ampeu o Lhou ye nono khilekhile chemu, o gholo che nani.”

Piyeküsü 3:9

Julo, Satanw sinagogmi khunono kumomu Jewmi kepi pishiqhi cheni keno, I no panoqo pelo o zülo ighi no o pukhu philo itsaqi penike jualo, tileno panongu no Ni ye o kimiye cheni pi ithi nani.

SAMUEL ATUGHIU 18:14

Eno pa no shikeu kümtsü lo tokulu shilu, kughengu Ampeu no pa gholo ake.

SAMUEL ATUGHIU 18:28

Ikemu kughou Saul no Ampeu ye David gholo ani, eno Michal ye pa kimiyevae pi ithulu eno ithive keno,

SAMUEL ATUGHIU 3:19

Samuel ye thuwuve eno Ampeu no pa gholo ae eno pa tsa lakhimu adou shive tsümoe.