BOTHUBO 35:27 - Sumi Naga CL (Re-edited) Bible (BSI)

²⁷ Jacob no Abraham ngo Isaac pama no kachena shi acheke-a Mamre, momu Kiriath-arba (ti ye Hebron) lo papu Isaac lau ighi.

BAIBEL (BSI)

²⁷ Jakob no papu Isak no Kiriath-Arba itehi Hebron ipichekeu qhalo Mamre alo ighi, Abraham ngo Isak pamano izuwukeualo.

BOTHUBO 35:27 Mawu Ofanana

BOTHUBO 13:18

Ikehu Abram no pa phiki xakiqheve no wo Mamre lo aphisübo phivilo xüsüve, tipau ye Hebron lo ani, eno tile pa no Ampeu lau akümlla-khache shiqhe.

BOTHUBO 14:13

Tishino milakhi pokalu keu no ighi no Hebrewmi Abram vilo pive. Tipa ghuloki lo Abram ye Mamre lo aphisübo phivilo ache, Mamre ye Amorimi eno Eshcol ngo Aner pama thiküzüu, panoqo ye Abram sasü visho shikemie.

BOTHUBO 17:8

No eno o thiu o tikughukomi lau nono kachena shi akeu yeghi, Canaan yeghi kümtsü I no shekhaha mheghi shi tsüve nani, eno I no panoqo Lhou shi nani.”

BOTHUBO 18:1

Atsala külü dolo Abraham no pa phiki hukikha lo iqa akelo, Ampeu no Mamre lo aphisübo phivi lono pa lau ipeghi.

BOTHUBO 23:19

Tithiu Abraham no Canaan yeghi lo Mamre (ti ye Hebron) kipelau Machpelah luza lo atuki akeu lo pa nipu Sarah shiqhove.

BOTHUBO 23:2

Li ye Canaan yeghi lo Kiriath-arba (ti ye Hebron) lono thive, Abraham no wuno Sarah ghenguno mloqae.

BOTHUBO 28:5

Ikehu Isaac no Jacob puwuve. Eno pa ye Paddan-aram lo Jacob ngo Esau pama paza Rebekah peu, Arameami Bethuel nu Laban lau wuve.

BOTHUBO 31:18

Pa no pa tsü-aqu, amheghi pa no ala shilu keqo, atsü-aqu pa no Paddan-aram lo pighi phelu keqo kümtsü hasasü Canaan yeghi lo papu Isaac lau wuveni ye kutove.

BOTHUBO 37:14

Ikehu pa no pa vilo pi, “Itehi o mu noqo eno ambeloji ye akivi shi ani kemo keno juwulo, eno asütsa I lau süghilo.” Ikehu pa no Hebron Khila lono pa phepuwuve eno pa ye Shechem lo ideighive.

BOTHUBO 49:29

Tishino pa no panoqo azah tsüno pi, “Ni ye Iw timi gholo hekütsü luve niye shivae; Hittimi Ephron luza lo atuki akeu lo I puasü gholo I shiqhove lo,

SAMUEL AKINIU 2:1

Tithiu David no Ampeu vilo iniju, “Judahw mishighünaqo lakhi lo ni ye iqholu nanima?” Ampeu no pi, “Iqholo.” David no pi, “Khipa-a lo iqhoni kea?” Pa no pi, “Hebron lo.”

SAMUEL AKINIU 2:11

Tipa ghuloki lo David ye ampe tsüni eno aqhi tsügho Hebron lono Judah shiaye shou ayepelu.

SAMUEL AKINIU 2:3

David no paw timi khunoqo pa gholo akeno panoqo saighi, kümtsü no pütüta kibolomi saighi no panongu ye Hebron lo mishiphuqo lo ngoluve.

SAMUEL AKINIU 5:1

Tithiu Israel lo ashiaye kümtsü no Hebron lo David lau ighi no pi, “Julo, ningu ye o ghi eno o shi ke.

SAMUEL AKINIU 5:3

Tighenguno Israel lo layemi kümtsü Hebron lo akükau lau ighi, eno David no Ampeu zülono panongu sasü puloshoqhi lakhi Hebron lono shi, eno panongu no Israel kükau shi David nukishe luve.

SAMUEL AKINIU 5:5

Pa ye Hebron lo Judahmi shou ampe tsüni eno aqhi tsügho ayepe eno Israelmi ngo Judahmi kümtsü shou Jerusalem lono ampe shighi-küthü ayepelu.

JOSHUA 15:13

Ampeu no Joshua Azah tsüke toi Judah shiaye lo Judah yeghi aleqhi lakhi pe Jephunneh nu Caleb tsüve; ti ye Kiriath-arba (ti ye Hebron eno Arba ye Anak papu).

JOSHUA 21:11

Panongu no Judah lo ato ghakhu lo Kiriath-arba (Arba ye Anak papu) momu Hebron phughi eno tile atsüni kümtsha-a pe Levimi tsüve.