BOTHUBO 34:21 - Sumi Naga CL (Re-edited) Bible (BSI)

²¹ “Timi hipaqo ye ningu sasü külakishi lono ani; panoqo pelo ayeghi hile ngolupe no kilhikishi shilu pelo, kughengu julo, ayeghi ye panoqo ghenguno kughomae. Ningu no panongu ngaqo anipu shinike luni, eno ningaqo panongu tsünie.

BAIBEL (BSI)

²¹ “Timi hipaqoye iqunei kemie, ike panongu pelo aghakhulo ngopeno kicheghuzu shilu pe kepue. Panongu ghenguno ghi ayeghiye kughokumoe. Ningu nipu shikepu shi panongaqo ninguno lunie eno panongu pelo ningaqo lupe ishini.

BOTHUBO 34:21 Mawu Ofanana

BOTHUBO 34:10

Nongu no ni gholo ngolu nani, eno nongu lau ayeghi khaqhitsü nani. Ngolo eno hileno kilhisho shilo, hileno amheghi shilulo.”

BOTHUBO 34:20

Ikehu Hamor ngo pa nu Shechem pama no panow mishighüna khagho lo ighi no timi kümtsü pütsa no pi,

BOTHUBO 34:22

Hipa tsalo likhino panongu ye ningu gholo küghüna niye ani—ti ye ningu gholo kiptimi kümtsü pano toi aphighüyiko ghave masavae.

BOTHUBO 42:34

Nongu thiküzüu ayitiu I lau saighi lo. Tithiuno nongu ye pukujumi kumono amikuchomi kepi I no ithini, eno I no nongu thiküzüu nongu lau khaqhiphe tsüni, eno nongu ye ayeghi hilehi kilhikishi shilu nani.’”