BOTHUBO 24:3 - Sumi Naga CL (Re-edited) Bible (BSI)

³ tishianguno I no o pelo Ampeu, atsütsü Lhou eno ayeghi Lhou vecheo tushoqhi peni, ti ye Canaanmi khuno dolo I no xüani keno panongu ngaqo pesü no ye I nu nipu lutsü moni,

BAIBEL (BSI)

³ AMPEU, atsutsu eno ayeghi Lhou je lono ino opelo tushoqhi penie, ike tiye hi Kananmi, ino achekemi gholono inu nipu shinikeu khilemu lutsu kevilo.

BOTHUBO 24:3 Mawu Ofanana

BOTHUBO 14:19

Pa no Abram kümghatsü no pi, “Shishe Akiqheu Lhou, atsütsü eno ayeghi pighiu no Abram kümghatsü lo;

BOTHUBO 14:22

Ikemu Abram no Sodom kükau vilo pi, “Ampeu, Shishe Akiqheu Lhou, atsütsü eno ayeghi pighiu lau I no I u peqhevae,

BOTHUBO 21:23

Tighenguno itehi hileno no ye Alhou jelono ni eno I laghami eno I tikughuko pishiqhi moni, ikemu I no kimiyeqhiyi o lau mla ketoi, no ghi I lau eno ayeghi khile nono inami shi ani keno tipau kimiyeqhiyi nipi I lau tushoqhi lo.”

BOTHUBO 24:7

Ampeu, atsütsü Lhou, khuu no I limi eno I sholokumi yeghi lono I saipeghi, eno ‘O tikughukomi lau I no ayeghi hipau tsüni,’ ipi I pütsa eno I lau ashoqhi shi keno, Pa no Paw kungumi o züu puwu tsü nani, eno no ye I nu ghenguno tilauno anipu lusaghi nanie.

BOTHUBO 27:46

Tishino Rebekah no Isaac vilo pi, “Hittimi totimi ghenguno ni ye I küxü azüzüvae. Tsala Jacob no aphughi hipau lo Hittimi totimi lakhi luve aye, I ghenguno I küxü ye kiu akivi anani kea?”

BOTHUBO 28:1

Tithiu Isaac no Jacob kuno pa kümghatsü eno pa kichepiye tsü, “No ye anipu shinike Canaanmi totimi lu kevilo.

BOTHUBO 28:8

Ikehu kughou Esau no Canaanmi totimi ye pa pu Isaac lopiqi mlave pi ithi keno,

BOTHUBO 34:9

Ningu sasü külakupu shilo. Nongaqo ni tsülo, eno nongu no ningaqo lulo.

BOTHUBO 38:2

Tilau Judah no Canaanmi lakhi khuu je Shua keno, pa nga ithulu. Pa no li luve no pama kikivive,

BOTHUBO 47:31

Eno pa no pi, “I vilo tushoqhi lo”; eno pa no pa vilo tushoqhive. Tishino Israel no pa lüpa kütsü lo pishiqho luve.

BOTHUBO 50:25

Tithiu Joseph no Israel tianuliqo pelo ashoqhi shipe no pi, “Alhou no mtsüqheino nongu xuju ighi nani, eno nongu no hileno I saghi xapu wuve nani.”

BOTHUBO 6:2

Alhou nuliqo no timi ngaqo ye jukivishi akeu ithulu. Eno panongu no pano nipu shiniye kishelu.

BOTHUBO 6:4

Kughou Alhou nuliqo no timi ngaqo lau ighi no atianuli shi keno, tipa ghuloki lo eno tithiu ghi Nephilimqo ye ayeghi lo ache. Hipaqo ye khaghi lo timi akumtomi eno ajekipimi.

KUKAMI AKINIU 19:15

Pa no Ampeu zülono inikhu no pi: “O Ampeu, Israel Lhou, Cherubim shou iqa akeu, ayeghi lo kükaqha kümtsü shou O likhi no Alhou ke; Nono kungugha ngo ayeghi lhoke.

YEKIKITHI AKINIU 2:12

Hiram no highi pi, “Atsütsü eno ayeghi lhokeu Ampeu Alhou sheqhelo, kughengu Pa no alokütsü nu pesü shiye kuloghi shou ka penike David tsüe. Khuu tsükhüi eno shitsa keno, pa no Ampeu chineki eno pa kükaki shiniye kuto anie.

EZRA 5:11

Ikelo panongu no ningu khochile keu ye hike: ‘Ningu ye atsütsü eno ayeghi Lhou qemi, eno ningu ye khaghi no mlave keu ki, ti ye Israel kükau akijeu no mla eno kishekha keu ki tipau shiqhe kithe ani.

NEHEMIA 13:25

Ikehu I no tipaqo ighono sakiyi no panongu ghushoqhi, eno khami ye heqhi no asa phivetsü. Tishino I no panongu vilo Alhou je lono ashoqhi shipe, “Nongu ye khilemu nongaqo pesü pano pumi lau küla puwo moni eno nongu nu momu nongu ghi pano ngaqo sasü akibo moni.

NEHEMIA 9:6

“O likhi no Ampeu ke; Nono kungugha eno atsütsü, aqhi ayepu, ayeghi eno tile thokha thime, azüghi eno alou thokha thime, kümtsü lhoke; Nono ti kümtsü püxüpe qhike; eno kungugha lo aküka jeli no O mllae.

LESHELE 115:15

Ampeu, atsütsü eno ayeghi pulhoküsüu pelo nongu kümghatsü peniu!

LESHELE 136:26

Kungugha Lhou lau shikimthi keu tsülo, kughengu Paw iqemokeu kikimiye ye alholo acheni.

IPEKULU 20:7

“Nongu ye adou lono Ampeu nongu Lhou je peitha moni, kughengu khuu no adou lono Pa je peithani keno Ampeu no pa shou akipimi benani.

IPEKULU 22:11

pama dolo milakhi no pa kisüghüuw pichepighi shou au be kemo keno junike ghenguno Ampeu launo pama dolo ashoqhi shini. Lhoxü mpeu no ashoqhi ikhiluve tsüni, eno pa ye lochile moni.

IPEKULU 23:13

“I no nongu vilo pikeu kümtsü lo amlo tsülo, eno kütau lhouqo jeku moni, momu nongu kichi lono pikeu chilupe kevilo.

IPEKULU 34:16

nongu no pano ngaqo pesü nongu nuli nipu shi lutsü, eno anga tipaqo no pano lhouqo sasü kütüqha no nongu nuli pesü itaghi tipaphi shiuvepe nosae.

ISAIAH 45:23

Ni ampi no tushoqhivae; I kichi lono achipiu-mikucho shilo pivae atsa tipau ye ideighi monani: ‘Timi kümtsü no I zülo qhoqhünhe nani, eno amili kümtsü no I laumi shinike piqhi nani.’

ISAIAH 48:1

O Jacob laghami, hi inilo, nongu ye Israel je vecheo ku kemi eno Judah züghi lono ighi kemi ke, nongu no Ampeu je lono tushoqhi eno Israel Lhou je piphe cheni, ikemu kuchou eno achipi lono tishi chemoe.

ISAIAH 65:16

tishikeu lono aghakhu lo timi khuu no pa likhi pa kümghatsü keno, pa ye kuchou Lhou no kumghatsü nani, eno aghakhu lo timi khuu no ashoqhi shini keno, pa ye kuchou Lhou vecheo ashoqhi shi nani; kughengu wove keu küküpna ye kümsümavae, eno tipaqo ye I launo küsüvae.

JEREMIYA 10:11

Ikehu nono panongu vilo ishi pini: “Atsütsü eno ayeghi lhomo keu lhouqo ye atsütsü qholo eno ayeghi lono pühave nani.”

JEREMIYA 12:16

Ti ye shikupu nani, panongu no amlo tsüqhiyi Iw timiqo laghi shikalu, eno Iw timiqo pelo Baal lau tushoqhi peke toi, I je lono tushoqhi, ‘Ampeu xü anike,’ ipi aye, panongu ye Iw timiqo gholono shiqhe pukutsü nani.

JEREMIYA 29:6

Anipu luno atianuli shilo, nopu noqo ghenguno anipu lutsülo, eno nongaqo pelo külau pelo, tishianguno atianuli shilu nani, kughukoni thono kümghüve kevilo.

JEREMIYA 4:2

eno kuchou, kuchou xakütha, ngo achipiu mikucho lono nono, ‘Ampeu xü ani,’ ipi tushoqhi aye Pa no shiyeqo kümghatsü nani, eno Pa gholono panongu jekipi shinani.”

ACHINE 19:12

Nono pemla kepushi kümsü aghi aye I je lono ashoqhi shikevilo, ti ye shipütha keu I shou süghi anie: Ni ye Ampeu nongu Lhou ke.

ZEFANIA 1:5

aki kütsüqa lono atsütsü lo aqokitikhi zülo qhoqhü chekemi, Ampeu zülo itsaqi eno tushoqhi ani kemu Milcom vecheo ghi tushoqhi chekemi,

AKIKIHI 5:21

(achineu huno atotiu pelo angusü shoqhi shipelo, eno li vilo pilo) ‘Ampeu no o lhoa sükütsüve tsüno o phimpi shikughunguve tsü peni, eno ow timi gholo angusüu shipeni.

1 Kor. 7:39

Anipu ye akimi no xüake tivilo pa lau tsüghape qhivae. Ikemu akimi no thive aye li ye Ampeu pulou lono li no khuu pulo keno pa sasü külalu nani.

ZAKINIU 10:20

Ampeu nongu Lhou sümsa lo. Pa huthu eno mtulu lo, eno Pa je lono tushoqhi lo.

ZAKINIU 6:13

Ampeu nongu Lhou sümsa lo, Pa likhi huthu lo eno Pa je lo likhino tushoqhi lo.

IBRIMI 6:16

Timi ye panoqo nguno akijeu kiuala jeku tushoqhi cheni, eno pano küküpna kümtsü lo ashoqhi no xakütha ashekhau shicheni.

JOSHUA 2:12

Tishiaye, I no nongu lau akivi kümla mlave ketoi, nongu ghi I pu kibolomi lau akivi kümla mlani kepi tushoqhive lo, eno tishi nanie pikeu michipu tsülo,

XAKUTHAMI 14:3

Ikemu papu ngo paza pama no pi, “Ni limi dolo momu ni shiaye dolo totimi kühave akesheno kushiye no ye aphighüyiko ghamo kemi Philistiami lau o nipu phuwu ani kea?” Ikemu Samson no papu vilo pi, “Li ye I ghenguno achipi shi anike li lu saghi tsülo.”

SAMUEL ATUGHIU 20:17

Jonathan no David kimiye kehu itaghi pa pelo tushoqhipe, kughengu pa no pa ampi toi David kimiye ke.

SAMUEL ATUGHIU 30:15

David no pa vilo pi, “I sasü leighi keqo lau wuni kema?” Pa no pi, “No ye I pithimo momu I mpeu u lo I süve tsümoe pi Alhou zülono I vilo ashoqhi shilo, eno I no o sasü leighi keqo lau wuni.”