BOTHUBO 12:2 - Sumi Naga CL (Re-edited) Bible (BSI)

² I no o pesü shiye kije shitsüni, I no o kümgha tsüni, eno o je kije shitsüni, tishianguno no ye kükümghau shipeni.

BAIBEL (BSI)

² Ino otikughuko pesu shiyeh kije shitsunie. Ino okumghatsu puzu oje pipi tsunie, tishianguno noye kutami kumgha kutsuu shipeni.

BOTHUBO 12:2 Mawu Ofanana

BOTHUBO 13:16

I no o polo kughuko pesü ayeghi lo asaye toi shi tsüni, ikehu tsala khuana no ayeghi lo asaye kihikulupu shi aghi aye, o polo kughuko ghi kihilu nani.

BOTHUBO 15:5

Pa no khalacheu pa saipe no pi, “Atsütsü küdau julo, eno tsala nono ayepuqo kihilu kepu shi aye kihiju lo.” Tishino Pa no pa vilo pi, “O tikughuko ye hitoi nani.”

BOTHUBO 17:20

Ishmael ghengu ye, I no o tsa chiluvae; julo, I no pa kümghave tsüae eno pa pelo shishe athi pithilu eno kughukolu penani. Pa ye yepemi chighikini papu shi nani, eno I no pa pesü shiye kije lakhi shitsü nani.

BOTHUBO 18:18

Abraham ye mtsüqheino kije eno akughushu shiye shi nani, eno ayeghi lo shiye kümtsü pa vecheo müghalu nani.

BOTHUBO 18:19

Kughengu I no pa kisheluvae, pa no pa nuliqo azah tsü no achipiu mikucho eno kuchou xakütha shikeu vecheo Ampeu laghi lo cheche peniye eno tishikeu lono Ampeu no kiu Abraham vilo piqhi püani keno tipau pa lau süghilu peniye ke.”

BOTHUBO 19:29

Ikehu kughou Alhou no akhila lo mishighünaqo kütsave keno, Pa no Abraham kümsülu, tileno Pa no mishighüna khikhi Lot no ache keno tipau kütsa akelono Lot saipeghie.

BOTHUBO 24:1

Abraham ye kitemi shive eno ampe kutomo shiuve. Eno Ampeu no thokha lo pa kümghave tsüe.

BOTHUBO 24:35

Ampeu no shishe I mpeu kümghatsü, eno pa ye kije shivae. Atsü-aqu, ghükayi ngo ameshoyi, aqemi kiptimi ngo totimi, sayeshi ngo khurhaqo ishi Ampeu no pa tsüe.

BOTHUBO 25:11

Abraham no thive kethiu Alhou no pa nu Isaac kümghatsüe. Eno Isaac ye Beer-lahai-roi lo xüsüve.

BOTHUBO 26:3

Hipa yeghi lo ado hami ngolo, eno I no o gholo anani eno o kümghatsü nani, kughengu o lau eno o tikughukomi lau I no ayeghi hi kümtsü tsü nani, eno o pu Abraham lau ashoqhi khikhi I no tushoqhi keno tipau shikupu tsü nani.

BOTHUBO 26:4

I no o tikughuko atsütsü lo ayepuqo toi kighishe tsü nani eno o tikughuko lau ayeghi hipaqo kümtsü tsü nani. Eno o tikughuko vecheo ayeghiqha lo shiye kümtsü kümghatsü nani,

BOTHUBO 27:29

Ashiayeqo no o qe peni eno shiyeqo no o zülo itsaqi peni. O thiküzümi shou ampeu shilulo, eno o za nuliqo pelo o zülo pishiqho peni. Khukhumu o müsüini keu ye müsüinive peniu, khukhumu o kümgha tsükeu ye müghalu peniu!”

BOTHUBO 28:14

O tikughuko no ayeghi lo ayeghimkhu jehi nani, eno no ye aghacheu kulolau ngo kipelau, eno ahuu ngo apeu qhawo nani, no eno o tikughuko vecheo ayeghi lo akibolomi kümtsü müghalu nani.

BOTHUBO 35:11

Eno Alhou no pi, “Ni ye Akughushu Lhou ke; athi pithilu eno kighishelu lo. O launo shiye lakhi lighimi ipeghi nani, eno o phi lono kükami ipeghi nani.

BOTHUBO 46:3

Tile Pa no pi, “Ni ye Alhou, o pu Lhou ke. Egypt lo iqinike msa kevilo, kughengu tilauno I no o pesü shiye kije shitsüni.

SAMUEL AKINIU 7:9

Nono khile wu keno I no o gholo ae eno o ghümi kümtsü o zülono ikhive tsü. Eno ayeghi lo akighichemi toi I no o ghenguno aje kije shitsü nani.

KUKAMI ATUGHIU 1:47

Tinguno alau akükau qemi no ni mpeu akükau David lau ighi no toshe pa tsüno pi ani, ‘O Lhou no Solomon je pesü o nguno ajekipi shitsü peni eno pa kükalakhü no o nguno akijeu shitsü peniu!’ Akükau David no pa züa lono pulove ghi pishiqho.

JOB 35:8

O lhoksa no o shou ikughina thono o mikucho huye kütami lau wuve nanie.

LESHELE 107:38

Paw kükümgha vecheo panongu ye shishe kughuko luve, eno Pa no panow pichepighi lhoxü mpive pemoe.

IPEKULU 1:7

Ikemu Israel shiaye ye shishe kije ikowove; panongu ye kighishe wove eno shishe mtotoi thuwuve, ikehu panongu no ayeghi tipau chhitoive.

IPEKULU 32:10

Tighenguno itehi I lakha kevilo, I loghu no shukuthui panoqo pitini cheni, tishikeu lono I no o pesü shiye kije shitsüni.”

ISAIAH 51:2

Nongu pasü Abraham eno nongu punu keu Sarah kümsü julo; kughou I no pa kulu keno, pa ye thili ke, tishikeu lono I no pa kümgha tsüno kughuko tsüniye ke.

EZEKEL 34:26

I no panoqo eno I toghi hokümxa-a kümtsü lo kükümgha shitsü nani, eno I no panoqo tusho lo tsütsüghu ghuqhitsü nani; tile kükümgha tsütsüghu anani.

MICAH 7:20

Nono khaghi no ni puasü lau piqhike toi No ye Jacob lau pükhükulupu eno Abraham lau iqemokeu kikimiye piye nani.

ZEKHARIA 8:13

Nongu ye ghushove kemie pi shiyeqo gholo küghakiche shiveke, O Judah ngo Israel laghami, ikehu I no nongu xalu nani eno nongu ye kükümghau shive nani. Msa kevilo, ikemu nongu u mtotoi lulo.”

AKIKIHI 14:12

I no püsa pesü panoqo shou puwuni eno pano mheghi luve tsüni, ikemu I no panongu nguno akuloghiu eno akumtou shiye lakhi o launo ipeghilu penie.”

AKIKIHI 22:12

Alhou no Balaam vilo pi, “Timi hipaqo gholo wu kevilo eno no ye timi hupaqo müsüini kevilo kughengu panongu ye kükümgha timiqo ke.”

AKIKIHI 23:20

Julo, ni ye kümghatsü peni keu za ithulue: Pa no kümghave tsüake ni ye ti xachile lumlae.

Rommi 4:11

Pa ye ghamphi lonomu aküpülü vecheo achipiu shi xüche kehu ti mekha keu shi aphighüyiko kügha michipu ithulue. Ti ye khunono aphighüyiko ghamo namu pülüni keno Abraham pelo panoqo papu shipeni keu kimji lono ke, tishikeu lono panoqo ghi achipikaluve kemie pi kihi tsüniye ke;

Galatiami 3:14

tishianguno Khristo Jisü launo Jewkumomi lau Abraham kükümgha ighi peniye eno aküpülü vecheo ningu no piqhi püakeu Ghungu ithulu niye ke.

Galatiami 3:7

Tishiaye khunono aküpülü ani keno panongu no Abraham tianuliqo kepi ithilo.

ZAKINIU 26:5

“Tishino Ampeu zülono nongu no ishi pini: ‘I puasü ye kupokichemi Arameami. Pa ye Egypt lo iqi no tilau thilishi ache, ikemu tilauno pa ye shiye kije, akumto, eno anoghi shive.