Apostolmi 4:32 - Sumi Naga CL (Re-edited) Bible (BSI)

³² Küpülümi kümtsü no amlo akükümsü lakhi shi, eno khunomu pa no kiu akeno ti ye paw ke ipimoe, ikemu panongu ye thokha kümtsü aqü shike.

BAIBEL (BSI)

³² Kupulumi muqoye amlo akukumsu lakhi. Milakhimu pano kiu pighi aghikeno tiye pawu kepi pimoe, ikemu panonguno aghikeu kumtsu pesu aqushi kusajeche.

Sümi Tiqhelimi Bible

³² Küpülümiqo kümtsü amlo eno akükümsü lakhi shie. Khunomu pa no kiu pighi aghí keno tiye paw kepi pükhamoe, ikemu panongu no kiu aghí keno kümtsü pesü aqǘ shi küsaje cheke.

Apostolmi 4:32 Mawu Ofanana

YEKIKITHI AKINIU 30:12

Alhou no Judah timi pelo amlo lakhi shino akükau ngo paw hiyampemi Ampeu tsa ikhilu penike akümla shive.

JEREMIYA 32:39

I no amlo lakhi eno alaghi lakhi panoqo tsü nani, tishianguno panongu no alholo I sümsa nani, ti ye panongu eno pano tianuli kivipu ghenguno eno pano thiu atilimi ghengu ghike.

John 17:11

Ni ye ayeghi lo ngomae, eno O lau cheae, ikemu panongu ye ayeghi lo aphie. Apu Akimtheu, O je lono Nono I tsükeqo khe tsülo, tishianguno nikujo no lakhi ketoi panongu ghi lakhi shi penie.

Apostolmi 1:14

Hipaqo kümtsü akükümsü lakhi shino tamono akighini shia, panongu gholo totimiqo, Jisü paza Mary, eno pa thiküzümi ae.

Apostolmi 2:1

Kughou Pentecost tsala ighi keno, panongu kümtsü a-a lakhi lo ae.

Apostolmi 5:12

Apostolmi no timiqo gholo amchipu eno akümzapu kümla kutomo mla ae. Panongu kümtsü Solomon kisheqho lono kumqo che.

Rommi 12:5

ningu ghi kutomo shi anamu Khristo küdau no aphimpi lakhi shiluve akehu pütüta müzülo lakhino lakhi sasü kütshükime luvae.

1 Kor. 1:10

Athiküzümiqo, ni Mpeu Jisü Khristo je lono I no nongu qhüiniju anike nongu kümtsü no pulo küqhalulo, nongu gholo kijethakile kevi, ikemu akükümsü lo eno küghakütha lo küqhakulu shilo.

2 Kor. 13:11

Ashekhashi, athiküzü achelimiqo, alovilo. Kupukülai luni keu mijilo, lakhino lakhi lokughuno tsülo, lakhino lakhi sasü pulo küqhalo, külakishi lono xülo; kikimiye ngo aloino keu Lhou no nongu gholo anani.

FILIPIAMI 1:27

Akhotou ye hike, nongu xüghola ye Khristo tsakiviu gholo aküzüqhiyi kimshilu pelo, tishianguno I no ighi no nongu kujuthulu na monamu, nongu ye amlo akükümsü küthape lakhi shino atsakiviu küpülü ghüshi ghenguno kümtsa akumto shi puthugho anipi ni ye chiluni shi ani

1 Peter 3:8

Ashekhashi nongu kümtsü no akükümsü lo küsükidikulu alo, amlosa küqhalo, athiküzümi toi kimiye kile lo, amlo kümtsha, eno aqhokigheu kükümsü pulo.

1 Peter 4:11

khuu no asheshu cheni keno Alhou Tsape pesü asheshulo; khuu no huthu cheni keno Alhou no tsü chekeu kumto pesü huthulo, tishianguno thokha lo Jisü Khristo vecheo Alhou jekipipu shilu penie. Alholo eno pülhapuju ajuküvü ngo aküka ye Paw ke, Amen.