Apostolmi 26:6 - Sumi Naga CL (Re-edited) Bible (BSI)

⁶ Itehi I no hile atsa kükügha lo puthugho akeu ye I no Alhou no ni puasü lau piqhikeu lo lajupu akeu ghenguno ke.

BAIBEL (BSI)

⁶ Itehi niye hile puthugho puzu ishou atsa kugha apekeuye Alhou no nipu asu lau piqhikeulo ino lajukeu akeu ghenguno ke.

Sümi Tiqhelimi Bible

⁶ Eno itehi ye Alhou no ni pù-asüqo lau kiu tushoqhi keno I no tipau shou lajube keu ghenguno ishí ye I shou atsa kügha anie.

Apostolmi 26:6 Mawu Ofanana

BOTHUBO 12:3

Khunono o kümgha tsüni keno I no kümgha tsüni, khuu no o thaighani keno I no ghushoni, eno o launo ayeghi lo akibolomi kümtsü mügha peni.”

BOTHUBO 22:18

o tikughuko vecheo ayeghi lo shiye kümtsü no müghalu nani, kughengu nono I gholuke.”

BOTHUBO 26:4

I no o tikughuko atsütsü lo ayepuqo toi kighishe tsü nani eno o tikughuko lau ayeghi hipaqo kümtsü tsü nani. Eno o tikughuko vecheo ayeghiqha lo shiye kümtsü kümghatsü nani,

BOTHUBO 3:15

Atotiu ngo nokujo dolo eno o nuli ngo li nuli dolo I no kimthikile keu sütsüni; pa no o kütsü chisheda nani, eno nono pa phitsü mighi nani.”

BOTHUBO 49:10

Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.

LESHELE 132:11

Ampeu no David lau thebei ashoqhi shike Pa ye tipau lono tsüghüve monani: “O nuliqo dolo lakhi I no o kükalakhü lo puku nani.

LESHELE 132:17

I no tile David ghenguno akibo lakhi mini ipeghipe nani; Iw nukikishe ghenguno akulu lakhi I no kutope qhivae.

LESHELE 98:2

Ampeu no Paw xakulu ithiluve peke; Pa no shiyeqo zülono Pa chipiu mikucho pepheke.

ISAIAH 4:2

Tipa tsala lo Ampeu pishe-amzü ye jukivipu eno ajuküvüpu shi nani, eno ayeghi lo axathi ipeghi keu no Israelmi ghükulumi kijivile eno agigihupu shilu nani.

ISAIAH 7:14

Tighenguno Ampeu ampi no amchipu lakhi o tsü nani. Julo, ili thathe lakhi no mishipuve no anu punu nani, eno pa je pesü Immanuel kutsü nani.

EZEKEL 21:27

Ixapinyi, ixapinyi, I no tipau ixapinyive tsü nani. Küghakütha ye milakhi khuuw keno pa no ighi moke kutolo, hipau ghi tishi pemo nani, eno I no tipau pa tsüve nani.

EZEKEL 37:24

“I qeu David no panoqo shou akükau shinani, panongu kümtsü ghenguno ambekheu lakhi anani. Panongu ye Iw pimheyeqo pape nani eno I yezahqo gholuni ke kutokupui nani.

HOSIYA 3:5

Tithiuno Israel tianuliqo no ideighi no Ampeu pano Lhou eno pano kükau David phu nani, eno ashekha ghuloki lo panongu no Ampeu sükümsa eno Pa kivi küdau ighi nani.

JOYIL 2:32

Eno ado hu ighi kelo khukhumu Ampeu je kulu keu ye xaluve nani. Kughengu Ampeu no pike toi khami ye Zion Toghi lo eno Jerusalem lo pove nani, eno tipaqo gholo Ampeu no kuluve keqo anani.

Obadiah 1:21

Xaluve kemi no Esau Toghi lo ayepe nike Zion Toghi lo iku nani, eno kükaqha ye Ampeuw shive nani.

MICAH 5:2

Ikemu O Bethlehem Ephrathah, no khuu Judah lagha gholo aghulou keno, I ghenguno Israel lo yepeu shiniye akeu lakhi o launo ighi nani, Pa ighini keu ye khaghi mulhou tsae.

MICAH 7:20

Nono khaghi no ni puasü lau piqhike toi No ye Jacob lau pükhükulupu eno Abraham lau iqemokeu kikimiye piye nani.

ZEKHARIA 13:1

“Tipa tsala lo David laghami eno Jerusalem lo küami xine eno mithekumo qhukimthe tsünike ghenguno azüpuki lakhi ipeghi nani.

ZEKHARIA 13:7

“O azütakikihi, ithu Iw ambekhemi mjochile lo, Timi khuu I shelo puthugho ani keno mjochile lo,” ipi aqokitikhiMPEU no asheshu. “Ambekheu ghiqhilo eno ambeqo ye apanaghave nani; I no itimiqo shou I u süqheni.

ZEKHARIA 6:12

Eno pa vilo pilo, ‘Aqokitikhi Mpeu no ishi piani, “Khuu je no Aloka keno, julo: pa ye pa-a lono aloka qüpuwu nani, eno pa no Ampeu chineki shiqhe nani.

ZEKHARIA 9:9

Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.

MALAKI 3:1

“Julo, I no I tsapeu puwu ani, eno pa no I züuno alaghi kuto nani. Ampeu nongu no phuche keu ye Pa Chineki lo züleno ighi nani; eno puloshoqhi tsapeu khuu lau nongu no alokiqi acheni keno, julo, pa ye cheni, aqokitikhi Mpeu no pi.

MALAKI 4:2

Ikemu nongu I je sümsa chekemi ghengu ye, achipiu mikucho no khetsünhe küvü toi shikipivi süghi nani. Amshitiqo no kakashi ilhe ketoi nongu no alovi nani.

Apostolmi 23:6

Kughou tile khami no Sadduceemi eno khami no Phariseemi shi akeu Paul no vethalu keno, pa no hoho lo sheshu, “Athiküzümiqo, ni ye Phariseemi, Phariseemi nuke. I no kithimi xüchilekulu shou lajupu akeu ghenguno atsa kükügha zülo puthugho ani.”

Apostolmi 24:15

Alhou khuu timi hipaqo no ikhilu cheni keno, Pa shou Iw lajupu achekeu ye amikuchomi ngo kixikilami kinikujo xüchilekulu anani.

Apostolmi 24:21

I no panongu zülo puthugho akelono ishi ighamku pikeu nguno kütau ye kiumu kühae: ‘Ishi tsala lo nongu zülo I tsa kügha akeu ye kithimi xüchilekulu vehu ghenguno ke.’”

Apostolmi 26:8

Alhou no kithimi xüputhu chekeu lo kushiye nongu khami ye mzaqhiyi kümsü ani kea?

Apostolmi 28:20

Ikehu hipa vehu ghenguno ni ye nongu sasü kusho no küptsa niye kue, kughengu Israelmi lajupu ghenguno ni ye ayikichhe hipau no I tshüpe ani.”

Apostolmi 3:24

Samuel lono huthusü pa thiu tungkupu khijeno tungkuptsa piche keno kümtsü no atsala hipaqo ghili pi püani.

Rommi 15:8

I no nongu vilo piani ke Khristo ye Alhou mikucho piyeni ye Jewmi qeu shive, tishianguno püzüu apuasüqo lau pikiqhitsa tsükeu ye xüaphi kepi iqhikumto tsüniye ke,

Galatiami 4:4

Ikemu kughou ado kupukülai ighive keno Alhou no Pa Nu puwu, totimi pelo punupe, ayezah qholono punu,

ZAKINIU 18:15

“Ampeu nongu Lhou no I toike tungkupu lakhi nongu athiküzümi lau puwu nani, nongu ye pa gholu masae.

Titus 2:13

tino ni Lhou akijeu eno Xakuluu Jisü Khristo ajuküvü lono ipeghini keu khekuto akelo niw kükümgha lajupu ke.