Apostolmi 20:21 - Sumi Naga CL (Re-edited) Bible (BSI)

²¹ Jewmi eno Greekmi vilo ghi Alhou lau xaide ighi no ni Mpeu Jisü Khristo pülü penike thopi shi püani.

BAIBEL (BSI)

²¹ Judami vilo ghi Grikmi vilo ghi ishi Alhou kudau xaide ighinikeu eno ningu mpeu Jisu shou pulube nikeu shepe thumuyishi pithie.

Sümi Tiqhelimi Bible

²¹ Ni ye Jewmi ngò Greekmiqo kinikujo vilo ghí panongu ye Alhou lau xaideighi no amlo pebideve püzü ningu Mpeu Jisü shou pülübe moayesa kepi shukiphe shive tsüae.

Apostolmi 20:21 Mawu Ofanana

MATTHEW 3:2

“Xaidelo, kughengu kungugha yekipe ye kupunuvae.”

MATTHEW 4:17

Hipa ghuloki lono huthusü Jisü no ishi kütsü thuve, “Xaidelo, kughengu kungugha yekipe ye kunupu khoivae.”

Mark 1:15

“Ado ye kupuvae, eno Alhou yekipe ye kupunuvae, xaidelo eno atsakiviu pülü lulo.”

Mark 6:12

Ikehu akhopemi no wu püzü timi kümtsü no xaide masa keu tsa pesü sheshu.

Luke 13:3

Moe, I no nongu vilo piani; ikemu nongu no xaidemo kelo nongu kümtsü titoi pühave nani.

Luke 13:5

I no nongu vilo piani, kumoe; ikemu nongu no xaidemo kelo nonguu ghi kümtsü titoi pühave nani.”

Luke 15:10

Tihutoi I no nongu vilo piani, axinemi lakhi no xaidelu keu lo Alhouw kungumi gholo ghi alokivi kije acheni.”

Luke 15:7

Tihutoi I no nongu vilo piani, kungugha lo amikuchomi lhotoku-toku khuno müzülo xaidekulu avehupu shimoa keno, tipaqo ghenguno alovi keu nguno axinemi lakhi xaidelu keu lokiviu paje nani.

Luke 16:28

kughengu ni ye athiküzümi pungu anike pa pelo panongu kütüghü tsü peni, tikumo aye panoqou ghi ghimeqhi ke-a hipau lo iloghilu nosae.’

Luke 24:47

eno Jerusalem lono huthusü pa je lono shiye kümtsü lau xaidekulu eno axine qhikütsü pesü sheshu masae.

John 20:31

ikemu hipaqo yepüa keu ye nongu pelo Jisü ye Khristo, Alhou Nu, kepi pülülu peniye, eno pülülu keu vecheo Pa je lono aküxü apeniye ke.

John 3:36

Khunono Anu pülüni keno lhokta küxü ani; khunono Anu gholu moni keno aküxü ithumla nani, ikemu pa shou Alhou loghu anani.

Apostolmi 10:43

Pa pülü kemi kümtsü no pa je vecheo axine qhikütsü ithulue pi tungkupmi kümtsü no pa shepe shipüani.”

Apostolmi 11:18

Panongu no hi chilu kelo inaqhoive, eno Alhou sheqhe ghi pi, “Tishiaye Alhou no Jewkumomi lau ghi aküxüpu lo wulu kepu xaidekulu tsüvae.”

Apostolmi 16:31

Pama no pi, “Ampeu Jisü shou pülübe lo eno no eno o kibo ghi xaluve nani.”

Apostolmi 17:30

Mthake ghuloki loye Alhou no jukümghale ighivae, ikemu itehi ye Pa no aqha kuchopu lo timi kümtsü vilo xaide lopi azah tsü ani,

Apostolmi 19:17

Ephesus lo küami Jewmi ngo Greekmi kümtsü no hi ithive, eno akümsa no kümtsü shou ikughive no Ampeu Jisü je sheqhe.

Apostolmi 2:38

Peter no panongu vilo pi, “Nongu xine qhivetsü kepushi xaideghi no Jisü Khristo je lono baptiz shilulo, eno nongu no Aghungu Kimthe gho ithulu nani.

Apostolmi 2:40

Pa no atsa kütau kutomo pesü thopi shino panoqo hakutho ghi pi, “Hi chighichilai keu tiqheli lono nongu ampi xalulo.”

Apostolmi 20:23

Aphughi kümtsü lo Aghungu Kimthe no akughukishi eno shiluküsa no I khe akeu kütüghü ani.

Apostolmi 20:24

I kimjiu ye Alhouw küpükini tsakiviu sheshu peni keu kümlapu saje khikhi Ampeu Jisü no I tsü keno ti shikupu luni malapi ani thono ni ye I küxü pesü ameküapu momu akughupu shi chemoe.

Apostolmi 24:24

Atsala hami thiu Felix ngo pa nipu Drusilla, khuu Jewmi keno, pama no Paul kusaghipe, eno pa no Jisü Khristo lau aküpülü akeu ghili pikeu ini.

Apostolmi 26:18

panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

Apostolmi 26:20

Ikemu Damascus lo paghi sheshu, tishino Jerusalem, Judea cheaxü kümtsü lo, eno Jewkumomi lau ghi Alhou lau xaide, eno tipau kiqi lono akümla lono piye lopi sheshue.

Apostolmi 28:23

Kughou pa sasü kushoni ke kihikütha tsala tove keno, panongu kutomo shesü pa kungo-a lo ighi. Inaqhe no avelau kutolo, pa no apasü shi Alhou yekipe shepe shitsü eno Moses Yezah ngo Tungkupmi kaku lono Jisü ghili pesü panongu züiza nike pükapütsa.

Apostolmi 3:19

Tighenguno xaidelo, eno nongu xine nuxave tsü penike tsüghü ighilo,

Apostolmi 8:25

Pama no Ampeu tsa pesü ashepe shive kethiu, Jerusalem lo idewo chekelo Samariami phu kutomo lo atsakiviu pesü sheshue.

Rommi 1:14

Ni ye Greekmi ngo ayekümthami lau, ithishe kemi ngo mbomzümi lau ghi api xapu anie.

Rommi 1:16

Ikehu ni ye atsakiviu ghenguno kujove chemoe, kughengu ti ye pülülu kemi kümtsü, atüghüshi Jewmi eno tithiu no Greekmi ghi, xalu nike ghenguno Alhou küka ke.

Rommi 10:9

kughengu nono Jisü ye Ampeu kepi o kichi lono piphelu eno Alhou no akithi lono Pa xüputhu kepi o mlo lono pülülu aye, no ye xaluve nani.

Rommi 2:4

Ikeo no ye Paw ivüilai keu, kutuukulu eno kheakulu kupukuno shi akeu huye xaidekulu lalo o sawu nike ghengunoe pi mthano küthathai ani kea?

Rommi 4:24

ningu ghengu ghi ke. Ningu khunono akithi lono ni Mpeu Jisü xüputhu keu Lhou pülü cheni keno kümtsü lau ghi ti kihitsü nani.

Rommi 5:1

Tighenguno, ningu ye aküpülü lono achipikaluve akehu, ni Mpeu Jisü Khristo vecheo ningu ye Alhou sasü külashi luvae.

1 Kor. 1:22

Kughengu Jewmi no amchipu khucheni eno Greekmi no alokütsü phucheni,

2 Kor. 7:10

Kughengu Alhou küdau no amloghime peitha luve keu no aküxü xaidelu no xakulupu lo sawu cheni eno tile kümsüchile kepu kühae, ikemu ayeghilo mloghime no akithi süghi cheni.

Galatiami 2:16

ikeghi nino ithi akeu no timi lakhi ye Ayezah peluke lono kumono Jisü Khristo lau aküpülü akeu vecheo achipikalu cheni, ikehu Khristo lau aküpülü akeu vecheo achipikalu niye ningu no Ayezah shou kumono Khristo Jisü pülübe cheni, kughengu timi khumu Ayezah vecheo achipikalu monani.

Galatiami 2:20

Ni ye Khristo gholono yedavae. I lolo xüakeu ye ni kumovae, ikemu Khristo no I lolo xüani. Eno itehi I no ashi lo xüakeu ye Alhou Nu, khuu no I kimiye no I ghenguno pa ampi tsüve keno, pa gholo aküpülü vecheo xüani.

Galatiami 3:22

Ikemu Kuchoyesü no thokha kümtsü axine kütsügha qholo süghivae, tishianguno Jisü Khristo lau aküpülü akeu vecheo pikiqhitsa huye khunono pülü keno pano tsüniye ke.

Ephesiami 1:15

Nongu küpülü Ampeu Jisü lau akeu eno nonguw kikimiye küpülümi kümtsü lau akeu I no chiluve akehu hipau kimji ghenguno,

Kolosiami 2:5

Kughengu I phimpi ye nongu gholo küha pinamu aghungu lono ni ye nongu gholo ani, nongu no kithikiyi eno aküpülü lo mtotoi Khristo lau akeu alokivi shi ithuluni shi ani.

Philemon 1:5

kughengu nono Ampeu Jisü lau eno küpülümi lau ow kikimiye eno aküpülü akeu I no chilue.

1 John 5:1

Khunono Jisü ye Messiah kepi pülü cheni keno pa ye Alhou nuli, eno khunono Apu kimiye cheni keno Alhou nuli shiluve kemi kütami ghi kimiye cheni.

1 John 5:5

Jisü ye Alhou Nu kepi pülü chekemi nguno kütami khuu no ayeghi theqhilu nani kea?