AMUS 5:25 - Sumi Naga CL (Re-edited) Bible (BSI)

²⁵ “Nongu ye ampe lhobidi asayeqha lo chekelo I lau aghakishi ngo akümllagho süghi keshea, O Israelmi?

BAIBEL (BSI)

²⁵ “O Israil lo akemiqo, ino ampe lhobidi nongu sasu asayeqha kathasu sawu chekelo niye lhoxu heqhi mllakeu eno akumllagho nongu vilo khumoe.

AMUS 5:25 Mawu Ofanana

NEHEMIA 9:18

Panongu no ameshoyi no amshiti julho mlano pi, ‘Hi no Egypt lono nongu sasü ipeghi keu lhou ke,’ eno küthakügha kije shi keghi,

NEHEMIA 9:21

Nono asayeqha lo ampe lhobidi panongu püxüpe qhi, eno panongu ye kiumu püqümoe. Pano phimini ye aqa shivemoe eno pano pukhu ye inguuve moe.

EZEKEL 20:16

kughengu panongu no I khuayeqo milive eno I yezahqo pemove ke, eno Iw Sabbath shikitiqeve; kughengu panoqo mlo ye pano sü-atu julho lau wuveke.

EZEKEL 20:24

kughengu panongu no Iw pimheye gholu move, I khuaye milive eno Iw Sabbath shikitiqeve, eno panongu nhethi no pano puasüqo süatu julho shou jupuku auveke.

EZEKEL 20:8

Ikemu panongu no I lachile ghi hebide eno I tsa chiluni keu pulo move. Panongu khumu pano nhethi ghapiqilu chekeu aphikümqhüpu jeli pevemoe, momu Egypt süatu julhoqo phevemoe. “Tileno I no pi, Ni ye I loghu panoqo shou lepukuni eno Egypt yeghi lono I mlokighide panoqo shou pukuni.

ACHINE 17:7

Tishikeu lono panongu ye ane kimihi ghawu, khuu panoqo no sasü küzüvü acheni keno, pa lau aghashi auve monani. Tiqheli kupuju lo hi ye Israelmi ghenguno alholo pimheye shivae.

ZEKHARIA 7:5

“Aghakhu lo timi eno achinemi vilo pilo, ‘Kughou nongu no ampe lhotsüni kutolo aqhi apunguu eno akütsüniu lo kümvü eno mloqa keno, nongu ye I ghenguno kümvü keshea?

JOSHUA 24:14

“Tighenguno itehi Ampeu sümsa eno amlo tsüqhiyi aküpülü lono Pa qelo. No puasüqo no Aghoki kukuu eno Egypt lo mlla chekeu lhouqo phevelo eno Ampeu qelo.