AMUS 3:7 - Sumi Naga CL (Re-edited) Bible (BSI)

⁷ “Kughengu Ampeu Alhou ye Pa qemi tungkupmi lau Paw tuqhou pephe piyemo keloye kiumu shichemoe.

BAIBEL (BSI)

⁷ AMPEU Alhou ye pano kughupe akeu pesu pa qemi, tungkupmi vilo piyesumo keloye khilemu tipau shini chemoke.

AMUS 3:7 Mawu Ofanana

BOTHUBO 18:17

Ampeu no pi, “I no kiu shiniye ani keno Ni ye Abraham launo küsüveni keshea?

BOTHUBO 6:13

Alhou no Noah vilo pi, “Timi lhoxü kümtsü kishekhave tsüni keu shivae, kughengu panoqo vecheo ayeghiqha ye hekiqhi ghikiqhi no chhitoivae. Julo, I no ayeghi gholono panoqo kütsave nani.

KUKAMI AKINIU 22:13

“Wulo, eno kaku hipau lo yepüa keu kiqi lono ni eno timiqo ghenguno, eno Judah timi kümtsü ghenguno Ampeu lau ighiju lo. Ampeu ye ningu lau shishe aloghu ide ani, kughengu ni puasüqo no kaku hipau lo shilo pikeu pape movae, eno ningu ghenguno yepüa tsükeu kiqi lono xümovae.”

KUKAMI AKINIU 22:20

Tighenguno julo, I no o puasüqo gholo o hekütsü nani, no ye aloinoqhiyi o kumo lo ilo nani, eno o nhethi ye I no a-a hipau shou kütsakungo süghini ye akeu ithulumo nani.’” Panongu no akükau lau atsa hipau pesü ighi.

KUKAMI AKINIU 6:12

Panongu lakhi no khochile, “Ningu khunomu kumoe, O akükau, I mpeu, ikemu Elisha tungkupu khuu Israel lo acheni keno, pa no nono tuqhouno o züabo lono pikeu tsaqo pe akükau vilo pive cheni.”

LESHELE 25:14

Ampeu ye Pa sümsa chekemi sasü shou-pau shicheni, eno Paw puloshoqhi pesü panoqo pelo ithipe cheni.

ISAIAH 18:4

Kughengu Ampeu no I vilo pi: “Ghile ghuloki lo akimhi tsüzü toi, tsütsüni lo ghaqhi keu külü toi, I kungo-a lono I no asheshino jupiqi nani.”

JEREMIYA 23:22

Ikemu panongu no I hoho lo puthugho ke aye, panongu ye I tsa pesü Iw timiqo vilo pikülha luniche, eno pano kümla lhoksa lono sachile süghi luni cheke.

EZEKEL 29:21

“Tipa tsalani I no Israel laghami ghenguno akibo lakhi pipetsü nani, eno I no panoqo gholo o kichi xükhotsü nani. Tileno panongu no Ni ye Ampeu kepi ithi nani.”

DANIEL 10:21

Ikemu kuchou kaku lo kiu yepüani keno I no o vilo pini: Michael, ow kükapuu likhino kumo aye hipaqo gholo I kuphuni kemi lakhimu kühae.”

DANIEL 11:2

“Itehi ye I no kuchou o piyeni. Julo, itaghi Persia lo kükami küthü ipeghi nani, eno abidiu ye panoqo kümtsü nguno ighono kinimi shi nani. Kughou pa no pa küakini vecheo akumto shiveni keno, pa no kümtsü xukuthope Greece kükaqha mjochile nani.

DANIEL 2:47

Akükau no khochile Daniel vilo pi, “Kuchou no o Lhou ye alhouqo Lhou, kükami shou Ampeu, eno tuqhou küsü püakeu pekipheu, kughengu no ye tuqhou küsü püakeu phepe piyelue.”

John 15:15

Itehi ni ye nongu pesü aqemi ipi moae, kughengu aqemi ye pa mpeu no kiu shicheni keno mthae; ikemu I no nongu pesü aküsami shivae, kughengu I Pu launo chilu keu kümtsü I no nongu vilo pivae.

Piyeküsü 1:1

Hi ye asheazü lo kiu shiniye ani keno Alhou no Pa qemi piye penike Jisü Khristo tsükeu piyeküsü ke. Khristo no Paw kungumi vecheo tipau pesü Pa qeu John lau kilethitsü,

Piyeküsü 1:19

Ikehu nono ithuluve keu, ithulu akeu eno hipa thiu shiniye akeu thime jeli kümtsü yelo.

Piyeküsü 10:7

ikemu kungumi akütsüniu no pa fuko küighani keu ghuloki lono Alhouw tuqhou küsü püakeu shikupu nani, ti ye Pa qemi tungkupmi lau kütüghü püakeu kiqi lono ke.”

Piyeküsü 4:1

Hipa thiu julo, itaghi kungugha lo ahukikha lakhi khaqhi püakeu I no ithulu! Eno azüu asütsa khikhi afuko toi vekipighi I pütsa keno, tipau huno pi, “Hilau ikughilo eno hipa thiu kiu shiveni cheni keno I no o piyeni.”

SAMUEL ATUGHIU 9:15

Saul ighi mphi lono, Ampeu no Samuel lau piyesüve: