AKIKIHI 4:20 - Sumi Naga CL (Re-edited) Bible (BSI)

²⁰ ikemu Kohathmi ye akimthepu thimeqo kitilamu junike ilomoni, tikumo aye panongu ye thive nani.”

BAIBEL (BSI)

²⁰ Ikemu Kohat laghano Aphikilo ilopuzu achinemino iqeuvenike ghenguno akimthe thimeqo kuto akeu juaye panonguye thive nani.”

AKIKIHI 4:20 Mawu Ofanana

IPEKULU 19:21

Ampeu no Moses vilo pi, “Iqi no timiqo ghutu lo, tikumo aye panongu no Ampeu juniye shoxüsü ighi no kutomo pühave nosake.

ACHINE 10:2

Ikelo Ampeu zülono ami ipeghi no pama pitive, eno pama ye Ampeu zülono thive.

ACHINE 16:13

eno tsüngqüi keu ta pesü Ampeu zülo ami lo süni, tipau michhi no Puloshoqhi bohu shou kimiyekini lakhü küzü luve nani, tishianguno pa ye thimo nani.

AKIKIHI 1:51

Kughou aghazü xakiqheni keno, panongu no Aphiki xaqhini, eno a-a kithelo qhini kelo panoqo no tshüni. Panoqo nguno alau kütami no tipau phivilo ighi aye ye pithive nani.

AKIKIHI 18:3

Panongu no o kibolomi ngo aphiki shou aghukhemi shipelo ikemu panongu ye akimthe-a lo abohu ngo akiptia phivilo ighipe kevilo, kughengu tishi aye, panongu eno nongu ghi thive nani.

AKIKIHI 4:15

Kughou Aaron ngo pa nuliqo no Akimthe-a eno tipau lo tinhemgha kümtsü küzü khaveni keno, tithiu no Kohath laghami no tipaqo xapu nike ighini, ikemu panongu ye akimthepu thimeqo bumoni, tikumo aye thive nosake. Kohath laghami no Aphiki lo nhemgha xapuni keu ye hipaqo ke.

AKIKIHI 4:19

mthamini panongu no shishe akimthepu thime phivilo ighi kelo thive mono xülu penike hitoi pekithilo: Aaron ngo pa nuliqo no ilo panongu lakhikhi kümlapu eno akho kuto tsüni,

AKIKIHI 4:21

Ampeu no Moses pütsa no pi,

Piyeküsü 11:19

Tileno kungugha lo Alhou chineki khaqhi eno tilehi Paw Puloshoqhi bohu akeu ithulu. Ikelo tsütsüküsü küvü no phaphashi, vekipighi igha, ayeghi no ilüuve no mürasü kuloghi ghuqhi thuve.

SAMUEL ATUGHIU 6:19

Pa no Beth-shemesh lo timi khami pithive, kughengu panongu no Ampeuw Puloshoqhi Bohu shou jupukuve ke. Pa no timi pano lhotsüni pithive, eno timiqo no mloqa kughengu Ampeu no aküka pepheno timiqo pithive ke.