AKIKIHI 35:33 - Sumi Naga CL (Re-edited) Bible (BSI)

³³ Nongu no küghüna akeu yeghi shipixi moni, kughengu aji kichijive keu no ayeghi shipixive cheni eno ayeghi lo aji kichijive keu ye timi hekiqhiu ji no kumo aye kiunomu lochile mlae.

BAIBEL (BSI)

³³ Nonguno tishi aye nonguno kughuna akeu yeghi shipixive nanike. Timi heqhi keuye ayeghi shipixive cheni eno hekiqhimi pithive keulo likhino kumoaye khile timi heqhive keno tipau yeghiye shikimthe lunikeu chinepu alaghi kutau kuha.

AKIKIHI 35:33 Mawu Ofanana

BOTHUBO 4:10

Ampeu no pi, “No ye kiu shive akea? O thiküzüu ji ghügha huno ayeghi lono I lau igha ikughi anie.

BOTHUBO 9:6

“Khuu no timi ji peleni keno, timi ghi pa ji pele masa nani, kughengu Alhou no Pa ampi julho lono timi lhoke.

SAMUEL AKINIU 21:9

Gibeonmi u lo süvetsü, eno panongu no Ampeu zülono panoqo tshüqhi pithive, eno pano tsüni ye kümtsa thive. Panongu ye barleythi ghile tsala hukuthu lono pithive.

SAMUEL AKINIU 3:29

Tipau ye Joab kütsü shou eno papu kibolomi shou ikuve peni, eno Joab lagha lo aphighü lo aji pole kemi, apügha kupumi, azütakikihi lono ikiqive kemi kühave pemoni momu ashopa kupukuno shikemi momu azüngü peitha ithi kemi kühave peniu!”

KUKAMI ATUGHIU 2:31

Solomon no khochile, “Pa no pike toi shivelo, pa heqhive no qhove lo, tishikeu lono ni eno I pu David limi launo Joab no akipimi küha kemi heqhi pithive keu ngusü puve peni.

KUKAMI AKINIU 23:26

Tishimu Ampeu no pa loghu khikhi Judah shou puku keno, tipau lono ideighi moe, kughengu Manasseh no ala thokha lono Pa xukutho ke.

KUKAMI AKINIU 24:4

eno pa no pimihami ji pele keu ghengu ghi ke. Kughengu pa no pimihami ji no Jerusalem lo pichhive eno Ampeu no tighenguno akipimi qhitsü mlave ke.

YEKIKITHI AKINIU 23:15

Tighenguno panongu no li sünhe sasü kükaki lo khurshi khagho kulaghi lo wuve no tilauno li pithive.

LESHELE 106:28

Tithiu panongu no Peor lo Baal sasü kuokhasü lakhi shive, eno kithimi lau aghakishi mllave keu chusho;

LESHELE 106:38

panongu no pimihami ji pele, ti ye pano nuli eno pano ngaqo ji, khikhi panongu no Canaanmi julhoqo lau aghakishi shive keno tipau ke, eno ayeghi ye aji vecheo shikitiqeve ke.

ISAIAH 24:5

Timi no ayeghi shikitiqevae; kughengu panongu no Alhou yezah, akhuaye eno shekhaha puloshoqhi shikeu hexave ke.

ISAIAH 26:21

Kughengu julo, ayeghi lo küami xine ghenguno panoqo ghime nike Ampeu ye Pa kungo-a qhive no ipecheae, ayeghi no pa shou aji pele püakeu, eno chhuqho püakemi küsü mono lhaphevetsü nani.

JEREMIYA 16:18

Ikemu I no pano kipimi eno axine küghüsü no lochile paghini aphi, kughengu panongu no akimthipu julho kithi kumoqo pesü I yeghi shipixi, eno aphikümqhüpu jeli pesü I mheghi yeghi chhitoive tsüke.”

JEREMIYA 26:15

Ikemu hi thebei ithilo, nongu no I pithive aye pimihami ji nongu shou ikughi nani, eno mishighüna hipau ngo tile xüküami shou ighi nani, kughengu kuchou no Ampeu no atsa hipaqo nongu kini lo pisütsü peniye I puwu ke.”

ACHINE 18:25

eno ayeghi shikitiqeve ke, tishi kehu tipau xine ghenguno I no ghimeqhi eno ayeghi no tile küxümi puquleve ke.

MICAH 4:11

Itehi ye shiye kutomo no hekütsüpe o mjochileni ke piani, “Li shikitiqe lo, ni nhethi no Zion shou jupukuni.”

AKIKIHI 35:32

Titoi timi khuu no itshükulupu phughi lo pove keno, pa pelo achinetou no thimphi lono pa mheghi yeghi lo idewolu penike xakipheme lumoni.

ZAKINIU 19:10

Hi shilo eno Ampeu nongu Lhou no amheghi shi tsükeu yeghi lo pimimo kemi ji pelemo nani, eno aji pelekeu ngusü nongu shou ikughi monani.

ZAKINIU 19:13

Pa kimiye qhiyi moni, ikemu Israel lono pimimo kemi ji pelekeu ngusü ikhive lo, tishianguno nongu kivipu shilu nani.

ZAKINIU 21:23

pa kumo ye puthotsü tishi asübo lo qhimoni, ikemu tipa tsalani no pa shiqhoveni, kughengu tshüqhive keu timi ye Alhou no müsüinivae. Ampeu no nongu mheghi shitsü akeu yeghi tino shipüthave moni.

XAKUTHAMI 9:24

tishikeu lono Jerubbaal nuli 70 lau akümla lhoksa shikeu ipeghive peniye ke, eno panongu ji ye pano thiküzüu Abimelek khuu panongu pithive keno pa shou, eno Shechemmi khunono Abimelek shikumto keno, tipaqo shou ghi ikughi peniye ke.