AKIKIHI 32:23 - Sumi Naga CL (Re-edited) Bible (BSI)

²³ Ikemu nongu no hitoi shimo aye, julo nongu ye Ampeu zülo axine shivae eno tipau xine no nongu shou akipimi ikughi nani pütsae.

BAIBEL (BSI)

²³ Ikemu nonguye nonguno piqhive keu pelumo aye AMPEU shou axine shi aniputsa kepi ino nongu kutughuve ani. Hipau vehulo shipimi kevilo; nongu xine ghenguno aghime tsunanike.

AKIKIHI 32:23 Mawu Ofanana

BOTHUBO 13:13

Sodommi ye küsakügha, Ampeu shou axine kije shiche kemie.

BOTHUBO 4:7

Tsala nono achipi shi aye, no ye ikhikulupu shimoni keshea? Eno nono akivi shimove aye, axine ye ahukikha ijepe ani. Tino o shou kaluveni shi ani, ikemu no ye tipau shou theqhi luve masae.”

BOTHUBO 44:16

Judah no pi, “Ningu ye I mpeu vilo kiu pini kea? Ningu ye kiu tsa pini kea? Momu ningu ye kishi ningu saphu luni kea? Alhou no o qemiqo kipimi phuphe luvae: julo, ningu ye I mpeu qemiae, ningu eno khuu pulukho lono ajukhu ithulu keno, ningu kümtsü o qemiae.”

SAMUEL AKINIU 3:39

Eno akükau lakhi shi nukishe püaghimu ishi tsala lo ni ye aghüthi süvae. Zeruiah nuli, timi hipaqo ye I nguno alau mkamihi ke. Ampeu no küsakügha kümlami lau paw küsakügha kiqi lono tsüchile peniu!”

KUKAMI ATUGHIU 2:32

Pa no aji peleve keu Ampeu no pa kütsü lo pukutsü nani, kughengu I pu vilo pimono pa no timi kini, Ner nu Abner Israel ghüshimi zatsüu ngo Jether nu Amasa Judah ghüshimi zatsüu, pa nguno amikuchou eno akiviu pithive tsüe.

KUKAMI ATUGHIU 2:33

Pama heqhive keu ngusü ye Joab ngo pa lagha shou alholo anani. Ikemu David ngo pa lagha eno pa kibolomi ngo pa kükalakhü ye Ampeu launo alholo aloino ache nani.”

LESHELE 139:11

Tsala I no, “Mtsüqhei aküzü no I küzüluve nani, eno aküvü no I bothape aküzü shive nani” ipi aye

LESHELE 140:11

Akimkimi pelo ayeghi lo apaqa luvepe kevilo; alhoksa pelo mtazü nguka-ngughami kütsave pelo!

LESHELE 90:8

Nono ni xine O zülo qhipüani, niw tuqho-tugho xine ye O zülo aküvü lo ani.

AHOLE 13:21

Küsakusho no axinemi pape cheni, ikemu amikuchomi ye thime kivi pesü pa saxü shitsü cheni.

AHOLE 24:16

kughengu kuchomi ye ghuthu tsüni ikiqive namu ithuve nani ikemu kixikilami ye küsakusho lono ikiqive nani.

AHOLE 5:22

Kixikilami ye pa xine no meluve cheni, eno pa xine kighi no tsatsai pa tsüghave cheni.

ISAIAH 3:11

Kixikilami hasapue! Pa sala aghime anani, kughengu pa no shike toi pa lau shitsü nani.

ISAIAH 59:12

Hi ye niw hekibide no O zülo kümzapu shive akehue, eno ni xine no ni shou thopi shi ani; kughengu niw hekibide no ni gholo ani, eno ningu no ni xineqo ithi ani:

JONAH 1:7

Panoqo dolo lakhi no lakhi vilo pi, “Ighilo, ningu asaqhini, tishino khuu ghenguno küsakügha hipau ningu shou ikughi ani keno ithivenie.” Ikehu panongu no asaqhi kelo Jonah shou qhibelu.

Rommi 2:9

Jewmi paghi eno Greekmi ghi, khunono alhoksa mla cheni keno kümtsü ghenguno aghime kitikhi eno kushuküqha anani,

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

JOSHUA 7:18

Tishino pa no Zabdi kibolomi timi lakhikhi kuphe kelo, Judah shiaye lo Zerah nu, Zabdi nu, Carmi nu, Achan kichephe.