AKIKIHI 31:23 - Sumi Naga CL (Re-edited) Bible (BSI)

²³ thime khipaqo ami no pitimla keno, tipaqo ami lono piti kimtheni, ikemu tipaqo ghi mithekumo qhukimthe chekeu zü lono shikimtheni. Tinhemgha khikhi ami no pitive nani keno, tipaqo ye azü lono qhukimtheni.

AKIKIHI 31:23 Mawu Ofanana

IPEKULU 19:10

Ampeu no Moses vilo pi, “Timiqo lau wulo eno ishi ngo thoghiu panoqo kishekimthe no pano phimini ishi kimtheve pelo,

IPEKULU 19:14

Ikehu Moses no naghuto lono iqive no timiqo kishekimthe; eno panongu no pano phimini ishive.

ISAIAH 43:2

Kughou nono azüghi katha wuni keno I no o gholo anani; nono aghoki katha kelo, tino no yipe wuvemo nani; kughou nono ami katha wuni keno o pitive monani; ami mili ye o pitiqhi monani.

ACHINE 11:32

Aki lo tinhemgha akütsa shi peitha chekeqo, asü no mlakeu na, aphimini na, ashiyiko nhemgha na, kumshophi namu, khipaqo shou lhoxü hipaqo no iku thi aghini keno, thime tipau ye nongu ghenguno mithe move akehu azü lo sümasae, tishiaye avelau kutolo thono tithiu ye mitheve niae.

ACHINE 15:17

Aphi momu ashiyiko nhemgha kiukiu shoumu aphizü ikuve keu ye ishiveni eno ti ye avela kutolo mithemo niae.

ZEKHARIA 13:9

I no hi aküthüu pesü ami lo süno ghükayi thakimthe ketoi shinani eno ameshoyi peju ketoi shinani. Panongu no I je ku nani, eno I no khochile nani. I no ishi pi nani, ‘Panoqo ye Iw timie’; panoqo no pi nani, ‘Ampeu ye I Lhoue.’”

AKIKIHI 19:17

Mithekumo ikhive nike ghenguno, axine kipti kümllagho yevu pesü abohu lakhi lo süno azü kütsüghü lesülo.

AKIKIHI 19:9

Timi khuu no mithe ani keno pa no amishi kipti yevu xukumqo pesü aghazü khalau akimthe-a lo qhini. Ti ye Israelmiw mithekumo qhukimthe chekeu zü gholo peitha kepushi qhivelo. Hi ye axine kümllagho ke.

AKIKIHI 31:22

ameshoyi, ghükayi, alazayi, ayi, ayipa eno aküsayi,

AKIKIHI 31:24

Atsala akütsüniu lo nongu phimini ishiveni eno nongu ye mithe luve nani. Tithiuno aghazü lo iloghini.”

AKIKIHI 8:7

Panongu shikimthe nike nono hitoi shini: shikimthekütsü zü pesü panongu küzütelo, eno panongu no aqe pesü pano phimpi kuchopu miyeveni, tithiu no aphimini ishive no azü kuchhuveni.

MATTHEW 3:11

“Aküxü xaide penike I no azü pesü nongu baptiz shitsüe, ikemu I thiu khuu cheni keno, pa no I nguno akumtou, eno pa pukhukuqho mu ni ye peküzüpu kumoe. Pa no Aghungu Kimthe eno ami pesü nongu baptiz shitsü nani.

1 Kor. 3:13

pütüta kümla pephe piye nani, kughengu Atsala huno aküvü lo pephe nani, eno milakhikhi no kiutoi keu kümla mla püaghini keno ami no pitiju nani.

Ephesiami 5:26

tishianguno azü no qhuke toi pa no atsa pesü akukuhou shikimthe tsü,

1 Peter 1:7

tishianguno nongu küpülü ye ghukimthepe athicho shilu peniye ke. Ameshoyi ye ami lono piti kimthe anamu pühave cheni, ikemu nongu küpülü ye ameshoyi nguno amekushou kehu Jisü Khristo pephe piye kelo shekiqhe, ajuküvü eno agigihu ithulu kepu shimasae.

1 Peter 3:21

Hipau michipu sasü kimghilu ghi pimhe chekeu ye itehi nongu xalu chekeu baptizkishi ke, ti ye aphimpi lono axine qhuqhive keu kumono Jisü Khristow xüchilekulu vecheo Alhou lau kiviküsa lokütsü kivi tsü peniye qhüiniju keu ke.

1 Peter 4:12

Kimiye chekeqo, nongu pejuni ke ami kütüghalu keshi nongu shou aghime küsa ikughi kelo, ti ye kiuala paküta keu nongu lau ighi aketoi akichiqhi kevilo.

Piyeküsü 3:18

I kükümsü hipau o tsü ani, no ye kinikülü shilu kepushi ami lono ghukimtheve keu ameshoyi I launo qhülu lo, eno akukujopu shi o phikümsa shi akeu ithulu pemo nike o nhalu kepu phi kimiye qhülu lo, itaghi o pelo ithuluve penike anhethi lo nupu chekeu küsüvi qhülu lo.