AKIKIHI 23:19 - Sumi Naga CL (Re-edited) Bible (BSI)

¹⁹ Alhou ye timi kumo keke Pa ye mikiveni chemo; momu Pa ye timi nu kumo keke Pa kükümsü kilini chemoe. Pa ye piqhive no shimoveni keshea? Momu Pa ye pive no shikupu moveni keshea?

BAIBEL (BSI)

¹⁹ Alhou ye timi kumo keke paye mikini chemoe; Paye timi lakhi kenomu pa kukumsu kiliveni chemoe; Pano kiu kiumu piqhivekeu pano shicheni; Pano pikelo tiye shive aghi cheni.

AKIKIHI 23:19 Mawu Ofanana

BOTHUBO 26:3

Hipa yeghi lo ado hami ngolo, eno I no o gholo anani eno o kümghatsü nani, kughengu o lau eno o tikughukomi lau I no ayeghi hi kümtsü tsü nani, eno o pu Abraham lau ashoqhi khikhi I no tushoqhi keno tipau shikupu tsü nani.

BOTHUBO 28:15

Julo, I no o gholo ani eno nono khile khile wunamu I no o süsho nani, eno ayeghi hipau lo o sachile ighi nani. Kughengu I no o lau ashoqhi kiu shi keno tipau shive moke kutolo Ni ye o qhivemo nani.”

KUKAMI ATUGHIU 14:11

Jeroboam laghami khukhumu aphughi lono thivekeu ye atsüqo no chuve nani eno khuu no no aluza lono thiveni keno aghauqo no chuve nani, kughengu Ampeu no pivae.”’

KUKAMI AKINIU 15:12

(Ampeu no hitoi akükau Jehu lau tushoqhi püake “O nuli no tiqheli abidiu kutolo Israel kükalakhü lo iqa nani.” Ti huye shikupuve.)

KUKAMI AKINIU 7:2

Tile Kepten khuu bighi lo akükau no mungupe akeno, pa no Alhou timi vilo pi, “Alhou ampi no kungugha lo alasheqo mlani ke kumo aye, hi ye shilu nani keshea?” Ikemu pa no pi, “Nono o nhethi no ti ithulu nani, ikemu no ye ti chulumo nani.”

YEKIKITHI ATUGHIU 17:17

Ikeghi O Alhou, O nhethe lo hi ye tülalo aghi kepu toi Nono ighini keu lo ghi O qeu laghami ghenguno atsa kije pive tsüae, eno akiqheu timi toi ni ikhilu tsüke O Ampeu Alhou!

LESHELE 110:4

Ampeu no tushoqhivae Pa kükümsü kilivemo nani, “No ye Melchizedek kikithi lono alhokupuju achineu ke.”

LESHELE 132:11

Ampeu no David lau thebei ashoqhi shike Pa ye tipau lono tsüghüve monani: “O nuliqo dolo lakhi I no o kükalakhü lo puku nani.

LESHELE 77:9

Alhou ye küpüqhiyi keu kümsümave akeshea? Pa ye amlo kighide lono Paw kikimiye lakhave akeshea?”

LESHELE 89:34

Ni ye Iw puloshoqhi hexamo nani momu I kichi lono pikeu tsa kilivemo nani.

LESHELE 89:35

Alhokuthu ghenguno ghuthu khavino I kimthe lono I no tushoqhivae; Ni ye David lau mikivemo nani.

ISAIAH 21:17

Eno Kedar lo asüzü kipemi akumtomi achili aghi keqo ye aghulo likhive nani, kughengu Ampeu, Israel Lhou no pivae.”

ISAIAH 31:2

Tishimu Pau no alokütsüu kehu küsakusho süghive cheni; Pa ye Pa tsa süchile chemo eno küsaküghami ngo pano kuphu chekemi mjochile ithughi cheni.

ISAIAH 40:8

Atsüni no ighüive, axamunu no hailove cheni, ikemu ni Lhou tsa ye alhokupuju ache nani.

ISAIAH 46:11

I no kipelau no ashikuchu ghau kusaghi peke, I kimji shikupu tsüni keu timi lakhi aghacheu no kue. I no pivae, I no ti shikupu nani; I no kughuvae, I no ti shinani.

ISAIAH 55:11

Tihutoi I launo ipekeu atsa ye tishi nani; ti ye I lau kümsa ideighimo nani, ikemu I no kiu shinike kughu püani keno, tipau lo tokulu shi nani.

JEREMIYA 4:28

“Hi ghenguno ayeghi no mlo nani, eno kunguu atsütsü no aküzü shive nani; kughengu I no piphevae; I no kughuvae; Ni ye kümsüchile monani, momu Ni ye ideighimo nani.”

DANIEL 4:28

Hipaqo kümtsü akükau Nebuchadnezzar shou ikughive.

HOSIYA 11:9

Ni ye I ji kumqho pephe moae; Ni ye Ephraim kütsa kithemae; kughengu Ni ye timi kumono Alhou, nongu gholo Akimtheu, Ni ye aloghu lono ighimo nani.

MICAH 7:20

Nono khaghi no ni puasü lau piqhike toi No ye Jacob lau pükhükulupu eno Abraham lau iqemokeu kikimiye piye nani.

HABAKUK 2:3

Kughengu ti ye kimshilu kepu do khe ani; ti kishekhani keu ye pai ighive nani, ti ye mikimo nani. Tsala tino asheshive namu khelo; ti ye süpushuve mono mtsüqheino ighi nani.

MALAKI 3:6

“Kughengu Ni Ampeu ye kilive chemoe; tighenguno, O Jacob nuliqo, nongu ye pühave mphie.

AKIKIHI 14:35

Ni Ampeu no pivae. Kixikila qoahomi khunoqo no küqhape I mjochile keno kümtsü lau I no kuchou no ishi nani: panongu ye asayeqha hipau lono kishekha no thive nani.”

AKIKIHI 23:18

Tileno Balaam no tungkuptsa hipau pitsü: “Ithulo Balak, inilo, O Zippor nu, o kini I lau kugho puwolo:

Luke 21:33

Atsütsü eno ayeghi ye hauve nani, ikemu I tsa ye hauvemo nani.

Rommi 11:29

Kughengu Alhou no tsükeu gho ngo Pa no kuluve keu huye ikhichilelu mlae.

Rommi 9:6

Ikemu panongu ghenguno Alhou tsa ye adou shiveke kumoe. Kughengu aji lono Israelmi shi aghi kemi kümtsü no Israelmi kekumoe,

2 Tim. 2:13

nino aküpülü küha namu Pa ye pükhükulupu ke kughengu pa ye pa ampi milive mlae.

Titus 1:2

Kuchou kighithi hi no khilemu miki chemo keu Lhou no aghuloki huthu mphi züuno piqhi keu lhokta küxü lajupu panongu tsü nani,

IBRIMI 6:18

tishianguno ala kinikujo lo Alhou ye akimkiu shivemla kehu ningu khunoqo no Pa ijeluve akeno mtotoi shi lajupu ni zülo qhitsü keu tsüqülu peniye ke.

IBRIMI 7:21

ikemu Jisü ye Alhou no pa vilo ishi pikeu vecheo ashoqhi shino achineu shilu, “Ampeu no tushoqhivae, Pa ye Pa kükümsü kilivemo nani, ‘No ye alholo achineue.’”

James 1:17

Agho kivi eno kupukülai keu gho kümtsü kungulo küvü Papu launo iqighi cheni, Pa gholo aküvü ye kilive momu yekhüve chemoe.

James 4:5

Ikeo Kuchoyesü lo, “Alhou ye Pa nheshu qhiyi ni lolo aghungu sütsü keu kümsükütü acheni,” ipikeu ye akiqi kühano pi küghashi cheni kea?

JOSHUA 21:45

Ampeu no akivipu tsa piqhi keqo lakhimu tomla keu shimono kümtsü shikupu.

SAMUEL ATUGHIU 15:29

Itaghi Israel Juküvü ye mikimo momu amlo kilimo nani, kughengu Pa ye timi kumo kehu amlo kilimo nani.”

SAMUEL ATUGHIU 3:12

Tipa tsalani I no Eli kibolomi ghenguno piqhi püakeu kümtsü abothu lono ashekha kutolo shikupu nani.