AKIKIHI 19:19 - Sumi Naga CL (Re-edited) Bible (BSI)

¹⁹ Atsala aküthüni eno akütsüniuni mithe akeu timi huno azü pesü mithekumou shou küzüte pukulo. Tishino akütsüniuni ye pa ye mithe luve nani, pa no aphimini ishive eno azü kuchhuve kethiu avelau ye mithe luve nani.

BAIBEL (BSI)

¹⁹ Atsala akuthuni eno akutsuninilo timi khuuno achinepulo mithe anikeno pano azu pesu mithemono akemi shou kuzute pukulo. Akutsunini pano timi hu qhu kimthe lo eno timi huye pa phimini ishive eno pa likhi pa shou azu lepukuno avelau paye achine lono mitheluve nani.

AKIKIHI 19:19 Mawu Ofanana

BOTHUBO 2:2

Eno atsala akütsüniu loye Alhou no kiu mla akeno qhoi mlaqhive, eno Pa no atsala akütsüniu loye Pa kümla lono akulhoqhive.

IPEKULU 19:10

Ampeu no Moses vilo pi, “Timiqo lau wulo eno ishi ngo thoghiu panoqo kishekimthe no pano phimini ishi kimtheve pelo,

EZEKEL 36:25

I no nongu shou azü kimthe küzüte puku nani eno nongu ye now mithekumo kümtsü lono mqhamqhive nani, eno nongu julho kümtsü lono I no nongu shikimtheve nani.

ACHINE 14:7

Eno apüghami khuu shikimthe niye ani keno pa shou ghuthu tsüni aji küzüteni. Tishino pa ye mithe luvae pi shuphe tsüno aghau küxü ye aluza lo phe puwuveni.

ACHINE 14:9

Atsala akütsüniu lo pa kütsüsa ngo akichimhi, anhekita-sa, eno aphi lo asa kütau kümtsü miye kitheni, eno aphimini ishive no azü kuchhuve aye mithe luve niae.

AKIKIHI 19:12

Pa ye atsala aküthüni eno atsala akütsüniuni, pa ampi qhukimtheni eno tithiu no mithelu nani. Ikemu pa no atsala aküthüni eno akütsüniuni pa ampi qhukimthe mo aye pa ye mithelu monani.

AKIKIHI 19:13

Khukhumu akithi kumo dilu no pa ampi qhukimthe mo aye, pa ye Ampeu kungo phiki shikitiqe ani, ikehu Israelmi gholono hapheveni; kughengu qhukimthe kepu zü pa shou lepuku mphi kehu pa ye mithelu mphi, eno mithekumo ye pa shou aphi ke.

AKIKIHI 19:18

Tithiu mithe akeu timi no ayilobo pesü azü lo tipau chosü no aphiki shou, tinhemghaqo shou, timi tile akeqo shou, eno khuu no asaghi buve, momu akumo eno akumoki buve keno pa shou küzüte pukulo.

AKIKIHI 31:19

Khunoqo no timi ghiqhive momu akumo dive akeno kümtsü aghazü nguno khalau atsala tsüni ngoni, eno atsala aküthüni ngo akütsüniuni nongu eno nongu no kügha saghi keqo achine khuaye lono shikimtheni.

AKIKIHI 31:24

Atsala akütsüniu lo nongu phimini ishiveni eno nongu ye mithe luve nani. Tithiuno aghazü lo iloghini.”

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

IBRIMI 10:22

ningu kuchou mlo xapu tsaqüi keu küpülü qhini, alhoksa lotsü lono ningu mlo shikimtheve no azü kütsüghü pesü ni phimpi qhuve püzü Alhou kupunu wuni nolo.

1 John 1:7

Ikemu Pa no aküvü lo ache ketoi ningu ghi aküvü lo cheche aye, ningu ye lakhino lakhi sasü kuposhulu ani eno Pa Nu Jisü ji no axine kümtsü launo ningu shikimthe tsülu ani.

Jude 1:23

ami lono kütami süxaphepe xalulo; sükümsa shi khami lau kimiyekini piyelo, ikemu ashi pulou lono aphimini lo axine hedave keu ye mithilo.