AKIKIHI 15:31 - Sumi Naga CL (Re-edited) Bible (BSI)

³¹ Kughengu pa ye Ampeu no kiu pi keno milivae eno püthapütsano Pa yezah hephovae, pa ye aqo gholono kileveni eno pa kipimi ye pa shou ikuve peni.”

BAIBEL (BSI)

³¹ kughengu paye AMPEU no kiu pikeno miliveke eno puthaputsano pa yezah lakhi hephovae. Pa kithiye pa likhi pa makhoke.

AKIKIHI 15:31 Mawu Ofanana

SAMUEL AKINIU 12:9

Kushiye no ye Ampeu zülo kiu küsakügha shiniye Pa tsa jukümghaleve kea? Nono azütakikihi pesü Hittimi Uriah ghiqhive no pa nipu pesü o nipu shiniye luve tsüae eno nono Ammonmi zütakikihi pesü pa pithivae.

LESHELE 107:11

kughengu panongu no Alhou tsa lachile hebide ke, eno shishe Akiqheu kükütsü milive ke.

LESHELE 119:126

Ampeu, Nono mla kepu do ighivae, kughengu O yezah ye kubovae.

LESHELE 38:4

Kughengu I kipimi no I kütsü shou ikughivae; akho kimshi toi, ti ye I ghenguno ighono mishisheivae.

IPEKULU 30:33

Khukhumu hitoi keu thazü kimihi shi mlakeu momu hipau pesü ashoumi shou lepuku keu ye paw timi gholono hapheveni.’”

AHOLE 13:13

Akükütsütsa milive keu shou kütsakungo ikughi nani, ikemu azakütsü gihu chekeu ye asaxü tsü nani.

ISAIAH 30:12

Ikehu Israelmiw Akimtheu no ishi piani: “Nongu no atsa hipau phimove no nedaqoda keu ngo pishikiqhi shou pükhü ani kehu,

ISAIAH 53:6

Ningu kümtsü no ambe toi ala kumo lo wuveke; kümtsü pütüta lalo wukhave; ikemu Ampeu no pa shou ni ghime pukuve tsüe.

EZEKEL 18:20

Khuu no axine shini keno mtsüqheino thinani. Anu ye apu kipimi ghenguno aghime shimo nani, momu apu ye anu kipimi ghenguno aghime shimo nani. Amikuchomi mikucho ye pa ampi shou ikughi nani, eno kixikilamiw küsakügha ye pa ampi shou ikughi nani.

ACHINE 26:15

eno Iw pimheye ngo akhuayeqo milive no I zakütsü papemo, Iw puloshoqhi kubove aye,

ACHINE 26:43

Ikemu aghakhu lo küami ye ti qhive paghi masa, ayeghi ye timi kühano akulho qhilu masa, eno timiqo no I khuaye ngo Iw pimheye milive ke ghenguno shikithe masae.

ACHINE 5:1

“Khuana no küqüve no thopi shi penike aqha zülono inijuni, eno timi lakhino pa ye ithulu püani momu ithi ani kehu thopi tsülu nani kemu pimove aye, timi hupau kipimi pa no xapuni;

AKIKIHI 9:13

Ikemu khuu no kicheghüzü lo wumo eno achinepu lo mithe apülaghi Hechekulu pini moni keno, pa ye azah shipüakeu tsala lo Ampeu kümllagho süghimo kehu paw timiqo gholono hapheveni; pa xine ye pa no xapuni.

ZAKINIU 17:12

Timi khuu no ighü mono achineu eno küghaküthau Ampeu nongu Lhou qeche keu hebideni keno pithive lo. Hipa ghola lono alhoksa ye Israel lono ikhive lo.

1 Thes. 4:8

Tighenguno khuu no hi ikhilu moni keno, pa ye timi kumono Aghungu Kimthe nongu tsükeu Lhou ikhilu amoe.

1 Peter 2:24

Pa phimpi lono Pa ampi no ni xine xapu kros lo ikuve, tishianguno ningu pelo axine küdau ye thive no amikucho lono xülu peniye ke. Pa ghüzaku vecheo nongu shipivi luvae.

2 Peter 2:21

Timi hipaqo no amikucho laghi ithive püzü akimthe zakütsü panoqo tsükeu launo idewove keu ye inahuu no amikucho laghi ithi move keu pavini cheke.

SAMUEL ATUGHIU 3:14

Tighenguno I no Eli kibolomi lau tushoqhi, ti ye pülhapuju lo Eli kibolomi xine ye lochile mla momu akümllagho nomu shikimthe lumo nani.”