AHOLE 4:18 - Sumi Naga CL (Re-edited) Bible (BSI)

¹⁸ Ikemu amikuchomi laghi ye tsükutho küvü ipeche ketoi, puchomghü shimoke kutolo vüqai eno vüqai kithe acheni.

BAIBEL (BSI)

¹⁸ Amikuchomino izuchekeu laghiye tsukinhe ipeche ke toike, atsala ipeghimoke kutolo vuqai kithe eno vuqai kithe acheni.

AHOLE 4:18 Mawu Ofanana

SAMUEL AKINIU 23:4

panoqo shou pa no inaqhe küvü toi vüipeghi cheni, khüngküsü küküha inaqhe lo khetsünhe vüipeghi ketoi, tsütsüghu no atsüni mini ipeghi peke toi chenie.

JOB 11:17

O küxü ye puchou nguno vü nani; eno aküzü tsala no inaqhe toi nani.

JOB 17:9

Tishimu, amikuchomi ye pa laghi pheve chemo, khunono au mithe ani keno pano no alau mtokithe chenie.

JOB 23:10

Ikemu Pa ye I no pülache keu la ithi ani kehu kughou Pa no I pejuveni keno ni ye ameshoyi toive nani.

LESHELE 84:7

Panongu no alau-alau akumto shikithe wuve, milakhikhi no Zion lo Alhou zülo ighie.

LESHELE 97:11

Aküvü no amikuchomi shou yepuku ke, eno amlo kümzümi shou alovi ke.

AHOLE 13:9

Amikuchomi küxü ye aküvü toi yevüqai alokiqipue, ikemu kixikilami kulu ye pai tsüqü pinheve tsü nani.

AHOLE 15:24

Lotsü-loghümi ye aqhou Kithigha laghi lono tsüghüsü kunguu aküxüpu lalo wuve cheni.

AHOLE 2:20

Alokütsü tsa ini aye no ye akivimi laghi pülalu no amikuchomi lalo cheche nani.

AHOLE 2:9

Nono I tsa ini aye achipiu eno amikucho, aghibiu eno alaghi kivi kümtsü ithikuthulu nani;

ISAIAH 26:7

Amikuchomi laghi ye müdüniyi; Nono pano laghi külaqa tsüke.

DANIEL 12:3

Khunono alokütsümi keno panongu ye atsütsü lo aqhi küvü toi vü nani; eno khunono timi kutomo pelo amikucho lo tsüghü ighilupe cheni keno panongu ye alholo eno pülhapuju ayepuqo toi vü nani.

HOSIYA 6:3

Ningu pükapütsa no Ampeu ithini nolo; Pa ipeghini keu ye tsüküvü toi mtsüqhei ke; tsülü tusho tsütsüghu no ayeghi vapütsü keshi Pa no tsütsüghu toi ni lau ighi nani.”

MATTHEW 5:14

“Nongu ye ayeghiqha küvü ke. Atoghi lo aphughi akeu ye küsüve mlae.

MATTHEW 5:16

Tipaphi lono, kütami zülo nongu kulu vüqailu pelo, tishikeu lono panoqo no nongu kümla kivi ithulu no ajuküvü pesü nongu Papu kungugha lo akeu tsü nani.

MATTHEW 5:45

tishikeu lono nongu ye khuu kungugha lo ani keno nongu Papu tianuli kepi piyelu nani. Kughengu khetsünhe ghi Paw ke Pa no tsütsüni pesü alhoksami ngo akivimi lau tsücheni, eno tsütsüghu pesü müzüchoi kemi ngo ihoghülai kemi lau puwu tsücheni.

John 8:12

Jisü no itaghi timiqo vilo pi, “Ni ye ayeghiqha küvüe. Khunono I papeni keno aküzü lo chemo nani ikemu aküxüpu küvü anani.”

2 Kor. 3:18

Eno ningu khunoqo agi nhamo no Ampeu juküvü ithulu cheni keno, kümtsü ajuküvü lakhi lono lakhiu kutolo Pa jukimihi lo kilisüve tsü ani. Kughengu hi ye Ampeu khuu Aghungu keno, Pa launo ighi anike.

FILIPIAMI 2:15

tino nongu pelo akuaye kühano tsüghükhüi shilu, ihoghülai eno chighichilai keu tiqheli lo tukutiye kühano Alhou tianuli shi ayeghi lo aküvü toi vülupe nani,

2 Peter 1:19

Itaghi ningu ye mtsüqhei keu tungkuptsa aphie, tsütho ipeche kelo inaqhe yepu no nongu lolo yepüvü tsümoke dolo hi ye aküzü-a lo aküvü akeshi anike nongu no amlo tsüqhiyilu aye alo nani.

2 Peter 3:18

Ikemu ni Mpeu eno Xakuluu Jisü Khristow küpükini eno Pa kighithi lono thuwu alo. Itehi eno lhokta tsala kutolo Pa lau ajekipi shilo. Amen.

Piyeküsü 21:23

Aphughi ye tipau shou yepüvü kepu khetsünhe momu aqhi mu avehupu shimoe, kughengu Alhou juküvü no yepüvü ae, eno Ambeti no tipau kulubo ke.

Piyeküsü 22:5

Tile ye putho kühave nani. Panongu ye akulu momu khetsünhe küvü avehupu shimoae, kughengu Ampeu Alhou no pano küvü shi nani eno panongu no pülhapuju eno alholo ayepe cheuve nani.

XAKUTHAMI 5:31

“Hitoi o ghümi kümtsü thive pelo, O Ampeu! Ikemu o küsami ye khetsünhe no ipeche ketoi vülu pelo.” Eno aghakhu ye ampe lhobidi alokughuno shi akulho qhilue.