AHOLE 18:10 - Sumi Naga CL (Re-edited) Bible (BSI)

¹⁰ Ampeu je ye aqoghe kumto ke, amikuchomi no tipau lo poilo sükusho ithulu cheni.

BAIBEL (BSI)

¹⁰ AMPEU ye aliwo kumto lakhi toike amikuchomino tipaulo wuluno xulu nani.

AHOLE 18:10 Mawu Ofanana

BOTHUBO 17:1

Kughou Abram no ampe lhotoku toku shi akeno Ampeu no Abram lau ipeghi no pa vilo pi, “Ni ye Akughushu Lhou; I zülo chechelo, eno tukutiye shikevilo,

BOTHUBO 32:11

Kimiyeno I mu Esau u lono I xaphe tsülo, kughengu ni ye pa msa anie, pa ye ni eno atianuli ngo azanoqo leighi luvike.

SAMUEL AKINIU 22:2

Pa no pi, “Ampeu ye I tuqu, I liwo eno I xaphekuluu,

SAMUEL AKINIU 22:3

I Lhou, I tuqu, I no Pa launo sükusho luchenie, I züto, eno I xakulu kibo, I sükusho-a eno I küghütshü-a, I xakuluu; kütsakungo keu lono Nono I xalue.

SAMUEL AKINIU 22:51

Pa no xakulu kije Pa kükau tsüe, eno alholo iqemokeu kikimiye pe Paw nukikishe David eno pa kughukomi lau piyeke.”

LESHELE 144:2

Pa ye Iw iqemokeu kikimiye eno I liwo ke, Iw sükusho-a eno I xaphekuluu, khuu lau I no sükusho lucheni keno I züto huke, Pa no ashiayeqo I qholo qhitsüe.

LESHELE 18:2

Ampeu ye I tuqu eno I liwo, eno I xaphekuluu, I Lhou, I tuqu, I no O launo sükusho lucheni, I züto, I xakulu kibo, eno Iw sükusho-a.

LESHELE 20:2

Akimthe-a lono Pa no akukuphu o tsüpuwu no Zion lono sakuphu o tsü peniu!

LESHELE 27:1

Ampeu no I küvü eno I xakuluu; ni ye khuu msaighüni kea? Ampeu no I küxü lo sükusho-a ke; ni ye khuu msani kea?

LESHELE 91:14

“Kughengu pa no kikimiye kumto lono I tsüqüpe ngoke, I no pa xalu nani; I no pa süsho nani, kughengu pa ye I je ithi ani.

LESHELE 91:2

I no Ampeu vilo pini, “Iw sükusho eno I liwo, I Lhou, I no Pa pükhü cheni.”

IPEKULU 6:3

Ni ye Akughushu Lhou shi Abraham, Isaac, eno Jacob lau ipeghi, ikemu I je, Ampeu, pesü Ni ye panongu lau kilethi moe.

AHOLE 14:26

Ampeu sükümsa lono amlo kumto shilu cheni, eno pa tianuli ye sükusho anani.

AHOLE 29:25

Timi jupe msa chekemi ye pa sala alichhe mla ani, ikemu Ampeu shou pükhübe kemi ye sükusho ani.

ISAIAH 26:4

Alhokuthu Ampeu lau pükhülo; kughengu Ampeu Alhou ye lhokta tuquke.

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

JEREMIYA 23:6

Pa ghuloki lono Judah xaluve nani, eno Israel ye sükusho lono xünani. Pa je hipau ku nani: ‘Ampeu ye niw achipiu mikucho.’

HABAKUK 3:19

Ampeu, Alhou ye I kumto; Pa no I pukhu pe ashe pukhu toi shino akiqhe-a lo chewulu peke. Akighilebo pesü ale shikükau lau.

MATTHEW 1:23

“Julo, ilimi huno mishipuve no anu lakhi punu nani, eno panongu no pa je Immanuel kutsü nani” (Immanuel kiqi ye Alhou no ni gholo ani).

Piyeküsü 1:8

“Ni ye Alpha eno Omega, Khuu acheghi, Khuu acheni eno Khuu ighi nani keno, Akughushuu huke” ipi Ampeu Alhou no pi.

SAMUEL ATUGHIU 17:45

Tile David no pa vilo pi, “No ye azütakikihi, angupa eno ayi ghasü pesü I lau ighi ani, ikemu ni ye aqokitikhi Mpeu, Israel ghüshimi Lhou, khuu nono khü ani keno Pa je lono o lau ighi ani.

SAMUEL ATUGHIU 30:6

David ye ighono avesave, kughengu timi kümtsü no pano tianuli ghenguno alolo kukhukimji shi akehu atu pesü pa veqhiveni piuve. Ikemu David no Ampeu pa Lhou launo pa ampi shikumto luve.