AHOLE 15:2 - Sumi Naga CL (Re-edited) Bible (BSI)

² Alokütsümi mili no akighithi she petsü cheni, ikemu mbomzümi kichi lono aghüzü tsa puqule cheni.

BAIBEL (BSI)

² Alokutsumi tsapilo akighithi aloqhi peitha cheni ikemu mbomzumi kichi lono aghuzu tsa piphe cheni.

AHOLE 15:2 Mawu Ofanana

LESHELE 45:1

Atsato kivi no I mlo lo qole ani; I no I lejo pesü akükau huthue; I mili ye akiyemi yesüta kutope aketoi ani.

LESHELE 59:7

Panongu ye hule ani, pano kichi lono ghubolei igha ani panoqo mütsü lo azütakikihi ani— kughengu panongu no kümsü, “Khuu no ni tsa chiluni kea?”

AHOLE 12:23

Lotsü-loghümi ye pa kighithi pephepe qheza chemoe, ikemu mbomzümi no pano nikha pikülha cheni.

AHOLE 13:16

Lotsü-loghümi ye akighithi pesü mlaitha cheni, ikemu mbomzümi ye pa nikha pephe piye cheni.

AHOLE 15:23

Achipishi khochile keu ye timi lokivipue eno aghuloki kiqi lono atsa achipiu pilu keu ye kiutoi akivi kelae!

AHOLE 15:28

Amikuchomi ye kishi khochile kepu keno kümsüju cheni, ikemu kixikilami kichi lono alhoksa tsa picheni.

AHOLE 15:7

Alokütsümi kichi lono akighithi veküphalu cheni thono mbomzümi mlo lono kumoe.

AHOLE 16:23

Alokütsümi ye pa tsa kilhe mono pikepu likhi kishepe pive kelo timi züiza luve cheni.

AHOLE 5:2

tishianguno no ye kimchikulupu kighithi pelu nani, eno o kichi lono akighithi tsa pilu nani.

YETSAPIU 10:14

Khunomu kiu shive nani keno mtha keghi, mbomzümi no atsa kighishe cheni, khuu no thive kethiu kiu shive nani keno pilu nani kea?

YETSAPIU 5:3

Chilo kütakihi kelono asamo pumo cheni, eno atsa kutomo piuve kelono anikha kepi ithive cheni.

ISAIAH 50:4

Ampeu Alhou no tsaqüi khuno qoputhuve akeno tipano mili pesü I tsüvae, tishianguno I pelo akulho shive kemi shikumtolu peniye ke. Inaqhe atsütsü Pa no I pelo tsaqüi qoputhuve kemi toi chilu peniye I küda cheni.