AHOLE 13:20 - Sumi Naga CL (Re-edited) Bible (BSI)

²⁰ Alokütsümi gholo kuloji kemi ye alotsüve cheni, ikemu mbomzümi gholo kichemi ye aghime sholu nani.

BAIBEL (BSI)

²⁰ Alokutsumi gholo kulojilo eno noye alotsu nani. Nono mbomzumi sasu shou-pau shiaye oshipusave nani.

AHOLE 13:20 Mawu Ofanana

BOTHUBO 14:12

Panongu no Abram thiküzüu nu Lot, khuu Sodom lo küghüna akeno, pa eno paw tinhemgha ghi luve tsüno cheve.

KUKAMI ATUGHIU 12:10

Lhothemi pa sasü kümtsa xüighi keqo no pi, “Timi khunoqo no o vilo, ‘O pu no ni xapipe keu kho kümthü tsülo,’ ipi keno, tipaqo vilo pilo, ‘I uloti anipau huno I pu luko nguno shishoi ani.

KUKAMI ATUGHIU 12:8

Ikemu pa no layemi kükümsü lumove no lhothemi pa sasü kümtsa xüighi no pa gholo akemi kükümsüu luve.

KUKAMI ATUGHIU 22:32

Kughou panongu no akükau Jehoshaphat ithulu keno panongu no pi, “Hi no Israel kükaue.” Panongu no pa küpüghü thuve kelo Jehoshaphat no ighamku.

KUKAMI ATUGHIU 22:4

Ahab no Jehoshaphat vilo pi, “No ye I sasü Ramoth-gilead lewu nima?” Jehoshaphat no Israel kükau vilo pi, “Ni ye no ampi thoke, Iw timi eno Iw khurshimi ye ow paphi ke.”

YEKIKITHI AKINIU 10:8

Ikemu pa no layemi kükümsü lumove eno lhothemi pa sasü kümtsa xüighi no pa zülo puthugho akeqo kükümsü luve.

YEKIKITHI AKINIU 19:2

Ikemu Hanani nu tungkupu Jehu no akükau sasü kushoni ye ighi no pi, “No ye kixikilami kuphu eno Ampeu mithi chekemi kimiye masave keshea? Hi ghenguno Ampeu loghu o shou ighivae.

YEKIKITHI AKINIU 22:4

Ahab kibolomi no shike toi pa ye Ampeu zülo kiu no axine keno shike. Kughengu papu thive kethiu panongu no pa lapiyemi shive, eno tino pa pelo ikiqive peke.

LESHELE 119:63

O sümsa eno O kükütsü pape chekemi kümtsü sasü ni ye shompami lakhi ke.

AHOLE 13:19

Akupulo shikupulu keu ye angulho lokiqipu ikemu mbomzümi ye alhoksa lono tsüghüve keu aphimqhü cheni.

AHOLE 14:7

Mbomzümi launo putosüve lo, kughengu pano gholo ye akighithi ithulumo nani.

AHOLE 15:31

Aküxü kütsü shi shikümzü kelo chilu aye alokütsümi gholo xünani.

AHOLE 22:24

Timi khunono amloide kalo momu axuide cheni keno tipaqo sasü shompami shikevilo,

AHOLE 22:25

tikumo aye pa lhoaye shika luve no alichhe lono meluve nosae.

AHOLE 7:27

Li ki ye Kithigha lo kuwu la, akithipu chebo lo ilove cheni.

AHOLE 9:6

Itikütüpa keu la qhive no xülulo, kuthoküzü kighithi la pülalo.”

MALAKI 3:16

Ampeu sümsa chekemi lakhino lakhi sasü küptsae. Ampeu no amlo tsüqhiyi shino panoqo tsa chiluvae, eno Pa zülo Pa sümsa no gihu chekemi ye kümsüchilekulu kaku lakhi lo yesüve tsüe.

Apostolmi 2:42

Panongu no pano ampi pesü apostolmi shiküka eno kuposhukulu eno asho sükupho ngo akighini lo ikhiphe tsü.

IBRIMI 10:24

Ningu kishino lakhino lakhi hakuthope kimiye kile eno akümla kivi shiluni keno alomsüni nolo,

Piyeküsü 18:4

Tishino kungugha lono asütsa kütau lakhi I no ishi chilu, “Iw timiqo, li launo ipeghive lo, tikumo aye nongu ye li xine lo kitimelu nosa, eno li tsükeu püsa küsajelu nosae;