ACHINE 7:24 - Sumi Naga CL (Re-edited) Bible (BSI)

²⁴ Akutoshi no thive eno tüghashi no tsüve keu lhoxü tha pesü kiukiu lomu peithalu nani, ikemu kiu gholau nomu ti ye chumoni.

BAIBEL (BSI)

²⁴ Lhoxu khipauno pa likhi pa kutoshi thiveni momu tughashi kutauno tsuve ni keno tipaqo thaye chukepu kumoe, ikemu kutau vehupulo peithalu nani.

ACHINE 7:24 Mawu Ofanana

IPEKULU 22:30

O mishitsü ngo o mbeqo ghi titoi shini: atsala tsüni aza gholo ngoni eno atsala akütacheu lono I lau ikhiphe tsüveni.

IPEKULU 22:31

“Nongu ye kishekimthepe Iw shini. Tighenguno nongu ye aghalo tüghashi no heqhive keu khetsüshi chumoni; ti ye atsüqo tsüveni.”

EZEKEL 4:14

Tileno I no pi, “Aha Ampeu Alhou! Julo, ni ye khilemu ni ampi shikitiqe mphie. I lhothe lono itehi kutolo ni ye khilemu pakutoshi no thive keu momu tüghashi no tsüve keu chuju mphi momu shikitiqe keu shi I kichi lo sümphie.”

EZEKEL 44:31

Achinemi ye aghau momu tüghashi pakutoshi no thive keu momu tüghashi no tsüqhive keu kiumu chumoni.

ACHINE 17:15

Khukhumu lhoxü thive keu momu tüghashi no heqhive keu chuve aye, Israelmi na inaghami namu azü kuchhuve no aphimini ishiveni, eno avela kutolo mithemo niae; tithiu no pa ye mithelu nani.

ACHINE 22:8

Pa ye lhoxü akutoshi no thive keu momu tüghashi no tsüve keu shi chumoni; tino pa pelo mithe move peni ake: Ni ye Ampeu ke.

ACHINE 7:25

Kughengu khuu no achuqupu kümllagho shi Ampeu lau tsükeu lhoxü tha chuni keno, pa ye paw timiqo gholono hapheveni.

ZAKINIU 14:21

“Pakutoshi no thive keu lhoxü thaqhü ye chumoni. Tipaqo ye kachenami no gholo xüakemi no chuvepe, momu inaghami vilo jevelo. Kughengu nongu ye Ampeu nongu Lhouw akimthe timiqo ke. “Aneti shi pesü aza kichhizü lono lho kevilo.”