ACHINE 26:12 - Sumi Naga CL (Re-edited) Bible (BSI)

¹² I no nongu gholo anani eno nongu Lhou shinani, nongu no Iw timi shinani.

BAIBEL (BSI)

¹² Ino nongu gholo anani, niye nongu Lhou shi nanike eno nonguye iwu timi shi nanike.

ACHINE 26:12 Mawu Ofanana

BOTHUBO 17:7

I no o Lhou eno o thiu tikughukomi Lhou shinike Iw puloshoqhi Nikujo dolo shi nani eno o thiu tiqheli kupuju lo shekhaha puloshoqhi shi nani.

BOTHUBO 17:8

No eno o thiu o tikughukomi lau nono kachena shi akeu yeghi, Canaan yeghi kümtsü I no shekhaha mheghi shi tsüve nani, eno I no panoqo Lhou shi nani.”

BOTHUBO 3:8

Atsala kümtsha dolo Ampeu Alhou no aghutu lo cheghi keu sütsa pama no chilu, eno timi ngo pa nipu pama ye aghutu lo asüboqo dolo Ampeu Alhou zütshüve.

BOTHUBO 5:22

Enoch ye Alhou gholo cheche, pa ye Methuselah ithuluve kethiu ampe 300 xü eno atianuli kütami ghi ithulu.

BOTHUBO 5:24

Pa ye Alhou gholo checheke, eno pa ye phumlave, kughengu Alhou no pa sawuve.

BOTHUBO 6:9

Hipaqo no Noah kughukomi. Noah ye amikuchomi lakhi, pano tiqheli lo tukutiye küha kemike.

SAMUEL AKINIU 7:7

I no Israelmi gholono khile wu keno ti kümtsü lo Ni ye Israelmiw xaküthami, khunoqo no Iw timi jukuto acheni keno, tipaqo vilo azah tsü ghi, “Nongu ye kushiye I ghenguno cedar ki mla mokea ipi keshea?”’

LESHELE 50:7

“O Iw timiqo, I no pinike inilo; O Israel, I no o shou thopi shini. Ni ye Alhou, o Lhou ke.

IPEKULU 29:45

I no Israelmi gholo anani eno panoqo Lhou shi nani.

IPEKULU 29:46

Eno panongu no Ni ye Ampeu panongu Lhou, khuu Egypt yeghi lono panongu saipeghi keno, Pa kepi ithi nani, tishianguno I no panoqo gholo anani. Ni ye Ampeu panongu Lhou ke.

IPEKULU 3:6

Eno Pa no pi, “Ni ye o pu Lhou, Abraham Lhou, Isaac Lhou eno Jacob Lhou ke.” Moses no pa gi küsüve, kughengu pa ye Alhou junike msave.

IPEKULU 6:7

Iw timi shinike I no nongu ikhiluve nani, eno I no nongu Lhou shive nani, eno nongu no Ni ye Ampeu nongu Lhou, Egyptmi makho kimshi lono nongu saipeghi keu kepi Ni ithi nani.

ISAIAH 12:2

“Alhou ye I xakuluu; I no msa mono Pa pükhüni; kughengu Ampeu Alhou ye I kumtou eno I le ke, eno Pa no I xakuluu shivae.”

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

JEREMIYA 11:4

ti ye I no Egypt yeghi lo ayi kiyiqibo lono no puasüqo saipeghi kelono azah tsükeu ke. I no pi, I sütsa inilo, eno I no azah tsükeu kümtsü shilo. Tishiaye nongu ye Iw timi shinani, eno I no nongu Lhou shinani,

JEREMIYA 30:22

“Nongu no Iw timi shinani eno I no nongu Lhou shinani.”

JEREMIYA 31:33

Tithiu I no itehi Israel kibo sasü puloshoqhi shini keu ye hike, Ampeu no sheshu: I no I yezah panongu lolo sütsüni, panongu mlo lo yesü tsüni. I no panongu Lhou shinani eno panongu no Iw timi shinani.

JEREMIYA 32:38

Panongu no Iw timi shive nani, eno I no panongu Lhou shinani.

JEREMIYA 7:23

Ikemu azakütsü hipau I no panongu tsüe: ‘I sütsa gholulo, tishiaye I no nongu Lhou shinani, eno nongu no Iw timi shinani. I no nongu azah tsükeu la lo chechelo, tishiaye nongu kivipu shinani.’

EZEKEL 11:20

tishikeu lono panongu no I kükütsü lo cheche nani eno Iw pimheye papelu no tipaqo gholu nani. Eno panongu ye Iw timi shive nani eno I no pano Lhou shive nani.

EZEKEL 36:38

Aghakishi mbe, Jerusalem lo tiqhetini ghulhu lo ambeloji toi, ixapinyi akeu mishighünaqo ye timi loji no chhive nani. Tileno panongu no Ni ye Ampeu kepi ithi nani.”

JOYIL 2:27

Ni ye Israelmi gholo anie pi nongu no ithi nani, Ni ye Ampeu nongu Lhou eno I nguno kütami ye kühae. Iw timi ye khilemu shikukujo kitheve monani.

ZEKHARIA 13:9

I no hi aküthüu pesü ami lo süno ghükayi thakimthe ketoi shinani eno ameshoyi peju ketoi shinani. Panongu no I je ku nani, eno I no khochile nani. I no ishi pi nani, ‘Panoqo ye Iw timie’; panoqo no pi nani, ‘Ampeu ye I Lhoue.’”

AKIKIHI 5:3

Kiptimi na totimi namu no ye aghazü khalau panoqo hapheveni, tishianguno panongu no aghazü khipau mta lo I no acheni keno shikitiqe monani.”

MATTHEW 22:32

‘Ni ye Abraham Lhou, Isaac Lhou, eno Jacob Lhou ke.’ Pa ye küxümi Lhou kethono kithimi Lhou kumoe.”

2 Kor. 6:16

Alhou chineki ye ajulho sasü kiu lono pulokilelu kepu ani kea? Kughengu ningu ye aküxüpu Lhou chineki ke, ti ye Alhou no ishi pi ketoi, “I no panoqo gholo I kungoa shino pano gholo anani, I no panoqo Lhou shi nani, eno panongu no Iw timi shinani.

ZAKINIU 23:14

Kughengu Ampeu nongu Lhou ye nongu xaphelu eno nongu u lo aghümi süve tsüniye aghazü mta lono chesü iqhoiqi acheni kehu nongu ghazü ye akimthe shimasae, tikumo aye Pa no mithekumo ithulu no nongu launo tsüghüve nosake.

ZAKINIU 23:15

“Aqemi lakhi no pa mpeu launo pove no o lau ighi kelo, nongu ye pa mpeu tsüchile moni.

IBRIMI 11:16

Ikemu panongu ye aghakhu akiviu, ti kungugha lo akeu, kümsü kütüche. Tighenguno Alhou no Pa ye pano Lhoue pinike kujove moe, kughengu panoqo ghenguno Pa no aphughi lakhi kuto püanike.

Piyeküsü 2:1

“Ephesus kukuhou lo kungumi lau yelo: ‘Khuu no Pa u ajeu ayepu tsüni pesü ameshoyi kulukibepu tsüni gholo checheni keno, Pa tsape.

Piyeküsü 21:7

Khuu no theqhi luni keno hipau mheghi ithulu nani, eno I no pa Lhou shino pa no I nu shinani.