ACHINE 11:42 - Sumi Naga CL (Re-edited) Bible (BSI)

⁴² Itikiche, momu apukhu bidi kupu chuninhei keqo, eno apukhu kutomo kupu thaqhü ye niqhinilai ke nongu ye chumoni.

BAIBEL (BSI)

⁴² tipaqoye itichekeu momu apukhu bidi momu apukhu kutomo pusu chechekeu pinamu.

ACHINE 11:42 Mawu Ofanana

BOTHUBO 1:20

Alhou no pi, “Azü lo aküxüküa lhoxüqo pelo chokive taiqho-iqi pelo, eno aghauqo pelo ayeghi shou atsütsü qhakuchho lo yewu pelo.”

ISAIAH 65:25

Atine ngo ambe no kümtsa chu nani; abongshuu no amishi toi aghijini chu nani; eno ayeghimkhu no apighi chuqupu shi nani. Iw akimthe toghi lo panongu ye ghüza kile momu kütsakile monani,” ipi Ampeu no piani.

ACHINE 11:41

“Ayeghi lo itikiche eno lülüshi keu lhoxü thaqhü ye niqhinilai ke kiumu chumoni.

ACHINE 11:43

Lhoxü hipaqo pesü nongu ampi shikitiqe moni, eno tipaqo launo kitiqeve no mithemo keu shive moni.

MICAH 7:17

panongu no apighi, ayeghi lo itikiche jeli toi ayeghimkhu mine nani; panongu no khokhoshi pano qogheki lono ipeghi nani; eno akümsa lono Ampeu ni Lhou lau tsüghü ighi no O sümsauve nani.

MATTHEW 23:23

“Nongu Ayezah shikükami ngo Phariseemi hasapue, keghilishi chekeqo! Nongu no pülakhü, napa eno thüvü yetsüni kutolo chighi saje tsücheni, ikemu Ayezah lo akhotoqo: kuchou xakütha, kimiyekini, eno pükhükulu kughuchove cheni. Kütau ghi kughucho mono nongu ye hipaqo pepimhe kepu shiake.

MATTHEW 3:7

Ikemu kughou pa no baptiz tsüchekeu-a lo Phariseemi ngo Sadduceemi kutomo ighikeu ithulu keno, panoqo vilo pa no pi, “Nongu tüghükupu pighitiqo! Khuu no nongu ye Alhou loghu chekeu lono poluve nanie pi kütüghü kea?

John 8:44

Nongu ye nongu papu tüghami laumi eno nongu papu gho-apulou shitsüni keu no nongu pulou ke. Pa ye abothu lono ghikiqhiu, eno kuchou küdau aju mphi kughengu pa lolo kuchou kühake. Kughou pa no mikini keno ti ye pa lhoaye kuchou piye ani, kughengu pa ye akimkiu eno akimki kümtsü papu ke.

2 Kor. 11:13

Kughengu timi titoi keqo ye kichile apostolmiqo, pishikiqhi kümlami, Khristow apostolmi ghilishi chekeqo ke.

2 Kor. 11:3

Ikemu apighi no mqümgha shino Eve pishiqhive ketoi nongu kükümsü ghi mtsümishei eno tsaqütsalei Khristo lau amlotsü chekeu lono saküghüzüve nosake ni ye msa ani.

Titus 1:12

Cretemi tungkupu lakhi no pike, “Cretemi ye alhokuthu kimkimi, tüghashi lhoksaqo, akipichi shi mihemzai kemike.”