ACHINE 10:2 - Sumi Naga CL (Re-edited) Bible (BSI)

² Ikelo Ampeu zülono ami ipeghi no pama pitive, eno pama ye Ampeu zülono thive.

BAIBEL (BSI)

² Paikhavi AMPEU no ami puwu eno tilehi AMPEU zulono pama pitiqhi pithive.

ACHINE 10:2 Mawu Ofanana

SAMUEL AKINIU 6:7

Ikelo Ampeu mlokighide Uzzah shou ikughive, eno paw shikipimi ghenguno Alhou no Paw puloshoqhi bohu phivilo no heqhive.

KUKAMI ATUGHIU 13:28

Pa no wuno pa sükumo ala lo aghikeu, eno khurha ngo abongshuu küma no tipau phivilo aghi keu ithulu. Abongshuu ye akumo mu chumo momu khurha mu tsümo no ngo aghie.

KUKAMI ATUGHIU 18:38

Tileno Ampeu no ami piqi tsüno akipti kümllagho ngo asü, atu, ayeghimkhu, eno azülaki lo azü akeu kümtsü piti pühave.

KUKAMI AKINIU 1:10

Ikemu Elijah no lhopungu shou kepten khochile, “Tsala I no Alhouw timi shi aghi aye kungugha lono ami iqighi no no eno ow timi lhopungu pitive pe nani.” Ikelo ami no kungugha lono iqighi no pa eno paw timi lhopungu pitive.

KUKAMI AKINIU 1:12

Ikemu Elijah no panongu khochile, “I no Alhouw timi shi aghi aye kungugha lono ami iqighi no no eno ow timi lhopungu pitive pe nani.” Ikelo Alhou mi no kungugha lono iqighi no pa eno paw timi lhopungu pitive.

YEKIKITHI ATUGHIU 13:10

Tileno Ampeu xukighide kije Uzzah shou ikughive, pa no Puloshoqhi Bohu buve kehu Ampeu no tipa-a lono pa heqhive, eno pa ye Alhou zülono thive.

YEKIKITHI ATUGHIU 15:13

Kughengu atüghüu loye nongu no tipau pemoke ghenguno, eno ninguu ghi Pa pulou phumove ke ghenguno Ampeu ni Lhou xukighide gha ni shou ikughive ke.”

YEKIKITHI ATUGHIU 24:2

Nadab ngo Abihu pama ye apu züuno thive, eno anu küha kehu Eleazar ngo Ithamar no achinemi shive.

JOB 1:16

Pa no pi aphi lono aghinikishiu lakhiu ighi no pi, “Atsütsü lono Alhou mi ikiqighi no ambe ngo aqemiqo pitiqhivae, eno I likhino pokasü o vilo piniye ighi anie.”

LESHELE 50:3

Ni Lhou cheni; Pa ye inaqhoi ngove chemoe; pitipüha chekeu mi no Pa zülo ani, pasapagha kumto no pa homxape ani.

IPEKULU 24:1

Ampeu no Moses vilo pi, “I lau ikughi lo, no eno Aaron, Nadab, eno Abihu ngo Israel lo layemi lhotsüni, eno putou no I mlla lo.

ISAIAH 30:33

Kughengu amikishi-a ye khaghi no kutope qhivae, mtsüqheino ti ye akükau piti nike mla püani, akiptia ye thonhei eno kije kusho shipe asü no kupukuno shi püani; eno Ampeu tuthu no amichu ghoki toi tipau küiqü püacheni.

ACHINE 10:5

Ikehu pama no aphiküzü lono tsüqüpe Moses no azah tsüke toi aghazü khalau pewuve.

ACHINE 16:1

Aaron nu pama no Ampeu zülono thive kethiu Ampeu no Moses pütsa,

ACHINE 9:24

Ampeu zülono ami ipeghi no akipti kümllagho eno atha jeli akiptia lo akeqo pitive, ikehu kughou timi kümtsü no ti ithulu keno, panongu no ighau khave no ikiqi agi pishiqho luve.

AKIKIHI 14:37

akimki shepe shisü ighi keqo ye püsa vecheo Ampeu zülono thive.

AKIKIHI 16:35

Tithiu Ampeu launo ami ipeghi püzü timi pano 250 axokütsüngü piti akeqo piti khave.

AKIKIHI 16:49

Timi thive keqo kihiju kelo 14,700 aghi, ti ye Korah no hebide keu lono thive kemi ye kihisü amoe.

AKIKIHI 26:61

Nadab ngo Abihu pama ye azah tsümo keu mi pesü Ampeu mlla kelono thive.

Apostolmi 5:10

Paikhavi li ye Peter pukhu philo ikiqive no atuthu kishekhave. Apumiqo no iloghi kelo li ye thive aghi, eno panongu no li khapewo li kimi phivilo shiqhove.

Apostolmi 5:5

Ananias no hi chilu kemtsa iluqi thive, eno ti chilu kemi kümtsü shou akümsa ikughive.

1 Kor. 10:11

Hi kümtsü kichekipiye shi panongu shou ikughi kemu ningu ghutu ghi tipaqo yepe qhitsüe, kughengu ningu ye ashekha ghuloki lo ayae.

SAMUEL ATUGHIU 6:19

Pa no Beth-shemesh lo timi khami pithive, kughengu panongu no Ampeuw Puloshoqhi Bohu shou jupukuve ke. Pa no timi pano lhotsüni pithive, eno timiqo no mloqa kughengu Ampeu no aküka pepheno timiqo pithive ke.