2 Thes. 3:16 - Sumi Naga CL (Re-edited) Bible (BSI)

¹⁶ Itehi ye aloino keu Mpeu ampi no ado kümtsü lo eno alaghi kümtsü lo alokiqipu nongu tsü peniu. Ampeu no nongu gholo apelo.

BAIBEL (BSI)

¹⁶ Aghuloki eno ala thwokhalo alokughunopu Mpeu pelo alokiqi nongu tsupeniu. Ampeu no nongu kumtsu sasu apelo.

Sümi Tiqhelimi Bible

¹⁶ Itehi ye alokughuno-kütsüu Ampeu pelo pa ampi no ado aghuloki kümtsü lo eno alaghi kümtsü lo aloino keu nongu tsü peniu. Ampeu no nongu kümtsü gholo apeniu.

2 Thes. 3:16 Mawu Ofanana

LESHELE 29:11

Ampeu no aküka kumto pesü Paw timiqo tsü peniu! Ampeu no aloino keu pesü Paw timi kümgha tsü peniu!

LESHELE 46:11

Aqokitikhi Mpeu ye ni gholo ani; Jacob Lhou ye ni sükusho liwo ke.

LESHELE 46:7

Aqokitikhi Mpeu ye ningu gholo ani; Jacob Lhou ye niw sükusho liwo ke.

LESHELE 72:3

Timiqo ghenguno naghuto pelo kinikülü shi ipeghi pelo, eno atoghi pelo achipiu mikucho xathi pithi pelo

LESHELE 72:7

Pa ghuloki lono amikuchomi pelo ikowolu pelo, eno atsütsü lo aqhi kühave moke kutolo aloino apelo!

ISAIAH 26:12

O Ampeu, Nono ni ghenguno aloinokeu puthuphe tsünani, kughengu Nono ni ghenguno thokha mlave tsüake.

ISAIAH 45:7

I no aküvü ngo aküzü lhoke; I no kükümgha ngo amhekiqi lhophe ke; Ni Ampeu no hi kümtsü shicheni.”

ISAIAH 54:10

Naghutoqo no ikauve namu eno atoghiqo no ipa ikiqive namu, Iw iqemokeu kikimiye ye o launo wuvemo nani, eno Iw külakishi puloshoqhi ye ikhivemo nani,” ipi Ampeu o shou kimiyekini achekeu no piani.

ISAIAH 66:12

Ampeu no ishi piani: “Julo, I no aloino keu aghoki toi süghi tsüni, eno aghoki qotamo keu toi shiyeqo kinikülü nongu lau qoighipe nani; aza no anga tuchomjo akeshi li no khape eno li lukobo lo khape alokivi shi kilhe ketoi nongu tuchomjo nani.

ISAIAH 8:10

Kughu küqhaju lo, ikemu avehu shimo nani; atsa pijulo, ikemu tolumo nani, kughengu Alhou no ni gholo anie.

HAGAYI 2:9

Achineki hipau ye püzüu nguno akiqheu jukighilepu shi nani, aqokitikhi Mpeu no pi. Eno hipa-a lono I no aloino keu tsü nani, ipi aqokitikhi Mpeu no asheshu.’”

ZEKHARIA 6:13

Ampeu chineki shiqheni keu, ayekipe gigihu xapu eno kükalakhü lo iqa no ayepeni keu ye pa ke. Pa kükalakhü lo achinemi lakhi anani, eno külakishi no pama dolo anani.”’

AKIKIHI 6:26

Ampeu no Pa gi peqhepe nongu shou jupukulu no aloino keu nongu tsüpeniu.

MATTHEW 1:23

“Julo, ilimi huno mishipuve no anu lakhi punu nani, eno panongu no pa je Immanuel kutsü nani” (Immanuel kiqi ye Alhou no ni gholo ani).

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

Luke 2:14

“Kungugha akiqheu lono Alhou sheqhelo, eno ayeghi lo Pa mlo chulu chekeqo gholo aloino keu alo!”

John 14:27

I no nongu gholo aloino keu qhitsü ani; Iw aloino keu I no nongu tsüani. Ayeghilomi no tsü chekeu toi nongu tsü anike kumoe. Nongu mlo kütakihi kevilo, momu msa kevilo.

John 16:33

I no nongu vilo hipau pikeu ye I lau kimepe akeu lono nongu ye aloino apeniye ke. Ayeghi lo nongu ye aghime kitikhi sholu nani, ikemu amlo mtolo; ni ye ayeghiqha theqhi luvae.”

Rommi 1:7

Rome lo khunoqo Alhou no qhuivü keu lono akimtheshi xü peniye kulu keno: ni Pu Alhou eno Ampeu Jisü Khristo launo ighi keu küpükini eno aloinokütsü nongu gholo alo.

Rommi 15:33

Aloinokeu Lhou no nongu kümtsü gholo apeniu, Amen.

Rommi 16:20

Aloino keu Lhou no kighithe nongu pukhu philono Satan nedaqhi nani. Ni Mpeu Jisü Khristow küpükini no nongu gholo apeniu.

1 Kor. 14:33

Kughengu Alhou ye kübangü keu Lhou kumono iqüghai keu Lhou ke. Eno Alhou kukuhou kümtsü lo

2 Kor. 13:11

Ashekhashi, athiküzü achelimiqo, alovilo. Kupukülai luni keu mijilo, lakhino lakhi lokughuno tsülo, lakhino lakhi sasü pulo küqhalo, külakishi lono xülo; kikimiye ngo aloino keu Lhou no nongu gholo anani.

Ephesiami 6:23

Apu Alhou eno Ampeu Jisü Khristo no aloino keu eno aküpülü gholo kikimiye pesü athiküzümi tsü peniu.

1 Thes. 3:11

Itehi ye ningu Papu Alhou ampi, eno ni Mpeu Jisü no ni la kiche tsüno nongu lau ighilu peni,

1 Thes. 5:23

Aloinokütsü Lhou ampi no nongu shikimthetsü peni, eno ni Mpeu Jisü Khristo ikighi lo nongu ghungu, angulho eno aphimpi kümtsü tukutiye kühano aghi peni.

2 Thes. 3:18

Ampeu Jisü Khristow küpükini nongu kümtsü gholo apeniu.

2 Tim. 4:22

Ampeu no o ghungu gholo apeniu. Ampeuw Küpükini no o gholo apeniu.

Philemon 1:25

Ampeu Jisü Khristow küpükini no nongu ghungu gholo apeniu!

IBRIMI 13:20

Itehi ye aloinokütsü Lhou, khuu no lhokta puloshoqhi shikeu ji vecheo akithi lono ni Mpeu Jisü, ambekheu akijeu xüputhu keno, Pa no

IBRIMI 7:2

eno Abraham no aghü lepughi keu lono chighi saje pa tsü. Pekibide kiqi lono pa je ye atüghüshi amikucho kükau, tipa shelo pa ye Salem kükau ghi, ti ye aloino keu kükau.

XAKUTHAMI 6:24

Gideon no akiptia lakhi tile shiqhe no, “Ampeu ye aloino” ipi kuvetsü. Ishi kutolo Ophrah lo ti aphi eno ti ye Abiezer laghamiw ke.

RUTH 2:4

Eno julo, Boaz no Bethlehem lono hughi, eno ghile kuhumi vilo pi, “Ampeu no nongu gholo apelo!” Panoqo no khochile, “Ampeu no o kümghatsü peni.”

SAMUEL ATUGHIU 17:37

Pa no itaghi pi, “Ampeu khuu abongshuu eno ava pukhumtsü lono I xaphelu keno Pa no Philistiami hipau u lono I xaphelu nani.” Saul no David vilo pi, “Wulo, eno Ampeu no o gholo apeniu!”

SAMUEL ATUGHIU 20:13

Ikemu I pu no o ghüza niye kümsüpu aghi no I no o vilo pimove eno o pelo pojolu pemo aye, Ampeu pelo Jonathan lau hinguno alau shipeniu. Ampeu no I pu gholo acheke toi o gholo apeni.