2 Thes. 1:8 - Sumi Naga CL (Re-edited) Bible (BSI)

⁸ Pa no amiküqü pesü Alhou mtha kemi eno ni Mpeu Jisü tsakiviu gholumo kemi shou amkhülu nani.

BAIBEL (BSI)

⁸ Ami kuyiqu pesu Alhou mthakemi ngo niMpeu Jisu tsakiviu gholumokemi shou aghime tsu nani.

Sümi Tiqhelimi Bible

⁸ Khunoqo no Alhou mtha eno ningu Mpeu Jisü tsakiviu gholumoni keno Ampeu no panoqo ghimeqhi nani.

2 Thes. 1:8 Mawu Ofanana

BOTHUBO 3:24

Pa no Timi hu hapheve, eno aküxüpu sübo laghi khekuto penike Pa no cherubim eno amiküiqü zütakikihi pesü Eden ghutu kipelau qhive.

SAMUEL AKINIU 23:7

khuu no tipaqo buni keno pa ye ayi momu angupa peitha cheni, eno ami no ti piti pühave cheni.”

LESHELE 18:44

Panongu no I sütsa chilu khavi I gholue; inaghami no I lau ipu-itsa ighi.

LESHELE 79:6

No mtha kemi shiyeqo lau, eno kükaqha khunono O je ku chemo keno pano shou O mlo kighide lepuku lo!

LESHELE 9:10

Khunono O je ithi ani keno pano no O pükhübe cheni, kughengu, O Ampeu, No ye O phuche kemi pheve chemoe.

LESHELE 94:1

O Ampeu, amkhükulu Lhou; O amkhükulu Lhou, yepüvü tsü lo!

IPEKULU 5:2

Ikemu Pharaoh no pi, “Ampeu ye khuue pi ni ye Pa tsa luno Israelmi puwuni kea? Ni ye Ampeu mthae, eno tinguno alau, ni ye Israelmi puwumo nani.”

ISAIAH 1:19

Nongu no pulo eno agholu aye ayeghi lo thime kivi chulu nani;

ISAIAH 1:28

Ikemu hekibidemi ngo axinemi ye kümtsa kütsave nani, eno Ampeu pheve kemi ye pithive nani.

ISAIAH 27:11

Alokaqo no thive no icheve kelo totimiqo no ti ghepe ami shiani. Timi hipaqo ye kimchikulupu küha kehu panongu lhokeu ye panoqo kimiyeqhiyi monani; Pa ye panoqo saphuni chemoe.

ISAIAH 61:2

Ampeu pulou mpe eno Ni Lhou no amkhü lutsü keu tsala sheshu peniye, qamlo akemi lopiqitsü peniye ke.

JEREMIYA 10:25

O mtha keu shiyeqo shou, O je kumo kemi shou, O loghu lepuku lo, kughengu panongu no Jacob munovae, qhoi pa munovae, eno pa kungo-a ye kümsa shivae.

JEREMIYA 9:6

Qhasü keu no veqabe, eno pishikiqhi no veqabe, panongu no Ni ithini ke lachile ipi Ampeu no asheshu.

DANIEL 7:10

Ami ghokiti lakhi no Pa zülono qoipeghi ae; qhethonhe qhethonhe no pa qe, eno qhethonhe chighi no ghuthu qhethonhe chighi no Pa zülo puthugho; xakütha ghenguno küghaki kutove, eno kakuqo lhapheve.

ZEFANIA 1:6

Ampeu papeche no athiu idewove kemi, Ampeu phumo momu Pa küsütsamo kemi kütsave nani.”

MATTHEW 25:41

“Tileno pa no pa u piyiu akeqo vilo pi nani, ‘I launo chevelo, nongu müsüinive keqo! Tüghami ngo paw kungumi ghenguno alhomi kuto püakeu lo ilovelo.

MATTHEW 25:46

Panongu ye alho ghimepu lo ilove nani, ikemu achipikaluve keqo ye lhokta küxü lo wu nani.”

John 3:19

Küghakütha ye hike: ayeghiqha lo aküvü ighivae, ikemu timiqo no aküvü kimiye ke kumono aküzüu kimiyeve, kughengu pano kümla no küsakügha ke.

John 8:19

Ikehu panongu no pa vilo pi, “O pu ye khile ani kea?” Jisü no khochile, “Nongu ye ni eno I Pu mu mthae. Nongu no ni ithike aye I Pu ghi ithini cheke.”

Apostolmi 6:7

Alhou tsa alaushi ikowove, Jerusalem lo akhopemi kikihi shishe küghüsüve, eno achinemi kutomo no aküpülü khuaye ikhiluve.

Rommi 1:28

Panongu no Alhouw kuchou ghili ithini keu pulomo keke panongu pelo shimo kepu shiauve peniye Alhou no shiküpsapu pe pano kükümsü shipuqove tsü.

Rommi 1:5

Pa vecheo ningu no küpükini eno apostol kümlapu ithulu keu ye Pa je lono shiye kümtsü sasü aküpülü ghokulu lo ighi niye ke,

Rommi 10:16

Ikemu Israelmi ye kümtsü no Atsakiviu gholu kekumoe. Kughengu Isaiah no pi, “Ampeu, ningu no sheshu kelo khuu no pülü kea?”

Rommi 15:18

Kughengu ni ye hipa tsa nguno alau kütau ye pimoae: Jewkumomi pelo aghokulu lo ighilu peniye Khristo no I vecheo mlae, ti ye—atsapi eno akümla,

Rommi 16:26

ikemu itehi ye tipau lhapheve no tungkupmi kiyeqo vecheo Lhokta Lhou zakütsü kiqi lono shiye kümtsü lau kilethivae, tishikeu lono timi kümtsü pelo aküpülü lono aghokulu küxü lo ighilu peniye ke—

Rommi 6:16

Tsala nongu no aghokulu qüaxemi lakhi toi khuana lau nongu mpi ikhiphe tsü aye, nongu ye pa qeu shivae pi mtha keshea? Nongu no khuu gholu ani keno ti ye axine lo sawuve chekeu akithi keo, achipikalu keu lo sawu chekeu aghokulu keno, hiküma dolo lakhi shi aghi nani.

1 Kor. 15:34

Nonguw shokümzü küzü lono ithuvelo, tino achipi ke, eno axine shikithe akevilo. Kughengu khami ye Alhou mthae. Nongu shikujo nike ni ye hi piani.

2 Kor. 10:5

Akikighe eno akükümsü qhemghai keu pesü Alhou kighithi lakha chekeu ghuthu ningu no tulavetsü cheni, eno akükümsü kümtsü tshü sawo Khristo gholupe cheni.

Galatiami 3:1

O Galatiami mbomzümiqo, khuu no nongu shiküghüzüve kea? Jisü Khristo ye nongu nhethe lono pekipheshi yedave ke.

Galatiami 4:8

Khaghi nongu no Alhou mthano ache kelo, nongu ye alhou kumo keqo qüaxemi shiche.

ZAKINIU 32:35

Amkhükulu ye Iw ke I no tsüchile nani, panongu pukhu no nekipheni keu do ye kupunuvae, Panow küsakusho tsala ye kupunuvae, eno pühaveni keu tsala ye pai ighive nani.’

ZAKINIU 4:11

Ikehu nongu naghuto pukhu philo ighi no puthugho, eno naghuto huno aküzü ngo khüngküsü eno züchiyi keu no küzüphope atsütsü kutolo ami iqü ikuae.

ZAKINIU 4:30

Nongu no shiluküsa lo akelo, eno hithiu hi kümtsü nongu shou ikughive kethiu, nongu no Ampeu nongu Lhou lau ideighi nani eno Pa gholu nani.

ZAKINIU 5:5

Ni ye tipa ghuloki lo nongu eno Ampeu dolo puthugho no Pa no kiu pi keno nongu vilo pie. Kughengu nongu ye ami msa kelauno naghuto lo iqhomoe. Ampeu no pi,

1 Thes. 4:5

Jewkumomi khunono Alhou mtha keno pano toi ngosü kümla shikepu kumoe;

IBRIMI 10:27

ikemu küghakütha kümsapu, eno aghümi pitiveni keu miküqü likhivae.

IBRIMI 10:30

Kughengu khuu no, “I no amkhülu nani; I no lochile nani,” eno itaghi, “Ampeu no Paw timi shou küghatha nani,” ipi keno, ningu no Pa ithi ani.

IBRIMI 11:8

Aküpülü lono Abraham ye hithiu pa mheghi shiniye akeu yeghi lo Alhou no wu peniye kukelo agholue. Pa ye khila wucheni keno mtha keghi aghokulu shi wuve.

IBRIMI 12:29

kughengu ni Lhou ye pitimaha keu mike.

IBRIMI 2:3

xakulupu kije hikithipu kughuchove aye, kishino ningu ye poluni kea? Ampeu no atüghüshi hi sheshue, eno tithiu khunoqo no chilu keno panongu no ni vilo mtsüqhei shitsüe.

IBRIMI 5:9

Pa pesü kupukülai shitsü kelo pa no pa gholu kemi kümtsü ghenguno lhokta xakulupu puki shive,

1 Peter 1:2

Apu Alhou kimji lono panongu kishelu keu ye Aghungu vecheo shikimthepe Jisü Khristo lau aghokulu shino Pa ji pesü qhukimthe tsüniye ke: Küpükini eno aloino keu nongu lau küghüsülu apeniu.

1 Peter 3:6

Sarah ye hitoi Abraham gholu no pa vilo ampeu ipi kuche. Nongu no achipiu mla eno kichi kümsa kelo msaichimo aye, nongu ye li ngaqo ake.

1 Peter 4:17

Kughengu Alhou kibolomi launo huthusü küghakütha shikepu ghuloki shivae; eno ningu launo huthulu aye, Alhou tsakiviu pülü chemo kemi ghengu ye kiu visavili ipeghi nani kea?

2 Peter 3:7

Ikemu Alhou tsa atho hipau no itehi akeu tsütsü yeghi ami lono pitiveni ke ghüpe püani, ti ye küghakütha tsala eno Alhou kümthami kütsani ke ghenguno qhipüani.

Jude 1:7

Sodom ngo Gomorrah eno hokümxa lo mishighünaqo lo ghi ashupu asalha eno ashiaji pulou phukeu lono lhokta mi pesü aghime tsükeu huno kichekipiye shike.

Piyeküsü 20:10

Eno panoqo pishiqhive keu tüghami huye khile tüghashi eno kichile tungkupu akeno, amiyizü eno amichu iqüke-a lo küghape vesüve, tilau no panoqo ye putho pucho pülhapuju eno alholo ghimeqhi anani.

Piyeküsü 21:8

Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”

Piyeküsü 6:10

Panongu no asütsa kuloghi lono igha, “O Akughushu Mpeu, akimthe eno kuchou, ayeghilomi no ni pithive keu lo Nono küghatha eno ni mkhü lutsü moke kutolo ningu ye khitohi khea lopi kea?”

SAMUEL ATUGHIU 2:12

Eli nuli pama ye ameküha kemi. Pama ye Ampeu ithi moe.