2 Kor. 9:7 - Sumi Naga CL (Re-edited) Bible (BSI)

⁷ Tsünishimo qhiyi momu tsülo pikeu lono kumono milakhi khino amlo lono xathalu keu kiqi lono tsülo, kughengu Alhou ye amlo qhaqhilei shino tsükemi kimiye cheni.

BAIBEL (BSI)

⁷ Tishiaye milakhi khino suchilemono momu tsulepikeu ghenguno kumono pano kumsulu keu lono pesu tsulo, kughengu amlo qiqhiyi tsukemi Alhou no kimiye cheni.

Sümi Tiqhelimi Bible

⁷ Pulomoqhiyi keu momu tsümomo tsülo pikeu ghenguno kumo no nongu lakhi-khi no kiu tsüní kepi nongu mlo lo xathavea keno tipau tsülo, kughengu Alhou ye amloqiqhiyi tsü kemi kimiye cheni.

2 Kor. 9:7 Mawu Ofanana

YEKIKITHI ATUGHIU 29:17

I no ithi anike No ye timi mlo piliju cheni eno akikhi shikeu lo O züküvü shicheni, I Lhou. I mlo lono akikhi shi thime hi kümtsü süchile mono pesü tsüvae, eno itehi ye Ow timi khunoqo no süchile mono aloviqhiyi akümllagho pesü O tsü ani keno, hile akemi kümtsü I no ithuluvae.

YEKIKITHI ATUGHIU 29:9

Panongu no amlo kümtsü süno puloniqhiyi Ampeu tsülu ke ghenguno alokivi shive. Eno akükau David ghi ighono alokivi shive.

IPEKULU 25:2

“Israelmi pütsa no I ghenguno tüqhatüzü shilo. Khuu no amlo lono pa hakite keu ani keno pa launo lulo.

IPEKULU 35:5

Nongu dolono Ampeu lau akümllagho qhaphelo. Khukhumu tsükini mlo xapu aghi keu no Ampeu lau peighilo: ti ye ameshoyi, ghükayi, eno alazayi;

AHOLE 11:25

Kükümgha pesü tsü aye alau kighishelu nani, azü pesü kütami püxütsü aye pau püxütsü nani.

AHOLE 22:9

Tsü-jekini mlo ache kemi ye kumlhomi sasü achuqupu kijechu chenike ghenguno kümghatsü nani.

ISAIAH 32:5

Mbomzüu pesü akhotomie pimoae, momu amqükiniu ye gihuküzüpue pimoae.

ISAIAH 32:8

Ikemu gihuküzümi ye agigihupu kukughu shicheni, eno agigihupu lo puthugho cheni.

Apostolmi 20:35

I no thokha lo nongu piyeve ake ningu ye ichheime mlano miqemlei kemi kuphu, eno Ampeu Jisü ampi no pikeu tsa kümsülu masae, ‘Tsükeu no lukeu nguno akümghapue.’”

Rommi 12:8

khuu no hakite eno shikumtolu cheni keno, tipau peitha masa; khuu no tsü-jekini mlo ani keno, amlo qhaqhilei shino tsülu masa; khuu no saphekulupu kükagha ani keno, aghüiloqhiyi mla masa; khuu no kimiyekini kümla shicheni keno, aloviqhiyi shimasa.

2 Kor. 8:12

Kughengu pulopinyi keu aghi aye, milakhi no kühakeu kumo püzü kiu ani keno ti ikhilutsü nani.

ZAKINIU 15:14

Ampeu no o kümgha tsükeu ambe loji, athi, eno atsaizü pesü ililai pa ghenguno kuto tsülo.

Philemon 1:14

ikemu nono polumo kelo ni ye kiumu shimoni keu shivae, tishikeu lono o kivi ye anguka lono kumono o pulou lono ipeghi peniye ke.

James 5:9

Athiküzümiqo, nongu shou küghathabe pemo nike lakhi no lakhi shou muchho kevilo; julo, Küghaküthau ye ahukikha lo puthugho ani.

1 Peter 4:9

Nhenheshi mono nongu kilo lakhino lakhi sasüthi kilelo.