Biblia Todo Logo
Baibulo la pa intaneti

- Zotsatsa -




2 Kor. 9:10 - Sumi Naga CL (Re-edited) Bible (BSI)

10 Khuu no apiti pesü apiti kiveu tsü eno asho pesü achuqupu shitsü keno, Pa no xusü kepu piti tsüno kughukotsü nani eno nongu mikucho ghile küghüsü tsü nani.

Onani mutuwo Koperani

BAIBEL (BSI)

10 Apiti yisukemi tsuchekeu eno chukepushi achuqupu tsuchekeu Lhou no nonguno apiti avehupu shiakeu tsupuzu tipau thuwulupe, nongu kimiyekini lono kinikulu shi ghile hulupe kepu shi nani.

Onani mutuwo Koperani

Sümi Tiqhelimi Bible

10 Alhou khuu no apitì yisü kemi lau apitì tsü cheni eno achuqupu ghenguno asho tsü cheni keno pa no nongu lau ghí tsü nani eno nongu pitì pekütsüpüa keu thuwulu eno kighishelu pe nani eno nongu chipiumikucho hu kupukuno shi ghile hulu pe nani.

Onani mutuwo Koperani




2 Kor. 9:10
16 Mawu Ofanana  

Ningu eno ni yeghi ye kushiye o nhethe lono thive peni kea? Achuqupu ghenguno ningu eno ni yeghi qhüluve tsülo, eno ningu ye ni yeghi gholono Pharaoh qemiqo shiveni. Apiti ningu tsülo tishianguno ningu ye thimo no xülu nani, eno ni yeghi ye pighivemo nanie.”


Kixikilami ye pishikiqhi jume qelu cheni ikemu khuu no amikucho xusüni keno mtsüqhei no asaxü ithulu cheni.


Inaqhe no apiti yisüve no avelau ye akümla lono o u süchileve kevilo, kughengu no ye hiu no keo huu no akivishi thuwu nani keno mthae, momu kinikujo mu akivi shive luvi.


“Tsütsüghu ngo mürasü no atsütsü lono iqighi no idechile iku mono ayeghi vakümtsha ketoi, eno tino axabo thuwupe cheni eno yisü keu lau apiti tsü cheni eno timi lau asho tsü cheni.


Nongu sala amikucho xusülo; iqemokeu kikimiye xolulo; chimokeu yeghi hokide lo, kughengu itehi ye Ampeu phu kepu doke, Pa no ighi no achipiu mikucho nongu shou ghuqhitsü nani.


“Mthamini nongu ye timi pelo ithulu peniye aküpülü khuaye nongu no papelu chekeu pesü aqha zülono shipiyelu nosake tsükhüi lo, nongu no tishi aye kungugha lo nongu Papu launo ajume ithulumae.


Kughengu hukuthu kümlapu hipau ye küpülümi vehupu lo tsülu keu likhi kumono Alhou lau shikimthi kütsü no qochili lukeu ghike.


Atsa ye hike: khuu no aghulo xusüni keno aghulo xolu nani, eno khuu no kutomo xusüni keno kutomo xolu nani.


Khuu no Aghungu nongu tsü eno nongu gholo akümzapu kümlaqo shi keno pa ye Ayezah lono keo aküpülü vecheo chikulu lono kea?


(Kughengu aküvü lo cheche keu lono akivipu, achipiu eno kuchou xathi ithulu cheni).


Jisü Khristo launo ighikeu mikucho xathi huno nongu shepichhi pe Alhou juküvü eno shekiqhe shilu penie.


Ni ye agho laju anike kumoe; ikemu nongu no kike achekeu lo alau kighishelu penike phucheni.


eno Ampeu no nongu lau niw kikimiye ikowo eno qochili lupe ketoi, nonguw kikimiye ghi lakhi no lakhi lau tishilu peni,


eno kuchou loye Macedonia qha kümtsü lo nongu no timi kümtsü lau tishi cheni. Ikemu athiküzümiqo, nongu pelo hipau alau shi apenike nino nongu hakite ani,


Titsatireni:

Zotsatsa


Zotsatsa