2 Kor. 8:21 - Sumi Naga CL (Re-edited) Bible (BSI)

²¹ kughengu ningu kimji ye Alhou zülo likhi kumono timi zülo ghi gihuküzüpu shiniye ke.

BAIBEL (BSI)

²¹ Kughengu ningu kimijiye, Alhou zulo likhi kumono timi zulo ghi kiuno achipiu keno tipau shinikeu shi ani.

Sümi Tiqhelimi Bible

²¹ Kughengu ningu ye Alhou zülo likhi kumo no timi nhekithe lo ghí kiu no achipiu keno tipau shini ke aghime shi mülà acheni ke.

2 Kor. 8:21 Mawu Ofanana

KUKAMI ATUGHIU 18:34

Panongu no tishive kethiu pa no pi, “Akiniu ghi tishilo.” Panongu no tishi tsü. Pa no itaghi pi, “Aküthüu ghi tishilo.” Panongu no tishive tsü.

AHOLE 3:4

Tishiaye Alhou eno timi zülo no ye ajuaje kivi ithulu nani.

MATTHEW 23:5

Pano kümla kümtsü timi pelo ithulu peniye shicheni. Tigheno akishe lo ashiyiko bohu khapu chekeu ghi panow paje, eno aphimini lo akighikipili ghi panow no akushuu shicheni,

MATTHEW 5:16

Tipaphi lono, kütami zülo nongu kulu vüqailu pelo, tishikeu lono panoqo no nongu kümla kivi ithulu no ajuküvü pesü nongu Papu kungugha lo akeu tsü nani.

MATTHEW 6:1

“Mthamini nongu ye timi pelo ithulu peniye aküpülü khuaye nongu no papelu chekeu pesü aqha zülono shipiyelu nosake tsükhüi lo, nongu no tishi aye kungugha lo nongu Papu launo ajume ithulumae.

MATTHEW 6:4

tishianguno nono tsü akeu ye tuqhou vehu shilu nani. Eno tuqhou no ithulu chekeu o Pu no ajume o tsü nani.

Rommi 12:17

Alhoksa shike ghenguno alhoksa pesü tsüchile kevilo, ikemu kiu no aqha zülo agigihupu keno tishini keu kümsü lo.

Rommi 14:18

Ikehu khunono hitoi Khristo qeni keno Alhou zülo ikhikulupu eno timi mlokiqipu shilu ani.

2 Kor. 2:17

Kughengu ningu ye timi kutomo no shiche ketoi, Alhou tsa jekuchumi kumoe, ikemu Alhou zülo amlo tsüqhiyi kemi, Alhou no puwu kemi kehu ningu ye Khristo pulou lono picheni.

2 Kor. 8:20

Ningu no hi kümsa gho jukütsü akelo khuu pelomu ningu pülüpüsa pemo niye ke,

2 Kor. 8:22

Pama gholo ni thiküzüu lakhi khuu nino ghuthu kutomo pejuve no amlokütsü shi ithulu keno pa puwu ani, eno itehi pa ye nongu shou pülükibe kije akeu ghenguno alau amlo tsüqhiyi ani.

FILIPIAMI 4:8

Ashekhashi athiküzümiqo, kiu no kuchou, kiu no gihuküzüpu, kiu no achipiu, kiu no tsüghükhüi, kiu no juviqhiyi, kiu no ashepe tsüküzü keno, akighiche eno sheqhe küzüpu aghi aye, thime tipaqo shou kümsü puku alo.

1 Thes. 5:22

Alhoksa jeli kümtsü lono putosü lulo.

1 Tim. 3:7

Tinguno alau, pa ye akukuhomi kumo kemi ghi pa kivi pi kemi shiaghi masae, tishianguno pa ye ajuaje küsa lo ikiqimo nani eno tüghami lichhe lo ilomo nani.

1 Tim. 5:14

Ikehu ni ye chimemi lhotheqo pelo külave no atianuli auve penishi eno akibo peithauve penishie, tishikeu lono ni ghümi no ni lhoksa pimo nani.

1 Peter 2:12

Alhou mtha kemi gholo nonguw süqesüli ye gihuküzüpu shilo, tishianguno panoqo no nongu ye küsakügha kümlami kepi jeku anamu itaghi nongu kümla kivi ithulupe Alhou no ighike Tsala lo akishe tsülu nani.

RUTH 3:14

Tighenguno li ye inaqhe tomoke kutolo pa pukhu philo züve eno khumu khuu michimla aphi lono ithuve. Eno pa no pi, “Totimi huye aniqa lo ighie pi khuu pelomu ithipe kevilo.”