2 Kor. 7:4 - Sumi Naga CL (Re-edited) Bible (BSI)

⁴ Ni ye shoboi shi nongu vilo pi ani; ni ye nongu jupe shishe akijivile acheni; ni ye alokughuno shi anie. Aveküsa kümtsü lo ni ye alokivi no qochili acheni.

BAIBEL (BSI)

⁴ Niye nongu shou amlo tsuqhiyi bepe acheni, nongu jupe ikijivilo achenike. Niye amlolo alokughuno chhitoi acheni; nino akijikusa sholukeu kumtsulo niye alokivino chhitoi acheni.

Sümi Tiqhelimi Bible

⁴ Ni ye ighono khaqhilei shi nongu pütsavae; eno ni ye nongu jupe shishe agijivilei acheni. Nongu no aloqhi I shikumtovae; ikehu niw shiluküsaqo kümtsü lo I lokiqi shi acheni.

2 Kor. 7:4 Mawu Ofanana

Apostolmi 5:41

Apostolmi no hoho zülono cheve no Jisü je ghenguno akukujo ithulu küzüpu shikehu alokivi shive.

Rommi 5:3

Tinguno alau niw shiluküsa lo ghi ningu ye aloviqhiyi acheni, kughengu nino ithi akeu no shiluküsa huno kheakulu iqiphe cheni,

1 Kor. 1:4

Jisü Khristo vecheo Alhouw küpükini nongu tsükeu ghenguno, ni ye alhokuthu Alhou shikimthi acheni,

2 Kor. 1:14

nongu no ningu vetha khamla no aphi kemu—Ampeu Jisü Tsala lo, nino nongu jupe akijivile ketoi nongu no ni jupe akijivile nani.

2 Kor. 1:4

Pa no ni ghime kümtsü lo ni lokughunotsü cheni, tishikeu lono Alhou no ni lokughuno tsükeu pesü khunono aghime sholu ani keno, pano lokughuno tsü peniye ke.

2 Kor. 10:8

Kughengu nongu kütsave penike kumono shiqhe puku penike Ampeu no kükagha ningu tsükeu pesü kitila qhezalove aghi namu ni ye kujovemo nani.

2 Kor. 11:21

Ni ye kujoqhiyi pi masavae, ningu ye titoi shinike ighono miqemleive kena! Ikemu kütami khuana no ighü mono qhezalu aghi aye—ni ye küghüzümi lakhi toi pi anike—ni ghi ighü mono qhezalu nani.

2 Kor. 2:14

Ikemu Alhou shikimthi, Pa no Khristo gholono alhokuthu ningu sasü aghü tolu no shekujo woche keshi cheni eno ningu vecheo Khristo kighithi xokütsüngü aqha kümtsü lo veküpha cheni.

2 Kor. 3:12

Ningu ye lajupu hitoi keu anike ghenguno amlo mtotoi acheni.

2 Kor. 7:14

I no pa vilo nongu ghili I qheküzapu shi pinamu I shikujove moe. Ikemu nino nongu vilo pikeu kümtsü kuchou ketoi, Titus zülo ni qheküzapu shi pikeu kümtsü kuchou shi aghive ke.

2 Kor. 8:24

Ikehu timi hipaqo lau nonguw kikimiye eno nino nongu jupe qheza chekeu piyelo, tishianguno akukuhouqo pelo ti ithulu peni.

FILIPIAMI 1:14

Eno I no akughu shikeu lono athiküzümi kutomo no Ampeu lau pükhübe luve kehu itehi ye msa mono Atsa pikülha nike alau mto kithe ani.

FILIPIAMI 1:20

kughengu I mlo alouno laju achekeu ghi ni ye kiu lonomu kujovemo nani, ikemu thosülo toi itehimu akumto shino xüna thinamu, Khristo pesü I phimpi lono agigihupu shitsü niye ke.

FILIPIAMI 1:26

tishianguno I no nongu lau ideighilu keu huno nongu no I jupe Khristo Jisü lau akijivile lukepu alau shinani.

FILIPIAMI 2:17

Tsala I küxü ji huno atsaizü kümllagho toi nongu küpülü ghakishi kümllagho shou lepuku kepu shive namu, ni ye amloqi nani eno nongu gholo alovi küqha nani.

Kolosiami 1:24

Nongu ghenguno itehi I no aghime sholu akelo ni ye alovi ani, eno I phimpi lono Khristo no pa phimpi, ti ye akukuhou, ghenguno aghime shiwo tomono akeu I no shikupu tsü ani,

1 Thes. 2:19

Ni Mpeu Jisü ikighi lo Pa zülo niw lajupu, ni lokivi, ni jekipipu kiu ani kea? Ti ye nongu ke kumo?

1 Thes. 2:2

Ikemu nongu no ithi aketoi, Philippi lo ningu ghimeqhi eno akukujopu shi peitha namu aküpüna kitikhi lono nino Alhou lau amlo kumto shino Alhou tsakiviu nongu lau pikülha ke.

2 Thes. 1:4

Tighenguno nongu kijipüsa eno shikighime keu kümtsü lo nongu no aküpülü itha mono kutuulu keu pesü ningu no Alhou kukuhouqo lo ni qheküzapu shi picheni.

Philemon 1:7

I thiküzüu, ni ye o kikimiye lono alokivi eno alokughuno shishe ithuluvae kughengu o vecheo küpülümi ghüthi püxü tsüke.

James 1:2

I thiküzümiqo, kughou nongu no akijiksa jeli sholuni keno, ti kümtsü alokivi lo kihisülo,