2 Kor. 13:9 - Sumi Naga CL (Re-edited) Bible (BSI)

⁹ Kughou nino miqemlei anamu nongu no mtotoi ani keno, ningu ye alovi cheni. Nongu pelo kupukülailu peni keu no ni kighini ke.

BAIBEL (BSI)

⁹ Kughono ninguno tomo chhimomu nonguno mutotoi aghi aye tino ningu lokivike. Ikehu ninguno inikhu akeuye nongu pelo kupukulu shilupeniyeke.

Sümi Tiqhelimi Bible

⁹ Kugho-kughomu ningu no miqemilei akelo nongu kumto ghenguno ningu ye alokivishi cheni; eno ningu ye nongu pelo thowkha kuchopu kupukulu shiluve penike akighini shi acheni.

2 Kor. 13:9 Mawu Ofanana

Rommi 15:2

Ningu pütüta kisüghümi shiqhe kumtoni ke pa kivipu shi tsüni.

1 Kor. 1:10

Athiküzümiqo, ni Mpeu Jisü Khristo je lono I no nongu qhüiniju anike nongu kümtsü no pulo küqhalulo, nongu gholo kijethakile kevi, ikemu akükümsü lo eno küghakütha lo küqhakulu shilo.

1 Kor. 2:3

Ni ye miqemlei, msaighü eno khokhoshi nongu gholo ae,

1 Kor. 4:10

Ningu ye Khristo ghenguno mbomzümi, ikemu nongu ye Khristo lau kimelu keu lono alokütsümi. Ningu ye miqemlei kemi, ikemu nongu ye akumtomi. Nongu ye agigihupu ithulu cheni, ikemu ningu ye tichetighemi ke.

2 Kor. 11:30

I no qheza kepushi aye, ni ye I kutokumo kichepiye keu lono qheza nani.

2 Kor. 13:11

Ashekhashi, athiküzü achelimiqo, alovilo. Kupukülai luni keu mijilo, lakhino lakhi lokughuno tsülo, lakhino lakhi sasü pulo küqhalo, külakishi lono xülo; kikimiye ngo aloino keu Lhou no nongu gholo anani.

2 Kor. 13:4

Kughengu Pa ye aphimpi loye miqemlei yedave, ikemu Alhou küka lono xüani. Ningu ghi Pa gholo miqemlei ke, ikemu nongu küdau ye Alhou küka vecheo ningu ye pa gholono xünani.

2 Kor. 4:12

Ikehu akithi no ni lolo mla ani, ikemu aküxüpu no nongu lolo mla anie.

2 Kor. 7:1

Kimiye chekemiqo, ningu lau pikiqhitsa hipaqo anike ghenguno ni phimpi eno aghungu shipixi chekeu kümtsü shikimtheve no Alhou sükümsa lono akimtheshi kupukülai luni nolo.

Kolosiami 1:28

Ningu no Khristo pesü sheshu cheni, kümtsü kütüghü eno shika cheni, tishianguno kümtsü pelo Khristo lau tekhoilu peniye ke.

Kolosiami 4:12

Ampeu Jisü Khristo qeu Epaphras, nongu gholo lakhi huno petha nongu tsü ani, pa kighini lo alhokuthu nongu ghenguno kükhakulu acheni, tishianguno nongu pelo Alhou pulou kümtsü lo tekhoi eno thebeilu peniye ke.

1 Thes. 3:10

Ningu ye tamo mithe putho pucho inikhu ani, tishianguno ningu no agi no agi kinheqhe ghi nongu ithulu no nongu küpülü lo kiu no tomono ani keno tsükileni.

2 Tim. 3:17

tishianguno Alhou timi pelo shitsa shilu no akümla kivi kümtsü lo kupukülailu peniye ke.

IBRIMI 12:23

Nongu ye Alhou nuli anoghimi khunoqo je kungugha lo yepüani keno tipaqo mqo lo, kümtsü shou Küghaküthau Alhou lau, eno Alhou zülo kupukülaive kemi amikuchomi ghungu lau ighivae.

IBRIMI 13:21

akivi thime kümtsü pesü nongu tsüno Pa pulou shilu peni, eno Pa no Jisü Khristo vecheo ni lolo Pa pulou shipeni; alho lono alholo Pa lau ajekipi apelo. Amen.

IBRIMI 6:1

Tighenguno ningu abothu lo Khristo ghili pekishe chekeqo nguno alau tekhoike küdau wuni nolo, akithi kümla lono xaidelu keu eno Alhou lau aküpülü belu keu boqha qhakithe moni,

1 Peter 5:10

Nongu no ado kitila imeve kethiu, kikimiye küpükini kümtsü akeu Lhou, Khuu no Khristo vecheo Paw lhokta juküvü lo nongu kuluve akeno, Pa ampi no nongu pesü atho puthotsü, aküpülü iqhikumto tsü, aküka tsükithe, eno aboqha kumto lo shosü nani.