2 Kor. 11:1 - Sumi Naga CL (Re-edited) Bible (BSI)

¹ Ni ye kitila aghüzü anikha shinia kemu nongu pelo kutuutsü penishi ani. I gholo kutuu tsülo!

BAIBEL (BSI)

¹ Niye kitila aghuzu anikha shiniakemu nongu pelo kutuutsu penishi ani. Qeti kutuulo!

Sümi Tiqhelimi Bible

¹ Ni ye kitila nikhanigha shinia kemu nongu pelo kutuu tsü penike I no lakuju shi ani. Iye, kimiye no kutuu tsülo!

2 Kor. 11:1 Mawu Ofanana

KUKAMI AKINIU 5:3

Li no li mpeliu vilo pi, “I mpeu pelo Samaria lo ache keu tungkupu lau wu penishi nolae! Pa ye pa pügha shipivive tsü nanie.”

AKIKIHI 11:29

Ikemu Moses no pa khochile, “I ghenguno nono alomsü ani keshea? Ampeu no Paw timi kümtsü shou Pa ghungu puku tsüno panongu pelo tungkupmi shi aghi penishi nolae!”

MATTHEW 17:17

Jisü no khochile, “Nongu aküpülü küküha eno chighichilai keqo, ni ye khitohi nongu sasü amasa kea? Ni ye khitohi nongu gholo anani kea? Pa sasü hila ighilo.”

Apostolmi 18:14

Ikemu Paul no atsa piniye shikelo, Gallio no Jewmi vilo pi, “O Jewmiqo, akumou kümla momu heqhi-buqhi keu vehu aye, ni ye nongu no akipimi tsü akeu ikhilu tsüni cheke.

Apostolmi 26:29

Paul no pi, “Ado ikhonhei shiaghi na kushuo namu, I no Alhou vilo khu akeu ye, o likhi kumono khunoqo ishi I tsa ini ani keno, ayikichhe no kumo aye kümtsü I toi luve penishi ani.”

1 Kor. 1:21

Kughengu Alhou lokütsü kiqilo ayeghilomi no Alhou ithimo keke niw mbomzü kükütsü vecheo khunono pülülu keno tipaqo xalu keu no Alhou lopu shilue.

1 Kor. 3:18

Timi khumu alikhi ampi pishiqhi kevilo. Nongu gholo khuana no pa ye hipa yeghi lo alokütsümi kepi aghi aye, pa ye alokütsümi shinike ghenguno mbomzümi shive masae.

1 Kor. 4:10

Ningu ye Khristo ghenguno mbomzümi, ikemu nongu ye Khristo lau kimelu keu lono alokütsümi. Ningu ye miqemlei kemi, ikemu nongu ye akumtomi. Nongu ye agigihupu ithulu cheni, ikemu ningu ye tichetighemi ke.

1 Kor. 4:8

Nongu ye nongu no lunishi keu kümtsü auvae! Nongu ye kinimi shivae! Ningu sümono nongu ye kükami shivae! Nongu no kaluke aye ningu ghi no gholo aküka küsajeni cheke!

2 Kor. 11:19

Nongu ampi no alokütsümi kehu aloviqhiyi küghüzümi lau kutuulu anina!

2 Kor. 11:21

Ni ye kujoqhiyi pi masavae, ningu ye titoi shinike ighono miqemleive kena! Ikemu kütami khuana no ighü mono qhezalu aghi aye—ni ye küghüzümi lakhi toi pi anike—ni ghi ighü mono qhezalu nani.

2 Kor. 11:4

Kughengu khuana no ighi püzü nino nongu vilo pikülhave keu nguno kütau Jisü pikülha, nongu no aghungu ikhiluve keu nguno kütau ghungu ikhilu, momu nongu no atsakiviu ikhiluve keu nguno kütau tsakiviu ikhilu aye, nongu ye mlalei tipaqo gholo ilovae!

2 Kor. 12:11

Ni ye küghüzümi shiauvae! Nongu no I sheqhe kepu kelaye anguka lono I pelo aghüzüu shivepe ae. Kughengu I no kiumu kumo namu ni ye kiu lonomu hu akighiche apostolmi ipi chekeqo nguno akuchuniu ye kumoe.

2 Kor. 5:13

Kughengu nino küghüzümi ghola shive aghi aye, ti ye Alhou ghenguno ke; ikemu ningu kükümsü achipilo aghi aye, ti ye nongu ghenguno ke.

IBRIMI 5:2

Achinetou ghi kupukümla kehu pa ye khunono aye kümthami eno ala ghüzümi keno tipaqo mtshaminhei tuchomjo cheni.

JOSHUA 7:7

Tishino Joshua no pi, “Aha, O Ampeu Alhou, No ye kushiye Amorimi u lono timi hipaqo kütsaveni keghi sasü Jordan katha ighipe kea? Ningu ye Jordan kukuu mu küghüna aniche keghi lae.