2 Kor. 10:18 - Sumi Naga CL (Re-edited) Bible (BSI)

¹⁸ Kughengu khuu no pa ampi sheqheni keno, pa no achipiu ke kumoe, ikemu Ampeu no khuu sheqheni keno, pau noke.

BAIBEL (BSI)

¹⁸ Kughengu timi lakhino pa likhi pa sheqhekeuye adouke ikemu Ampeu no sheqhekeu timi huye amekuapu ke.

Sümi Tiqhelimi Bible

¹⁸ Kughengu timi lakhi no pa likhi pa sheqhe keu ye achipi kumoe, ikemu Alhou no sheqhe keu no achipi ke.

2 Kor. 10:18 Mawu Ofanana

AHOLE 12:8

Milakhi no akükümsü kivi akeu vecheo akishe ithulu cheni, ikemu ihoghülai keu mlo xapu chekemi ye thogha cheni.

AHOLE 21:2

Kümtsü no pau no achipie pi kümsü cheni, ikemu Ampeu no amlo huju cheni.

AHOLE 27:2

O kichi lou no kumono kütami, tüsümi pelo o sheqhe pelo.

Luke 16:15

Jisü no panongu vilo pi, “Timi zülo achipiue pi pükha chekeqo ye nongu kene, ikemu Alhou no nongu mlo ithi ani. Kughengu timi müzülo kiu no ajuaje ipi cheni keno Alhou nhethe loye aphikümqhüpue.

John 12:43

kughengu panongu ye Alhou launo ighikeu jekipi ye timi launo ighikeu jekipiu kimiye kütüke.

Apostolmi 2:22

“Israelmiqo, atsa hipaqo inilo, Alhou no Nazarethmi Jisü nongu lau kophe tsüno pa vecheo aküka kumto, akümzapu eno amchipu kümla shikeu nongu ampi no ithi ani.

Rommi 14:18

Ikehu khunono hitoi Khristo qeni keno Alhou zülo ikhikulupu eno timi mlokiqipu shilu ani.

Rommi 16:10

Khristo laumi shiluvepe keu Apelles lau petha tsülo. Aristobulus no kibolomi lau petha tsülo.

Rommi 2:29

Ikemu Jewmi kuchou ye alou noe, eno aphighüyiko kügha ye Aghungu vecheo amlo lo shikeu thono pimheye lono kumoe. Hitoi kemi ye timi launo kumono Alhou launo shekiqhe ithulu cheni.

1 Kor. 11:19

kughengu nongu dolo amqo kütüta aghini cheni, tishino khunono kuchou keno tipaqo kimchilu peniye ke.

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

2 Kor. 10:12

Ningu ye khunoqo alikhi ampi sheqhe cheni keno tipaqo sasü jokümtsa momu kimghi amoe. Ikemu kughou panongu no alikhi ampi mighiju eno kütami sasü jokümtsaju ani keno, panongu ye vethakulu kighithi kühae.

2 Kor. 13:7

Ikemu nongu pelo akumou shipemo nike nino Alhou vilo inikhu ani—ningu ye pekuju lo toluvae piniye ke kumoe, ikemu nino tomove ketoi aghimu kiu no achipi keno nongu pelo shipeniye ke.

2 Kor. 3:1

Ningu ye itaghi ningu ampi shepe shithuve akeshea? Ikeo timi khami toi nongu lau ighini keu shepekütsü yesü momu nongu launo ti avehupu shi ani kea?

2 Kor. 5:12

Ningu ye ningu ampi sheqhe anike kumoe ikemu ningu jeku lono nongu pelo qhezalu peniye ke, tishianguno nongu pelo khunono amlo lo akeu jumono ashou aju akoghe jupe qheza cheni keno tipaqo khochilelu peniye ke.

2 Kor. 6:4

ikemu Alhou qemi kehu alaghi thokha lo ningu ampi no kichekipiye shicheni: aghime lo, akijiksapu lo, amhekiqi lo shishe puqhekulu shicheni,

2 Tim. 2:15

Tolukivi thaqhülo no ampi pesü kishekiphe, kujo-ighümo keu kümlau hutoi achipi lono kuchou tsa pepimhe no Alhou zülo piyelo.

1 Peter 1:7

tishianguno nongu küpülü ye ghukimthepe athicho shilu peniye ke. Ameshoyi ye ami lono piti kimthe anamu pühave cheni, ikemu nongu küpülü ye ameshoyi nguno amekushou kehu Jisü Khristo pephe piye kelo shekiqhe, ajuküvü eno agigihu ithulu kepu shimasae.