2 Kor. 1:20 - Sumi Naga CL (Re-edited) Bible (BSI)

²⁰ Kughengu Alhou shoqhi kümtsü Khristo lau no Iyei pilu cheni. Ikehu Pa vecheo nino Alhou lau Pa juküvüpu shi Amen ipi cheni.

BAIBEL (BSI)

²⁰ Kughengu Alhou no piqhipuakeu kumtsu pa gholono “Iye” ipikeu anike. Tighenguno pa vechewono Alhou jekipipu shinike ninguno “Amen” ipi cheni.

Sümi Tiqhelimi Bible

²⁰ Kughengu Alhou no kutomo piqhipüaghi namu, tipaqo kümtsü Khristo vechewo “Iye” ipi anike. Ikehu ningu no pa vechewo Alhou juküvü shi ghi “Amen” ipi cheni.

2 Kor. 1:20 Mawu Ofanana

BOTHUBO 22:18

o tikughuko vecheo ayeghi lo shiye kümtsü no müghalu nani, kughengu nono I gholuke.”

BOTHUBO 3:15

Atotiu ngo nokujo dolo eno o nuli ngo li nuli dolo I no kimthikile keu sütsüni; pa no o kütsü chisheda nani, eno nono pa phitsü mighi nani.”

BOTHUBO 49:10

Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.

LESHELE 102:16

Kughengu Ampeu no Zion shiqheke; Pa no Pa juküvü lono ipeghie;

LESHELE 72:17

Alholo pa je ye kümsümave mono ache pelo, atsütsü lo khetsünhe ake kutolo pa jekipi apelo! Pa vecheo timiqo no müghalu pelo, shiye kümtsü no kükümghau ipi pa ku pelo!

ISAIAH 65:16

tishikeu lono aghakhu lo timi khuu no pa likhi pa kümghatsü keno, pa ye kuchou Lhou no kumghatsü nani, eno aghakhu lo timi khuu no ashoqhi shini keno, pa ye kuchou Lhou vecheo ashoqhi shi nani; kughengu wove keu küküpna ye kümsümavae, eno tipaqo ye I launo küsüvae.

ISAIAH 7:14

Tighenguno Ampeu ampi no amchipu lakhi o tsü nani. Julo, ili thathe lakhi no mishipuve no anu punu nani, eno pa je pesü Immanuel kutsü nani.

MATTHEW 6:13

Eno ghukuju lo ningu sailotsü kevilo, ikemu alhoksau launo ni xaphe tsülo.”

Luke 2:14

“Kungugha akiqheu lono Alhou sheqhelo, eno ayeghi lo Pa mlo chulu chekeqo gholo aloino keu alo!”

John 1:17

Kughengu Ayezah ye Moses vecheo tsüke, ikemu küpükini eno kuchou ye Jisü Khristo vecheo ighi.

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

John 3:5

Jisü no khochile, “Kuchou no I no o vilo piani, milakhi no azü eno Aghungu lono punu kithemo keloye Alhou yekipe lo ilomlae.

Rommi 11:36

Kughengu thokha kümtsü Pa launo eno Pa vecheo ighi, eno Pa lau anie. Pülhapuju Pa lau akimthe jekipi apelo, Amen.

Rommi 6:23

Kughengu axine jume ye akithi, ikemu Alhouw kümsagho huno ni Mpeu Khristo Jisü küdau no lhokta küxü ke.

1 Kor. 14:16

Tishimo aye, nono aghungu lono shikimthi tsükelo, khalaumi inapüghami nono kiu piani keno mtha keghi kishino ow shikimthikütsü lo “Amen” ipi luni kea?

2 Kor. 4:15

Hi kümtsü nongu ghenguno ke, tishianguno küpükini no timi lau alau ikowo kelo Alhou juküvüpu shi shikimthi kütsü ghi alau ikowo peniye ke.

2 Kor. 4:6

Kughengu, “Aküzü lono aküvü vüipeghi lo,” ipikeu Lhou no Jisü Khristo gilo Alhou juküvü kighithi küvü tsünike ghenguno ni mlo lo yepüvü tsüke.

Galatiami 3:22

Ikemu Kuchoyesü no thokha kümtsü axine kütsügha qholo süghivae, tishianguno Jisü Khristo lau aküpülü akeu vecheo pikiqhitsa huye khunono pülü keno pano tsüniye ke.

Ephesiami 1:6

Paw küpükini kije pephepe Qhuivükicheu nu vecheo ningu kümghatsü keu ye sheqhe akepu lo ani.

Ephesiami 2:7

Alhou no kimiyeqhiyi keu lono Paw küpükini kimghi kümlapu shi akeu pesü Khristo Jisü küdau no ningu tsükeu ye hithiu tiqheli kutolo pephe piye niye ke.

Kolosiami 1:27

Alhou no panongu kishelu no Jewkumomi gholo ajuküvüpu kini kije pephe tsüke, ajuküvü lajupu huye Khristo nongu lolo akeu ke.

2 Thes. 1:10

tipa tsalani Ampeu no Paw akimthemi zülo ajekipi eno Pa küpülümi gholo agigihu ithuluni ke ighi kelono tishi nani. Hile nongu ghi süküqha ani, kughengu nongu no ni shepe pülüe.

IBRIMI 11:13

Hipaqo kümtsü aküpülü lono thivae. Panongu ye piqhi püakeu ithumlave, ikemu putou no ithulu no kuchou kepi ikhiluve, eno ayeghi lo inami eno hapheve kemiae pi ikhiluve.

IBRIMI 13:8

Jisü Khristo ye ighi, ishi eno alholo aphiphie.

IBRIMI 7:6

Melchizedek ye Levi laghami kumo kemu pikiqhitsa ithukuluu Abraham launo chighi saje qhalu eno pa kümghatsüe.

1 Peter 1:12

Ikelo panongu no mla chekeu ye pano ghenguno kumono nongu ghenguno kepi pano lau pephe piyeve, eno ti ye itehi Atsakiviu kükütsümi no nongu lau sheshuve keu tsape, Aghungu Kimthe vecheo kungugha lono puwu keu khikhi kungumiu ghi tipaqo vehu ithinishi khelho acheni keno tihuke.

1 John 5:11

Ashepe ye hike: Alhou no lhokta küxü pesü ningu tsü, eno aküxü hipau ye Pa Nu lau ani.

Piyeküsü 3:14

“Laodicea kukuhou lo kungumi lau yelo: ‘Pükhükulupu eno Kuchou Thopiu, Alhouw amsüu pulhoküsü Amen tsape.

Piyeküsü 7:12

pi, “Amen! Shekiqhe eno ajuküvü, alokütsü eno shikimthikütsü, agigihu eno aküka kumto ye alholo eno pülhapuju ni Lhouw ke! Amen.”