2 Kor. 1:1 - Sumi Naga CL (Re-edited) Bible (BSI)

¹ Paul, Alhou pulou vecheo Khristo Jisüw apostol, eno ningu thiküzüu Timothy nikujo no, Corinth lo Alhou kukuhou eno Achaia qhalo küpülümi kümtsü lau yelu ani:

BAIBEL (BSI)

¹ Alhou pulou vechewo Jisu Khristo wu apostolmi shiluve keu Paul, eno ningu thikuzuu Timothi pamano Korinthia lo Alhou kukuhou akemi eno Akhaya qhalo Alhou timiqo kumtsu lau ye ani:

Sümi Tiqhelimi Bible

¹ Alhou pulou vechewo, Khristo Jisü’w apostol Paul eno ningu thiküzüu Timothy lau no, Korinth lo Alhou kukuhou ngò Achaia qhalo Alhou’w akimthemi kümtsü lau yèsü hipau yèlu ani:

2 Kor. 1:1 Mawu Ofanana

Apostolmi 16:1

Paul no Derbe ngo Lystra lo ghi ighi. Akhopemi lakhi, Timothy ipikeu, aza no Jewmi küpülümi eno apu no Greekmi, tile aghi.

Rommi 15:26

Kughengu Macedonia eno Achaia kukuhou no Jerusalem lo küpülümi gholo kumlhomi akeqo ghenguno akukuphu hami qhaphetsü ke.

Rommi 16:21

I gholo mlaküqha akeu Timothy no petha nongu tsü ani; titoi ni thiküzümi Lucius, Jason eno Sosipater ghi petha tsü ani.

Rommi 16:5

Pama kilo akukuhou akeu lau petha tsülo. Asia lo Khristow shilu keu xathi amsüu, I qhuu Epaenetus, petha tsülo.

1 Kor. 10:32

Jewmi na, Greekmi na, Alhou kukuhou namu, khuu laumu akipimi tsü kevilo,

1 Kor. 16:10

Kughou Timothy ighini keno, pa pelo nongu gholo ighümo no ngolu pelo, kughengu pa ghi I toi Ampeu kümla shiani.

1 Kor. 16:15

I no nongu hakite ani athiküzümiqo, nongu no ithi anike Achaia lo Stephanas kibolomi paghino aküxü kililu, eno panongu ye küpülümi kümlapu lo tsaqütsalei acheni kehu

1 Kor. 16:24

Khristo Jisü je lono Iw kikimiye nongu kümtsü lau apeniu. Amen.

1 Kor. 6:11

Nongu gholo khami ye titoi cheke. Ikemu Ampeu Jisü Khristo je lono eno ni Lhou Ghungu vecheo nongu qhuve no shikimthepe achipikalu ke.

2 Kor. 1:19

Alhou Nu Jisü Khristo khuu Silas, Timothy, eno ni küthü no nongu lau sheshu keno, Pa ye Iyei eno Moe kühae, ikemu Pa gholo ye alhokuthu Iyei ke.

2 Kor. 1:23

Alhou no thopi shitsü penike ku ani—I no Corinth lo ighi move keu ye nongu loshipüsü moniye ke.

2 Kor. 11:10

Khristow kuchou I lolo anike Achaia cheaxü lomu I qheküzapu hipau ye inaqhoive monani.

2 Kor. 9:2

kughengu nongu no kutope akeu I no ithi ani, tipau pesü I no Macedoniami vilo Achaiami ye khanikü no kutope anie pi I kijivile pike. Eno nongu zükini no panongu kutomo hakutho luvae.

Galatiami 1:1

Paul, timi launo momu timi vecheo kumono Jisü Khristo eno Apu Alhou, khuu no akithi lono pa xüputhu keno, pa launo apostol shilu keu,

Galatiami 3:26

kughengu aküpülü vecheo Khristo Jisü gholono nongu kümtsü Alhou nuli ake.

Ephesiami 1:1

Alhou kupulo lono Khristo Jisüw apostol Paul no Ephesus lo küpülümi Khristo Jisü sasü lakhi shive kemi lau:

FILIPIAMI 1:1

Khristo Jisü qüaxemi, Paul ngo Timothy, no Philippi lo küpülümi khunoqo Khristo Jisü laumi shino akukuho lo kichimi eno deaconmi gholo akhani keno kümtsü lau ye ani.

1 Thes. 1:1

Paul, Silvanus eno Timothy no, Thessalonia lo Apu Alhou eno Ampeu Jisü Khristo kukuhou lau: Küpükini eno aloino keu tsü ani.

1 Thes. 3:2

eno nongu küpülü kughuko tsüno hakiteni ke ningu no ni thiküzüu Timothy, Khristo tsakiviu shekushu lo mlaküqha chekeu nongu lau puwu,

2 Thes. 1:1

Paul, Silvanus, eno Timothy no, Thessalonia lo ni Pu Alhou eno Ampeu Jisü Khristo kukuhou lau:

1 Tim. 1:1

Khristo Jisüw apostol Paul no, ni Xakuluu Alhou zakütsü eno niw lajupu Khristo Jisü vecheo,

2 Tim. 1:1

Alhou pulou vecheo eno Khristo Jisü lau aküxü akeu tsünike tushoqhi püakeu kiqi lono, Khristo Jisüw apostol Paul no,

Titus 1:1

Paul, Alhou qüaxeu eno Jisü Khristow apostol no Alhouw kishekiphemi küpülü eno panow kuchou kighithi akimthe küxü lo sawu chekeu shiqhe tsünike yelu ani.

Philemon 1:1

Paul, Jisü Khristo ghenguno akughushi akeu eno ni thiküzüu Timothy no, Ningu kümtsa mla achekeu eno qhuivü chekeu Philemon,

IBRIMI 13:23

Ni thiküzüu Timothy khaqhi pheve keu nongu pelo ithive penishi ani, pa no ke-i ighi aye I no pa sasü ighi no nongu kusholuni.