1 Tim. 6:18 - Sumi Naga CL (Re-edited) Bible (BSI)

¹⁸ Panongu ye akivi mla masae, akivi kümla lo nibonilei masa, tsükinimi shimasa eno küsajeni keu lo kutope khemasae.

BAIBEL (BSI)

¹⁸ Kinimiqo vilo akivipu shilopilo eno akumla kivi nibonilei shilopilo, kutami sasu kupukunoshi kusajeni keu kutope alo pilo.

Sümi Tiqhelimi Bible

¹⁸ Panongu pelo akivi shini keu, kupukuno shi akümlà kivi shini keu, tsükinimi eno pulopiniyi shi küsaje nikeu azah tsülo.

1 Tim. 6:18 Mawu Ofanana

YEKIKITHI AKINIU 24:16

Panongu no David phughi lo kükami kumoki lo pa qhove, kughengu pa no Israelmi lau, Alhou lau, eno achineki ghenguno akümla kivi mlake.

LESHELE 112:9

Pa no ame lumono kümsano kijetsü cheni; pa no kumlhomi tsüke; pa chipiu mikucho ye alhokuthu acheni; pa kibo ye agigihu lono süqhe cheni.

LESHELE 37:3

Ampeu pükhü lo, eno akivi mla lo; no yeghi lo küghüna no pükhükulu sasü shou-pau shilo.

YETSAPIU 11:6

Inaqhe no apiti yisüve no avelau ye akümla lono o u süchileve kevilo, kughengu no ye hiu no keo huu no akivishi thuwu nani keno mthae, momu kinikujo mu akivi shive luvi.

YETSAPIU 3:12

I no pimhelu keu no timi ye xüake tivilo alokivishi eno akivi kümla shikeu nguno akiviu kiumu kühae;

ISAIAH 32:8

Ikemu gihuküzümi ye agigihupu kukughu shicheni, eno agigihupu lo puthugho cheni.

ISAIAH 58:7

Kümvü keu ye müzüthi aghi kemi sasü nongu chuqupu küsajeni keu, eno aki küha kemi nongu ki lo sasüni keu, aphimini küha kemi aphimini tsüni keu, eno alimi launo itshü wuve moni keu noke kumo keshea?

MATTHEW 5:42

Khuana no o qhüiniju khu ighi aye tsülo, eno o lau tüsütüna shi ighi kelo mili kevilo.

Luke 12:21

Hi paphi lono khuu no pa ampi ghenguno akini pekütsüni keno Alhou küdau pa ye kinimi kumoe.”

Luke 3:11

Pa no khochile, “Khukhumu aphiküzü kini akeu no küha kemi sasü küsaje lo, titoi achuqupu akeu no tishilo.”

Apostolmi 10:38

Alhou no Aghungu Kimthe eno aküka pesü Nazarethmi Jisü nukishe. Alhou no pa gholo ake ghenguno pa no aqha kümtsü lo wuno akivi kümla shi eno tüghami no qhasüpe akeqo kümtsü shipivi tsüe.

Apostolmi 11:29

Ikehu akhopemi no pütüta no toluke qhemi Judea lo athiküzümi lau akukuphu tsünie pi xathalu.

Apostolmi 9:36

Joppa lo akhopemi totimi lakhi Tabitha, pekide kelo Dorcas ipikeu ae. Li ye akümla kivi eno kumlhomi tsükinimi ke.

Rommi 12:13

Küpülümi vehupu lo qhasü tsülo eno pütüta ki lo shoinami sasükinimi shilo.

Rommi 12:8

khuu no hakite eno shikumtolu cheni keno, tipau peitha masa; khuu no tsü-jekini mlo ani keno, amlo qhaqhilei shino tsülu masa; khuu no saphekulupu kükagha ani keno, aghüiloqhiyi mla masa; khuu no kimiyekini kümla shicheni keno, aloviqhiyi shimasa.

1 Kor. 16:2

Apinedo kümtsü lo atsala atüghüni nongu lakhikhi no aghikeu qhemi ikhithape kütsü püaghilo, tishianguno I no ighi keloye süqhasüli lumoveni.

2 Kor. 8:12

Kughengu pulopinyi keu aghi aye, milakhi no kühakeu kumo püzü kiu ani keno ti ikhilutsü nani.

2 Kor. 8:9

Kughengu nongu no Ampeu Jisü Khristow küpükini ithi anike Pa ye kinimi shi akeghi nongu ghenguno kumlhomi shive ke, tishianguno Pa qüagha vecheo nongu pelo kinimi shilu peniye ke.

Galatiami 6:10

Tishiaye ningu no ado kivi ithuluke kümtsü lo timi kümtsü lau akivi kümla shini, eno akhotoshi khunoqo aküpülü lo kibolomi shive akeno panongu lau mlani nolo.

Ephesiami 4:28

Hinguno hilau ye küpkami no aküpka qhivelo, tishi nike züqhu ichheime mu aphiau pesü amikucho lono mla chulo, tishikeu lono khuana avesa akeu lau küsajelu nani.

1 Tim. 5:10

li ye akümla kivi hitoike ghenguno ajuaje kivi aghi masa: atianuli akivishi saputhu kemi, inami sasü kinimi, Alhou qemi pukhu qhutsü kemi, shiluküsami kuphu kemi, eno thokha lo akümla kivi shi kemi.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

Titus 3:8

Akipitsa hi ye ameküapue, ni ye o pelo hipaqo pikichichi apenishi ani, tishikeu lono khunono Alhou pülüluve akeno panongu pelo tsaqüi akümla kivi lo amlotsü penishi ani. Hipaqo ye timi ghenguno akighiche eno ala shikulupu anike.

IBRIMI 13:16

Akivi mlani keu kughucho kevilo eno nongu no akeu pesü küsaje kilelo, kughengu titoike ghakishi no Alhou lopuke.

James 2:5

I qhuu athiküzümiqo, inilo, Alhou no ayeghi lo kumlhomi kishelu no aküpülü lo kinimi shilupe eno Pa kimiyekemi tsüni keu shi piqhi püakeu kükaqha mheghi kiyighimi shilupe kekumo keshea?

1 Peter 3:11

pa ye alhoksa lono tsüghüwo akivi mla eno aloino keu phuno ti püzüsü wulo.

1 John 3:17

Ikemu khuana no ayeghi lo thime jeli aghi no pa thiküzümi no avesa akeu ithulu pülaghi pa mlo xükho move aye, kishino Alhouw kikimiye ye pa lolo ngoni kea?

3 John 1:11

I qhuu, akivi kühakileni thono alhoksa kühakile kevilo. Khukhumu akivi mla chekeu ye Alhou laumi; khukhumu alhoksa mla chekeu ye Alhou ithulu mphie.