1 Tim. 5:17 - Sumi Naga CL (Re-edited) Bible (BSI)

¹⁷ Akukuho lo kichimi, akhoto no akükütsü eno shiküka lo ichheime chekeqo, khunono akivishi ayepe cheni keno, panongu ye ajume küghüsü no ithulu küzüe.

BAIBEL (BSI)

¹⁷ Akukuholo kichimi khunoqono sakiphemi shipuzu akumla kivi mla cheni keno atha-aqo kishe-kishe ithulukepu akuzupuke, tiye akhotono kutsu shika keulo ichhe imechekeqo.

Sümi Tiqhelimi Bible

¹⁷ Kichimiqo eno akhotoshi akükütsü eno shiküka kümlà shi ache kemi khunoqo no akukuhou kümlapù lo akivishi kichetsü acheni keno panongu ye atha ajume veqabe ghí ithulu küzüpue.

1 Tim. 5:17 Mawu Ofanana

KUKAMI AKINIU 2:9

Kughou pama no kathave keno, Elijah no Elisha vilo pi, “O launo I sawuve mphi lono no ye I pelo kiu shitsü penishi ani keno khulo.” Elisha no pi, “Kimiyeno o nguagha kini küghüsü no I tsülo.”

ISAIAH 40:2

Mükhano Jerusalem pütsalo, li ghime ye kishekhave no li kipimi peve tsüae, Ampeu no li xine jume küghüsü kini shino tsüve keu huno lukümkha shivae pi li vilo sheshulo.

JEREMIYA 16:18

Ikemu I no pano kipimi eno axine küghüsü no lochile paghini aphi, kughengu panongu no akimthipu julho kithi kumoqo pesü I yeghi shipixi, eno aphikümqhüpu jeli pesü I mheghi yeghi chhitoive tsüke.”

JEREMIYA 17:18

I ghimeqhi kemi shikukujo lo, ikemu I shikukujo tsü kevilo; pano pelo aghüthi süve pelo, ikemu I ghüthipüsü tsü kevilo; pano shou amhekiqi süghi tsülo; küghüsü no pano kütsave lo!

ZEKHARIA 9:12

Now sükusho-a lo ideighilo, O lajupu akeu kughumiqo; ishi no I no shuphe anike küghüsü no nongu tsüchileni.

AKIKIHI 18:31

Nongu eno no kibolomi no khile khileno mu chulu nani, kughengu ti ye nongu no kuposhukulu phiki lo hukuthu kümla shikeu jume ke.

MATTHEW 24:25

Julo, I no asheazü shi nongu vilo pivae.

Luke 10:7

Aki lakhi lono kütau iqesü wu kevilo, ikemu lakhi lo likhi ngono ampemi no kiu tsü keno chusholo, kughengu akümla kishiu ye ajume ithulu küzüe.

Luke 12:42

Ampeu no pi, “Tishi aye, pükhükulupu eno alokütsü jukükütsüu, khuu shou pa mpeu no aki lo aqemi kütami mijetsü eno ado achipi lono panoqo tsüjeve penike kuchoqhitsü keno, timi huye khuu kea?

John 4:38

Nongu no mlasümo keu lulo ghilehu peniye I no nongu puwue. Kütami no aghime kümla shi, eno nongu no pano ghime lono ala shilu ani.”

Apostolmi 11:30

Eno panongu no titoi shino Barnabas ngo Saul pama u lono akukuho lo kichimi lau akukuphu tsüpuwue.

Apostolmi 20:35

I no thokha lo nongu piyeve ake ningu ye ichheime mlano miqemlei kemi kuphu, eno Ampeu Jisü ampi no pikeu tsa kümsülu masae, ‘Tsükeu no lukeu nguno akümghapue.’”

Apostolmi 28:10

Panongu no ningu ghi akiqheu shi ikhilu, eno kughou ningu no cheve niye shive keno, nino avehupu shikeqo thokha panongu no peighi tsü.

Rommi 12:8

khuu no hakite eno shikumtolu cheni keno, tipau peitha masa; khuu no tsü-jekini mlo ani keno, amlo qhaqhilei shino tsülu masa; khuu no saphekulupu kükagha ani keno, aghüiloqhiyi mla masa; khuu no kimiyekini kümla shicheni keno, aloviqhiyi shimasa.

Rommi 15:27

Kuchou lo panongu ye tishi kelau kehu amlokiqi shi tsüni keu kümsülue. Kughengu Jewkumomi no Jewmi vecheo aghungulo kükümgha küsajelu püaghi aye, itehi Jewmi no avehupu shi akelo panongu ghi tinhemgha jeli pesü kümghatsü kepue.

Rommi 16:12

Ampeu kümlapu lo akemi, Tryphaena ngo Tryphosa pama lau petha tsülo. Kimiyekicheu Persis khuu aka-aveshi Ampeu kümlapu lo acheni keno petha tsülo.

1 Kor. 15:10

Ikemu I no kiu keno, ti ye Alhouw küpükini vecheo ke, eno Paw küpükini I tsükeu ye adou shivemoe. Tishike kumono apostolmi kütami nguno alau I no mlache, kuchou no I no shiluke kumono I gholo akeu Alhouw küpükini noke.

1 Kor. 16:16

timi hitoi keqo sakiphe pape eno pano gholo mlaküqha akemi ngo akukuphumi gholulo.

1 Kor. 3:9

Kughengu ningu ye Alhou kümlapu lo mlaküqha chekemi; nongu no Alhou luza eno Alhou ki.

2 Kor. 6:1

Pa gholo mlaküqha kemi shi nino nongu qhüiniju anike adou lono Alhouw küpükini ithulu kemi shi kevilo.

Galatiami 6:6

Khuno lau atsape shikave akeno pa ye pa shikükau lau akivi thime kümtsü pesü küsaje masae.

ZAKINIU 18:8

pa pu mheghi jelu keu gholono, pa ye achinemi kütami qhemi achuqupu ithulu masae.

FILIPIAMI 2:16

nongu no mtotoi aküxüpu tsa tsüqülu keu lono ishilu nani, tishikeu lono Khristo Tsala lo ni ye adou lono po püamo momu ime püamo kepi I kijivilelu nani.

FILIPIAMI 2:29

Ikehu Ampeu lau juno aloviqhiyi pa ikhilulo, eno titoi kemi timi gihulo,

FILIPIAMI 4:3

Iyei, I gholo kicheu pükhükuluu vilo ghi I no pi anike totimi hipama kuphu tsülo, kughengu pama ye Clement ngo I küsami kütami gholo küqhano atsakiviu kümlapu lo I sasü lakhi shi ime cheke, panongu je ye aküxüpu Kaku lo ani.

1 Tim. 3:5

Kughengu timi lakhi no pa kibo peitha mtha aye, kishino Alhou kukuhou tucho luni kea?

1 Tim. 4:10

Kughengu hi kutolo ningu ye ichheime mla acheni, ti ye ningu no aküxüpu Lhou, khuu timi kümtsüw eno akhoto no pülüluve kemiw Xakuluu keno, Pa shou niw lajupu bepe qhive akehu ke.

1 Tim. 4:14

Layemi hoho no o shou au betsü kelo, tungkuptsa vecheo agho o tsükeu hu kughucho kevilo.

1 Tim. 4:16

No ampi eno ow shiküka jukuto alo. Phekevi no pükapütsa alo, kughengu nono hipaqo shikeu lono no ampi eno o tsa chilu akemi xalu nani.

1 Tim. 4:6

Nono akükütsü hipaqo pesü athiküzümi lau tsülu aye, no ye Khristo Jisü qemi kivi lakhie, ti ye aküpülü tsa ngo akülü kuchou, nono pepimhe chekeu huno o qophe püakeu lono ke.

1 Tim. 5:19

Timi kini momu küthü no thopi tsüke thiuno kumo aye kichimi shou ngukube keu tsa ikhilutsü kevilo.

1 Tim. 5:3

Kuchou no chimemi shive keqo ikhilu lo.

2 Tim. 2:6

Alukichiu ichheime mla chekeu huno ghile hukelo asaje atüghüu ithulu masae.

2 Tim. 4:2

ado ghuloki akivi na monamu atsa pesü sheshulo, thokha lo kutuukulu eno shiküka pesü shikithetsü, sakiyi eno shikumto tsülo.

IBRIMI 13:17

Now sakiphemi gholulo eno panongu qhoqhülo, kughengu pano ye Alhou lau kihikülai tsü nani kehu nongu küxü jukuto khe acheni. Pano pelo amlo samono aloviqhiyi mla pelo, tishimo aye nongu vehupu kiumu shimla nani.

IBRIMI 13:24

Now sakiphemi ngo küpülümi kümtsü petha tsülo. Italy lono ighi kemi no petha nongu tsüpuwu ani.

IBRIMI 13:7

Now sakiphemi khunono Alhou tsa pesü nongu vilo piche keno tipaqo kümsü lulo. Pano xüghola kümsü kutoju no pano küpülü papelo.