1 Thes. 5:24 - Sumi Naga CL (Re-edited) Bible (BSI)

²⁴ Khuu no nongu kulu keno Pa ye pükhükulupu; Pa no mtsüqheino tishi nani.

BAIBEL (BSI)

²⁴ Khuuno nongu kulu keno paye pukhu kulupuke eno pano tishitsu nanike.

Sümi Tiqhelimi Bible

²⁴ Khuu nongu kulù keno pa ye pükhübekuluu ke eno pa no tipau shitsü nani.

1 Thes. 5:24 Mawu Ofanana

KUKAMI AKINIU 19:31

Kughengu Jerusalem lono ghükulumi ipe nani eno Zion Toghi lono aküxü achili shi aghi keqo amqoshi ipe nani. Ampeu no hi shinani.

LESHELE 100:5

Kughengu Ampeu ye aloe; Paw kikimiye ye alhokupuju acheni, eno Paw pükhükulu ye tiqheli kümtsü lo acheni.

LESHELE 138:2

I no O kimthe chineki küdau juno itsaqi no Ow iqemokeu kikimiye ngo pükhükulu ghenguno O je shikimthi cheni, kughengu Nono O je eno O tsa pesü thokha kümtsü nguno akiqheu lo qhike.

LESHELE 146:6

Pa no kungugha eno ayeghi, azüghi eno tile akeqo lhoke, Pa ye alholo pükhükulupu ke;

LESHELE 36:5

O Ampeu, Ow iqemokeu kikimiye ye kungugha kutolo, O pükhükulu ye atsütsü kuto ikuto ani.

LESHELE 40:10

Ni ye Ow xakulu pesü I mlo lo küsü püamoe; O pükhükulu eno Ow xakulu ghili I no sheshuve tsüae; ni ye ahoho kije lo Ow iqemokeu kikimiye eno pükhükulu ghili pesü küsüpe püamoe.

LESHELE 86:15

Ikemu O Ampeu, No ye kimiyekini eno küpükini Lhou, amloideni keu lo asheshi, iqemokeu kikimiye eno pükhükulu no chhitoi ke.

LESHELE 89:2

Kughengu I no pi, “Iqemokeu kikimiye ye alhokupuju shiqhe nani; kungugha lo Nono O pükhükulu pephe nani.”

LESHELE 92:2

inaqhe no Ow iqemokeu kikimiye, eno putho lono O pükhükulu asheshu,

ISAIAH 25:1

O Ampeu, No ye I Lhou; I no O süqhe eno O je sheni, kughengu Nono akümzapu kümla püzüu no kughuchho püakeu mtsüqhei eno pükhükulu shi mlatsüe.

ISAIAH 37:32

Kughengu Jerusalem ngo Zion Toghi lono ghükulumi, aküxü aghi kemi loji ipeghi nani. Aqokitikhi MPEU kupulo lono hipau shinani.

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

AKUMLO 3:23

tipaqo ye inaqhe atsütsü akithe ke; O pükhükulu ye kije ke.

MICAH 7:20

Nono khaghi no ni puasü lau piqhike toi No ye Jacob lau pükhükulupu eno Abraham lau iqemokeu kikimiye piye nani.

AKIKIHI 23:19

Alhou ye timi kumo keke Pa ye mikiveni chemo; momu Pa ye timi nu kumo keke Pa kükümsü kilini chemoe. Pa ye piqhive no shimoveni keshea? Momu Pa ye pive no shikupu moveni keshea?

MATTHEW 24:35

Atsütsü ngo ayeghi ye hauve nani, ikemu I tsa ye khilemu hauvemo nani.

John 1:17

Kughengu Ayezah ye Moses vecheo tsüke, ikemu küpükini eno kuchou ye Jisü Khristo vecheo ighi.

John 3:33

Khunono pa tsape ikhilu keno Alhou ye kuchou kepi mtsüqhei ithivae.

Rommi 8:30

Alhou no khunoqo kishe kütüta shi keno Pa no tipaqo ghi kulue; khunoqo kulu keno Pa no achipikalupe; eno khunoqo achipikalupe keno Pa no ajuküvü ghi küsaje ke.

Rommi 9:24

eno ti ye ningu khunoqo Pa no kuluve akeno, Jewmi dolo likhi kumono Jewkumomiu ghi kümtsü kihisü ani.

1 Kor. 1:9

Alhou ye pükhükulupu, Pa vecheo nongu kusawo Pa nu, ni Mpeu Jisü Khristo gholo kuposhulu peke.

1 Kor. 10:13

Timi lau ghukuju ighi chekeu nguno alau ye ghukuju kiumu nongu shou ikughi mphi. Alhou ye pükhükulupu, eno Pa ye o kumto qhemi nguno alau o ghuju pemo nani, ikemu ghukuju gholono, o pelo polupe kepu laghi tsü nani, tishikeu lono o pelo puqhelu penani.

Galatiami 1:15

Ikemu I punu mphi lono khuu no ni kishe kütüta shino paw küpükini lono I kulu keno,

ZAKINIU 7:9

Tighenguno Ampeu nongu Lhou ye Alhou kepi ithilo, khunono Pa kimiye eno Pa zakütsü peluni keno, tiqheli qhethonhe kutolo Paw puloshoqhi eno iqemokeu kikimiye piye chekeu pükhübekulu Lhou ke,

1 Thes. 2:12

Alhou khuu no Pa yekipe eno ajuküvü lo nongu kuluve akeno Pa lau ameküapu shi xü penike nino nongu hakutho eno shikumto ke.

2 Thes. 2:14

Ningu tsakiviu vecheo hipau lo nongu kulue, tishikeu lono nongu pelo ni Mpeu Jisü Khristo juküvü ithulu peniye ke.

2 Thes. 3:3

Ikemu Ampeu ye pükhükulupu ke. Pa no alhoksa lono nongu iqhi kumto eno khekuto tsü nani.

2 Tim. 1:9

kughengu Pa no ni xalu eno kulu keu ye, ni kümla ghenguno kumoe, ikemu Pa kimji eno küpükini Pa no, ado-aghuloki huthu mphi züuno, Khristo Jisü vecheo, ni tsükeu ghenguno ke,

2 Tim. 2:13

nino aküpülü küha namu Pa ye pükhükulupu ke kughengu pa ye pa ampi milive mlae.

Titus 1:2

Kuchou kighithi hi no khilemu miki chemo keu Lhou no aghuloki huthu mphi züuno piqhi keu lhokta küxü lajupu panongu tsü nani,

1 Peter 5:10

Nongu no ado kitila imeve kethiu, kikimiye küpükini kümtsü akeu Lhou, Khuu no Khristo vecheo Paw lhokta juküvü lo nongu kuluve akeno, Pa ampi no nongu pesü atho puthotsü, aküpülü iqhikumto tsü, aküka tsükithe, eno aboqha kumto lo shosü nani.

2 Peter 1:3

Alhou Khuu no Pa kimthe juküvüpu eno akighichepu lo ningu kuphelu keno, Pa kimthe küka huno aküxüpu eno Pa toilu kepu kighithi kümtsü pesü ningu tsüvae;

Piyeküsü 17:14

Panongu no Ambeti sasü aghüshi nani kemu Ambeti no pano theqhive nani, kughengu Pa ye ampemi shou Ampeu eno kükami shou Akükau, eno Pa gholo kichemi ye kuluve kemi, kishekiphemi eno pükhükulumi ke.”