1 Peter 4:10 - Sumi Naga CL (Re-edited) Bible (BSI)

¹⁰ Milakhikhi no Alhouw küpükini gho ithulu püake toi, tipaqo peitha kithimi shino lakhino lakhi huthu kilelo:

BAIBEL (BSI)

¹⁰ Milakhi khino Alhou no kupukini gho ajeli tsukeu peitha kithimi shipuzu Alhou launo kiu gho ithulu keno tipau kutami kivipu ghenguno peithalo.

Sümi Tiqhelimi Bible

¹⁰ Milakhi-khi no Alhou no küpükini ghò jeli kiu-kiu tsüpüa ghí namu jukükütsümi shi püzü Alhou lau no kiu ghò ithulu keno tipau pesü kütamiqo qe nikeu ghenguno peitha moayesae.

1 Peter 4:10 Mawu Ofanana

MATTHEW 20:28

Timi Nu thotsü huthu peniye ighike kumoe, ikemu huthu niyeke, eno timi kutomo ghenguno pa küxü pesü xakipheme shi tsüniye ighike.”

MATTHEW 24:14

Eno kungugha yekipe tsakiviu hipau pesü ayeghiqha kümtsü lo sheshu nani, tino shiye kümtsü lau thopi shi nani, tishino ashekha tsala ighi nani.

MATTHEW 24:21

Kughengu ayeghiqha hukuthu lono ishi kutolo shimphi keu eno khilemu shimoni keu aghime kitikhi ighi nani.

MATTHEW 24:45

“Tishiaye, khuu no pükhübekulu eno alokütsü qeu kea? Pa mpeu no pa pelo ado achipi lono aqemi kütami peitha eno achuqupu tsü penike akibo kulhuqhipe tsüve keu huke.

MATTHEW 25:17

Titoi ghüka 2,000 ithulu keu ghi tipaqo pesü ghüka 2,000 ala kimje luve.

MATTHEW 25:44

Tileno panongu ghi pa khochile nani, ‘Ampeu, kughou no ningu ye nono müzüthi tüghüthi akeu, momu inami shi eno aphikümsa shi akeu, momu küsükini shi eno akughuki lo akeu ithulu no o kuphu move kea?’

Mark 10:45

Kughengu Timi Nuu ghi huthu peniye ighike kumoe, ikemu huthu niyeke, eno timi kutomo ghenguno pa küxü pesü xakipheme shi tsüniye ighike.”

Luke 12:42

Ampeu no pi, “Tishi aye, pükhükulupu eno alokütsü jukükütsüu, khuu shou pa mpeu no aki lo aqemi kütami mijetsü eno ado achipi lono panoqo tsüjeve penike kuchoqhitsü keno, timi huye khuu kea?

Luke 19:13

Pa no pa qemi chighi kuno Mina lakhikhi pesü kije tsüno panongu vilo pi, ‘I no ighi moke dolo hi pesü kimje aghilo.’

Luke 8:3

Chuza nipu Joanna, Herod kibo jukükütsüu; eno Susanna ishi, tinguno alau kütami kutomo no pano u ghi lono ipeghi keu pesü panoqo kuphu tsüe.

Rommi 15:25

Ikemu itehi ni ye Jerusalem lo küpülümi lau akukuphu pewu cheni.

Rommi 15:27

Kuchou lo panongu ye tishi kelau kehu amlokiqi shi tsüni keu kümsülue. Kughengu Jewkumomi no Jewmi vecheo aghungulo kükümgha küsajelu püaghi aye, itehi Jewmi no avehupu shi akelo panongu ghi tinhemgha jeli pesü kümghatsü kepue.

1 Kor. 15:10

Ikemu I no kiu keno, ti ye Alhouw küpükini vecheo ke, eno Paw küpükini I tsükeu ye adou shivemoe. Tishike kumono apostolmi kütami nguno alau I no mlache, kuchou no I no shiluke kumono I gholo akeu Alhouw küpükini noke.

1 Kor. 3:10

Alhou no küpükini I tsükeu kiqi lono, aki kishimi shitsami toi I no aboqha qhae, eno kütami no tipau shou shipuku ani. Pütüta no kishi shipuku ani keno kutokughoi lo.

1 Kor. 4:7

Khuu no nongu ye kütami nguno paküta kepi ithulu kea? Nongu ye Alhou launo ithulu mokeu kiu ani kea? Nongu no ithulu püaghi aye, ti ye kümsagho kumo kesheno nongu ye kushiye qheza cheni kea?

2 Kor. 6:1

Pa gholo mlaküqha kemi shi nino nongu qhüiniju anike adou lono Alhouw küpükini ithulu kemi shi kevilo.

2 Kor. 9:1

Ni ye küpülümi lau mla kepu vehu pesü nongu lau yekepu kühae,

Ephesiami 3:8

Niu no küpülümi kümtsü dolo akimkheu keghi, Khristow kihikhakümla kini pesü Jewkumomi lau pikülha peniye küpükini hipau I tsü,

Ephesiami 4:11

Pa no timi khami pesü apostolmi shitsü, khami no tungkupmi, tsavipemi, Pastormi, eno shikükami shitsü,

2 Tim. 1:18

Tipa tsala lo pa pelo Ampeu launo küpükini ithulu peniu! Pa no Ephesus lo akümla kivi thokha shi keqo nono akivishi ithi ani.

Titus 1:7

Akhemi lakhi ye Alhou kibo jukükütsüu keke pa ye tukutiye küha aghi masae. Pa ye agho aghoshi moni, amloide kalo moni, momu shokümzümi, ngukangughami, ala shiniye alamine moni,

IBRIMI 6:10

Alhou ye achipiu kehu nongu no akümla eno kikimiye, Pa je lono küpülümi lau pephe püakeu eno itehi kutolo mu tishi akeu juzüvetsü nanike kumoe.

1 Peter 5:10

Nongu no ado kitila imeve kethiu, kikimiye küpükini kümtsü akeu Lhou, Khuu no Khristo vecheo Paw lhokta juküvü lo nongu kuluve akeno, Pa ampi no nongu pesü atho puthotsü, aküpülü iqhikumto tsü, aküka tsükithe, eno aboqha kumto lo shosü nani.

1 Peter 5:12

Pükhükulupu thiküzüu shi I no kihi chekeu Silvanus vecheo ni ye nongu lau shikumto eno shuphetsü ghi hi no Alhouw küpükini kuchou kepi ikhonhei shi yevae. Mtotoi hipau lo puthugho lo.