1 Peter 2:1 - Sumi Naga CL (Re-edited) Bible (BSI)

¹ Tighenguno küsakügha, pishikiqhi, kühakügha, anhekushu, eno piküptha kümtsü qhivelo.

BAIBEL (BSI)

¹ Tighenguno kusakugha kumtsu eno akimki tsa pikeu eno kuhakugha eno axekusu eno xishikile keu tsa kumtsu qhivelo.

Sümi Tiqhelimi Bible

¹ Tighenguno, nongu likhi nongu lolo axeküsü jeli ngò pishikiqhi jeli, kühakügha, anhekushu, eno pipütha keu jeli kümtsü qhivelo.

1 Peter 2:1 Mawu Ofanana

JOB 36:13

“Amlo lono Alhou ithimo kemi ye axuide acheni, Pa no panoqo ghime mu kuphu lopi ighamku chemoe.

LESHELE 32:2

Ampeu no khuno kipimi kihi tsümoni, khuno lolo pishikiqhi küha keno pa ye akümghapue.

LESHELE 34:13

Alhoksa lono nongu mili eno pishikiqhi tsapi lono nongu kichi süchile luvelo.

LESHELE 37:1

Kixikilami ghenguno o mlo kütakihi kevilo; akumou mlakemi jupe anheshu kevilo!

LESHELE 73:3

Kughengu kughou I no kixikilami küakini ithulu keno ni ye aqheküzami jumineve.

AHOLE 14:30

Iqünhei keu mlo ye aphimpi lo aküxüpu sütsü ani, ikemu anhekushu no aghi anhü pesü tsümavepe cheni.

AHOLE 24:1

Alhoksami jumine kevi eno pano gholo kulojini keu kümsü kevilo,

AHOLE 24:19

Alhoksami ghenguno o ghaide kevi eno kixikilami mine kevilo,

AHOLE 3:31

Ngukangugha shi xüche kemi jumine kevilo momu pano laghi pape kevilo,

ISAIAH 2:20

Tipani timiqo no pano sala mlakeu ghükayi ngo ameshoyi julho kümllaqo ikhipe jichukili ngo ashuqhaqo kungo-a lo peve nani,

ISAIAH 30:22

Tishino now ghükayi ngo ameshoyi no shikeu julhoqo vilo nongu no, “Chevelo” ipi shipünha nani. Nongu no tipaqo ikhipe mithekumo thime paphishi peve nani.

MATTHEW 15:7

Nongu keghilishi keqo! Isaiah no nongu ghenguno achipi shi tungkuptsa pitsü kena:

MATTHEW 23:28

Tihutoi nongu ghi ashou ye kümtsü lau amikuchomi toi, ikemu nongu lolo ye kühakügha ngo kixikila no chhitoi ani.

MATTHEW 24:51

Ampeu huno pa küghape hethapinyi nani, eno keghilishi kemi gholo qhive nani. Tilehi küqa kumlo eno ahu tsüghü bubushi nani.

MATTHEW 7:5

No kühaküghau, atüghüshi o nhethi lo asülu ikhipheve lo, tithiuno amihi ikhiphe nike nono mtsümishei ithulu nani.

Mark 12:15

Ikemu panoqow agi kini kupu lhoaye Jisü no ithi akehu pa no pi, “Kushiye I peju ani kea? Pisa muno Denarius lakhi I lau peighi lo, I no tipau juni.”

Luke 11:44

Nongu ghenguno ahae! Kughengu nongu ye amchipu küha keu kumona mihike, timiqo no ithimo no tipaqo shou no püla acheni.”

Luke 12:1

Tishi akelo, kughou timi qhethonhe piqi kumqove keu lono khami no khami nedauve keno, Jisü no atüghüshi pa khopemi vilo pi, “Phariseemiw kholaqhi, ti ye keghilishi keu, jukuto lo.

Luke 6:42

Nono o nhethi lo asülu akeu ye juzüve no kishino o thiküzüu vilo, ‘Athiküzüu, o nhethi lo asümihi akeu I no ikhipheve tsüni,’ ipi luni kea? No kühaküghau, atüghüshi o nhethi lono asülu ikhipheve lo, tishino o thiküzüu nhethi lo asümihi akeu ikhiphe lunike nono mtsümishei ithulu nani.

John 1:47

Nathanael no pa lau cheghi keu Jisü no ithulu püzü pa ghili ishi pi, “Julo, Israelmi kuchou, pa lolo pishikiqhi kühae.”

Rommi 1:29

Ikehu panongu ye achipikumo, kixikila, akughuvu, aghichikupo, lhoaye no chhitoi ani. Pano lolo anhekushu, ghikiqhi, kuqhu-kidikumo, pishikiqhi, kütami lau alhoksa shini keu likhi ke. Panongu ye timi xikishimi,

1 Kor. 14:20

Athiküzümiqo, nongu kükümsü lo itimi toi kevilo. Alhoksa loye itimi toilo ikemu akükümsü loye tekhoi lo.

1 Kor. 5:8

Tighenguno ningu kholaqhi aqau, ti ye kimthikile keu eno küsakügha kholaqhi, kumono kholaqhi sümokeu sho, ti ye tsaqütsalei keu eno kuchou, pesü tiqhetini pinini nolo.

2 Kor. 12:20

Kughengu I no ighi kelo nongu ye I no shipenishi ketoi aghi move eno ni ghi nongu no shipenishi ketoi aghi move—tishikeu lono mtomshu, anhekushu, amlo kighide, aghükha, thokügha, xikishi, aqheküza, eno kübangü keu aghive nosa keu msa ani.

Ephesiami 4:31

Kuqhumo keu, aloghu, amlo kighide, mqhumza eno thokügha jeli kümtsü nongu launo pevelo.

1 Thes. 2:3

Kughengu ningu tsape ye akumou momu mithekumo eno pishikiqhi lono kumoe,

1 Tim. 3:11

Titoi pano nipuqo ghi mtsümishei kemi shimasa, kütami pipüsa kemi shimoni, ikemu tsükhüi kemi eno thokha lo pükhükulupu shimasae.

Titus 2:3

Topu layemi ghi titoi ghushoghili lo gihuküzüpu shimasae, xikishimi momu aji qüaxemi shikepu kumoe. Panongu ye akivi pesü timi shika masa,

IBRIMI 12:1

Tighenguno, thopimi aqokitikhi kije no ningu sühope ani kehu, ningu ghi ape kimshi jeli, eno axine khikhino tsatsai ningu tsüghave cheni keno tipaqo xaqhiveni nolo, eno ningu zülo kuto tsükeu kupo kheakulu shi poni nolo.

James 1:21

Tighenguno aphikümqhüpu eno küsakügha kümtsü peve no ivünhei shi xusü püakeu tsa khikhi nongu ngulho xalu nani keno, ti ikhilulo.

James 3:14

Ikemu nongu mlo lo khumtsai keu nhekushu eno aghükha aghi aye, qheza kevilo eno kichile pesü kuchou shoqa kevilo.

James 4:11

Athiküzümiqo, lakhi no lakhi lau alhoksa pi kevilo. Athiküzümi lau alhoksa pi momu küghathabe kemi ye ayezah shou alhoksa pi ani eno ayezah shou küghathabe ani. Nono Ayezah shou küghathabe aye, no ye ayezah pelu kemi kumono küghaküthau shi auvae.

James 4:5

Ikeo Kuchoyesü lo, “Alhou ye Pa nheshu qhiyi ni lolo aghungu sütsü keu kümsükütü acheni,” ipikeu ye akiqi kühano pi küghashi cheni kea?

James 5:9

Athiküzümiqo, nongu shou küghathabe pemo nike lakhi no lakhi shou muchho kevilo; julo, Küghaküthau ye ahukikha lo puthugho ani.

1 Peter 2:16

Kuqhopheve kemi toi xülo, ikemu Alhou qemi toi xüni thono ililaive keu pepimi pe alhoksa shi kevilo.

1 Peter 2:22

Pa ye axine kiumu shipüamoe, ti ke kumono akimki tsa mu Pa kichi lo shesülu püamoe.

1 Peter 3:10

Kughengu “Khunono aküxü kimiye eno atsala kivi ithuluni shi cheni keno, pa ye alhoksa tsapi lono pa mili kütsü luve eno pishikiqhi tsa lono pa mütsü kujukhavelo;

1 Peter 4:2

tishianguno ashi phimpi xapu xüake tivilo pitipüza keu xine lono kumono Alhou pulou lono xüniye ke.

1 Peter 4:4

Hipa vehulo itehi ye nongu no panoqo gholo akumou eno ghasükümla küxü lo kuloji moveke gheno panongu ye nongu jupe akichiqhi eno nongu pipüsaqhi ani;

Piyeküsü 14:5

eno pano ye tichetighepu küha kehu pano kichi lono akimki tsapi chilumoe.