1 Kor. 6:11 - Sumi Naga CL (Re-edited) Bible (BSI)

¹¹ Nongu gholo khami ye titoi cheke. Ikemu Ampeu Jisü Khristo je lono eno ni Lhou Ghungu vecheo nongu qhuve no shikimthepe achipikalu ke.

BAIBEL (BSI)

¹¹ Nongu khamiye tipaqo shichekemi ke; ikemu Ampeu Jisu Khristo je lono eno ningu Lhou Ghungu no nongu qhukimthevae; nonguye Alhou lau akimthe shipenikeu shivae; nonguye Alhou lau achipikaluke.

Sümi Tiqhelimi Bible

¹¹ Ike nongu khami ye hitoi xüche ke. Ikemu nongu ye qhukimthevae, nongu ye shikimthevae, nongu ye Ampeu Jisü Khristo je lono eno ningu Lhou Ghungu vechewo achipikaluvae.

1 Kor. 6:11 Mawu Ofanana

LESHELE 51:2

I kipimi lono I qhukimthe tsülo, eno I xine lono shikimthe tsülo!

LESHELE 51:7

Ayilobo pesü I shikimthe tsülo, eno ni ye mithelu nani; I qhukimthe tsülo, eno ni ye mürasü nguno metsüghoive nani.

AHOLE 30:12

Khami ye pano xine no kuchhube kütsüla shi akeghi mithemighei aketoi kümsü cheni.

ISAIAH 1:16

Nongu ampi qhuve eno shikimthe lulo; I nhethe lono nongu kümla lhoksa pevelo; alhoksa kümla tavelo,

ISAIAH 45:25

Ampeu launo Jacob kughukomi kümtsü shou, achipi kepi xathabe nani eno ajuküvü ithulu nani.”

ISAIAH 53:11

Pa ngulho no ghichheghime shi akeu dolono Pa no juno aghapiqilu nani; I qeu, achipiu huno Pa lokütsü vecheo, timi kutomo pelo achipiu shilupe nani, eno Pa no tipaqo kipimi puluve tsünani.

JEREMIYA 4:14

O Jerusalem, o xalu pekepu shi o mlo lono alhoksa qhuvelo. Khitohi o lolo kixikila kükümsü pekütsü püani kea?

EZEKEL 36:25

I no nongu shou azü kimthe küzüte puku nani eno nongu ye now mithekumo kümtsü lono mqhamqhive nani, eno nongu julho kümtsü lono I no nongu shikimtheve nani.

ACHINE 14:48

“Ikemu achineu no ighi no jukelo, aki tipau lo akughumho phawo mono aghi aye, pa no mithe ani kepi shuphe tsüni, kughengu akughumho ye qhoi ikhive ake.

ACHINE 8:6

Moses no Aaron ngo pa nuli saghi no azü pesü panoqo qhukimthe.

MATTHEW 20:4

eno pa no pi, ‘Nongu ghi atsailu lo hulo, eno nongu jume kiu no achipi keno I no tsüni.’

Luke 18:14

I no nongu vilo piani, Pharisee no kumono timi hipau no achipikalu no pa kilo idewo lue. Kughengu khuu no pa ampi süqheni keno kuchunive nani, ikemu khuu no aqhokigheu shini keno pa süqhe nani.”

John 13:10

Tile Jisü no pi, “Timi khuu no azükuchhuve akeno pa pukhu likhi kumo aye kütau ye qhoi mithe anike qhu akepu kühae. Eno no ye mithe ani, ikemu nongu kümtsü no mithe anike kumoe.”

John 13:8

Peter no pa vilo pi, “No ye khilemu I pukhu qhumo nani.” Jisü no pa khochile, “I no o pukhu qhutsümo aye, no ye I gholo kuloji amoe.”

John 5:4

Kughengu ado adolo kungumi no ayizükucho lo iqi azü xukutho tsüche: azü xukuthove kethiu khukhumu atüghüshi ilolu keu ye pa no kiukiu küsü aghimu viluve che.

Apostolmi 13:39

eno khikhi Moses Yezah no kuqho phemlave keno, pa vecheo pülülu kemi kümtsü tipaqo launo kuqho phevae.

Apostolmi 22:16

Imaye no ye kiu khe ani kea? Ithu no Pa je lono baptiz shiluve no o xine qhuvelo.’

Apostolmi 26:18

panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

Rommi 3:24

ikemu Paw küpükini no kümsagho shi Khristo Jisü gholo xachilekulupu akeu vecheo achipikalu peke.

Rommi 4:5

Eno khuu no mlamo namu alhoksami pesü achipiu shitsü chekeu Lhou pülüni keno, pa küpülü ye achipikalu kepushi kihive tsü cheni,

Rommi 5:1

Tighenguno, ningu ye aküpülü lono achipikaluve akehu, ni Mpeu Jisü Khristo vecheo ningu ye Alhou sasü külashi luvae.

Rommi 5:9

Ikehu itehi ye Pa ji vecheo ningu ye achipikaluve akeke Pa ye Alhou loghu lono kishita alaushi ni xalu nani kelae!

Rommi 8:30

Alhou no khunoqo kishe kütüta shi keno Pa no tipaqo ghi kulue; khunoqo kulu keno Pa no achipikalupe; eno khunoqo achipikalupe keno Pa no ajuküvü ghi küsaje ke.

Rommi 8:33

Khuu no Alhouw kishekiphemi shou akipimi tsüluni kea? Khumu kühae, achipikalupe chekeu ye Alhou noe.

1 Kor. 1:2

Corinth lo Alhou kukuhou, Khristo Jisü launo shikimtheve kemi, aqha kümtsü lo ni Mpeu Jisü Khristo jeku chekemi gholo süküqha no küpülümi shipenike kuluve keqo lau ye ani:

1 Kor. 1:30

Pa ghenguno nongu ye Jisü Khristo lau kimepe ani, ni ghenguno Khristo ye Alhou launo ighikeu lokütsü, amikucho, shikimthekütsü, eno xachilekulu ke.

1 Kor. 12:2

Nongu no ithi anike kughou nongu no Alhou mthano ache keno kiukiu gholau nomu nongu sasü atsa pikümla julho lau wuve cheke.

Galatiami 2:16

ikeghi nino ithi akeu no timi lakhi ye Ayezah peluke lono kumono Jisü Khristo lau aküpülü akeu vecheo achipikalu cheni, ikehu Khristo lau aküpülü akeu vecheo achipikalu niye ningu no Ayezah shou kumono Khristo Jisü pülübe cheni, kughengu timi khumu Ayezah vecheo achipikalu monani.

Galatiami 3:11

Itehi ye khunomu Ayezah vecheo Alhou lau achipikalu monani pi mtsüqheivae, kughengu “Amikuchomi ye aküpülü vecheo xülu nani.”

Galatiami 3:24

Ikehu Khristo ighi mphi kutolo Ayezah no ningu ghaküsüu shiche, tishikeu lono ningu pelo aküpülü vecheo achipikalu peniye ke.

Galatiami 3:8

Kuchoyesü no azünatha ghi Alhou no Jewkumomi pelo aküpülü vecheo achipikalu penani pi ithi akehu azüu no Abraham lau atsakiviu pikülha no pi, “O vecheo shiye kümtsü kümghatsü nani.”

Ephesiami 5:26

tishianguno azü no qhuke toi pa no atsa pesü akukuhou shikimthe tsü,

Ephesiami 5:8

kughengu ghuthu lakhi lo nongu ghi aküzü lo ache, ikemu itehi ye Ampeu lau aküvü lo auve akehu aküvü nuliqo toi chechelo.

2 Thes. 2:13

Ikemu Ampeu no kimiye kichemi athiküzümiqo, ningu ye nongu ghenguno alhokuthu Alhou shikimthi masae, kughengu Aghungu no shikimthe tsü eno kuchou shou pülülu keu vecheo Alhou no nongu xalu niye amsüu xathi shi kishelue.

IBRIMI 10:22

ningu kuchou mlo xapu tsaqüi keu küpülü qhini, alhoksa lotsü lono ningu mlo shikimtheve no azü kütsüghü pesü ni phimpi qhuve püzü Alhou kupunu wuni nolo.

IBRIMI 10:29

Tishiaye, khuu no Alhou Nu nedaqoda, pa shikimthe tsükeu puloshoqhi ji shipütha, eno küpükini Ghungu thaighani keno, timi tipau ye kishi aghime alhoksa ithulu nani keno nongu ye kümsü juama?

IBRIMI 2:11

Kughengu khuu no axine shikimthe cheni eno khunoqo no mithe luve cheni keno kümtsü akuhu aghü lakhi lono ke. Tighenguno pa ye panoqo vilo athiküzümie pini keu kujo chemoe,

1 Peter 1:2

Apu Alhou kimji lono panongu kishelu keu ye Aghungu vecheo shikimthepe Jisü Khristo lau aghokulu shino Pa ji pesü qhukimthe tsüniye ke: Küpükini eno aloino keu nongu lau küghüsülu apeniu.

1 Peter 1:22

Nongu no kuchou lau aghokulu shikeu vecheo aküsami dolo kimiyekile nike nongu ampi shikimtheve akehu, amlo tsüghükhüi shino kuchou no lakhino lakhi kimiye kilelo,

1 Peter 3:21

Hipau michipu sasü kimghilu ghi pimhe chekeu ye itehi nongu xalu chekeu baptizkishi ke, ti ye aphimpi lono axine qhuqhive keu kumono Jisü Khristow xüchilekulu vecheo Alhou lau kiviküsa lokütsü kivi tsü peniye qhüiniju keu ke.

1 John 2:12

Anuliqo, ni ye nongu lau ye ani, kughengu Khristo je lono nongu xine ye qhive tsüae.

Piyeküsü 1:5

eno pükhükulupu thopiu, akithi lono xüputhu tüghüu, ayeghi lo kükami shou Yepeu, Jisü Khristo launo ighikeu pesü nongu tsü ani. Khuu no ningu kimiye cheni, eno Pa ji vecheo axine lono ningu kuqhophepe

Piyeküsü 7:14

I no pi, “Nono ithi anie, akijeu.” Pa no I vilo pi, “Hipaqo ye küsakushu kije hechesü ipeghi luve kemie. Panongu ye Ambeti ji lono panow chijeboike phi ishikimthepe metsüghoi luvae.