1 Kor. 13:4 - Sumi Naga CL (Re-edited) Bible (BSI)

⁴ Kikimiye ye kheakulu eno amlo ighiqhiyi; kikimiye ye aghichipo chemo, qhezalaki chemo; akuchhoma shichemo;

BAIBEL (BSI)

⁴ Kimiyekiniye kusuqhikulu eno amlo ighiqhiyi keuke; kimiyekiniye aghichipo chemo, qhezalaki chemo, lahilaza xuchemoe;

Sümi Tiqhelimi Bible

⁴ Kikimiye ye küsüqhikulu eno küpüqhiyi keu ke. Kikimiye ye anheshu chemo, kikimiye ye akuchhoma shichemo, kikimiye ye aqheküza shichemo.

1 Kor. 13:4 Mawu Ofanana

BOTHUBO 30:1

Kughou Rachel no Jacob nuli punu mlave keno, li no pafo ju anheshuve. Li no Jacob vilo pi, “Anuli I tsülo, tikumo aye ni ye thivenie!”

BOTHUBO 37:11

Pa mu noqo ye pa ju anheshuve, ikemu pa pu no atsa hipaqo pa mlo lo qhiluve.

NEHEMIA 9:17

Panongu no agholu move, Nono akümzapu kümla shikeqo shou amlo tsümove no panongu kütsü kughope Egypt qüaxe lo idewove nike pano sakipheu kisheve. Ikemu No ye axine qhikütsü Lhou ke; No ye küpükini eno kimiyekiniu, asheshi no amloide kicheu eno kikimiye no pofushi achekeu Lhou kehu panongu pheve moe.

LESHELE 10:5

Ala kümtsü lo pa ye ikoishelu cheni; Alhouw küghakütha ye pa launo shishe qhemghai ani; Pa no Pa ghümi kümtsü fuleve cheni.

AHOLE 10:12

Kimthi-kimxi keu no mtomshu keu xukutho cheni, ikemu kikimiye no akipimi kümtsü jonhavetsü cheni.

AHOLE 13:10

Aqheküza ye kuqhumo keu thono kiumu shimlae, ikemu alokütsü ye akükütsütsa lukemi gholo acheni.

AHOLE 17:14

Mtomshu thuve aye azü khetha püakeu poleve ake toi, tighenguno mtomshu mphi lono ti lakha luvelo.

AHOLE 17:9

Kikimiye lono xünishi chekemi ye akipimi pevetsü cheni, ikemu tipau pi-ide chekemi ye aposhumi pühave cheni.

AHOLE 19:22

Timi no laju chekeu ye iqemokeu kikimiye ke, kimkimi shi akepu ye kumlhomiu pavie.

AHOLE 31:20

Li no shonu shimono kumlhomi eno aveküsami tsü-je acheni.

AHOLE 31:26

Li no alokütsü lono atsa picheni, eno kimiyekini kükütsütsa huno li mütsü lo acheni.

YETSAPIU 10:4

Yepeu no o shou amloide aye, o-a qhive kevilo, kughengu iqünheive keu no akipimi kije qhivetsü nani.

MATTHEW 27:18

Panongu ye Jisü ju anheshu kelauno ikhiphepe tsüvae pi Pilate ye ithi ae.

Apostolmi 7:9

“Apuasüqo no Joseph ju anheshu püzü Egypt lo pa jepuwuve; ikemu Alhou no pa gholo ae,

Rommi 1:29

Ikehu panongu ye achipikumo, kixikila, akughuvu, aghichikupo, lhoaye no chhitoi ani. Pano lolo anhekushu, ghikiqhi, kuqhu-kidikumo, pishikiqhi, kütami lau alhoksa shini keu likhi ke. Panongu ye timi xikishimi,

Rommi 13:13

Ningu aküvü lo kichemi toi tsaqütsalei checheni thono ashi ghapiqi ghi shomzü moni, shupu-salha eno ghaghu-ghale shimoni, momu mtomshu eno anheshu moni nolo.

1 Kor. 3:3

kughengu nongu ye ashi lono xüaphi ke. Nongu gholo anhekushu eno mtomshu akelo ti ye ashi eno ayeghi gholau no xü aphike kumo?

1 Kor. 4:18

Khami ye I no nongu lau ighimo aküghashi kuchhoma ani.

1 Kor. 4:6

Athiküzümiqo, nongu pelo ala shipeniye I no thime hi kümtsü pesü Apollos nikujo launo kiche piyevae, tishianguno nongu no ni launo shikalu no yepüakeu nguno alau shimo nani. Tishino nongu ye milakhi pape cheni pikeu qheküza lono lakhiu phimove keu shimo nani.

1 Kor. 5:2

Ikeghi nongu ye akuchhoma shiani! Nongu ye mlo akelau kekumo? Khuu no hikithipu shipüani keno nongu gholono haphevelo.

1 Kor. 8:1

Itehi ye ajulho mllavekeu chuqupu vehulo: “ningu kümtsü no akighithi ani” ipi ningu no ithi ani. Hitoi keu kighithi ye timi pelo qhezauve chenipe, ikemu kikimiye no shiqhe pukulu cheni.

2 Kor. 12:20

Kughengu I no ighi kelo nongu ye I no shipenishi ketoi aghi move eno ni ghi nongu no shipenishi ketoi aghi move—tishikeu lono mtomshu, anhekushu, amlo kighide, aghükha, thokügha, xikishi, aqheküza, eno kübangü keu aghive nosa keu msa ani.

2 Kor. 6:6

akimthe, akighithi, kutuukulu, kimiyekini, Aghungu Kimthe, kuchou kikimiye lono

Galatiami 5:26

Ningu qhezamoni momu lakhi no lakhi xukuthomoni momu lakhino lakhi jupe anheshu moni nolo!

Ephesiami 4:2

aqhokigheu eno akümtsha, tipau gholo kutuukulu, kikimiye lono lakhino lakhi lau kheakulu shi,

Ephesiami 4:32

Lakhino lakhi lau amlo qhaqhilei eno mtshaivü lo, Alhou no Khristo vecheo nongu kipimi qhivetsü ketoi nongu lakhino lakhi kipimi qhitsü kilelo.

FILIPIAMI 1:15

Khami ye anhekushu eno kitighekile keu lono Khristo sheshu cheni, ikemu khamiu ye achipiu mlo xapu sheshu cheni.

Kolosiami 1:11

Pa juküvü kumto lono aküka kümtsü pesü nongu shikumto luno alokivi shi thokha puqhelu eno kutuulu peni;

Kolosiami 2:18

Khunomu nongu kideqhive pekevilo, panongu no alikhi ampi milive no kungumi mlla, kungunhetsü ithukulu, eno akiqi küha keu ashi lo kimne kükümsü küdau hakite sawu cheni,

Kolosiami 3:12

Tighenguno Alhouw kishekiphe, akimthe eno kimiyeqhiyi kemi akehu, kimiyekini mlo, amlo ighiqhiyi keu, akümtsha, aküghüvü, eno kutuukulu pepulo.

1 Thes. 5:14

Athiküzümiqo, nino nongu hakite ani, akipichimi lomipi lo, amlo kulotimi shikumto lo, miqemlei kemi kuphulo, panongu kümtsü lau kutuu kulu shilo.

1 Tim. 6:4

pa ye aqheküza no chhitoive no kiumu vethamlavae. Pa ye atsa ghenguno aküküpna eno kighekile nikeu no pa pulou, tishikeu lono anhekushu, küsüxa keu, thaigha keu, pülüküpsa,

2 Tim. 2:25

eno mtshaminhei pa mjochile kemi shikithe tsü masae. Ishiake Alhou no pano pelo amlo xaidelu no kuchou ithilupe nani,

2 Tim. 3:10

Ikemu no ye hipaqo lo I pape luvae: Iw shiküka, ghushoghili, I küxü kimji, I küpülü, Iw kutuukulu, I kikimiye, I no ithamo keu,

2 Tim. 4:2

ado ghuloki akivi na monamu atsa pesü sheshulo, thokha lo kutuukulu eno shiküka pesü shikithetsü, sakiyi eno shikumto tsülo.

Titus 3:3

Kughengu ghuthu lakhi lo ningu ampi ghi mbomzü, aghelumo kemi, pishikiqhimi, eno ashiaji lo kimne jeli qemi shiche, eno timi kiphikumo, anhekushu lono kütami kimthipu eno lakhi no lakhi mithi keu lono ningu do puwovae.

James 4:5

Ikeo Kuchoyesü lo, “Alhou ye Pa nheshu qhiyi ni lolo aghungu sütsü keu kümsükütü acheni,” ipikeu ye akiqi kühano pi küghashi cheni kea?

1 Peter 2:1

Tighenguno küsakügha, pishikiqhi, kühakügha, anhekushu, eno piküptha kümtsü qhivelo.

1 Peter 3:8

Ashekhashi nongu kümtsü no akükümsü lo küsükidikulu alo, amlosa küqhalo, athiküzümi toi kimiye kile lo, amlo kümtsha, eno aqhokigheu kükümsü pulo.

1 Peter 4:8

Kümtsü nguno alau, kikimiye no axine kutomo nhavetsü cheni kehu aghüiloqhiyi lakhino lakhi kimiye kilelo.

2 Peter 1:7

Alhou ithitoi keu gholo aküsami ivükile keu pesü veqalo, eno aküsami ivükile keu gholo kikimiye pesü veqalo.

1 John 4:11

Kimiye chekemiqo, Alhou no hitoi ningu kimiye püaghi aye, ningu ghi lakhino lakhi kimiye kepue.