1 Kor. 11:24 - Sumi Naga CL (Re-edited) Bible (BSI)

²⁴ eno kughou Alhou shikimthi tsü keno Pa no ti süpho eno pi, “Hi ye I phimpi, nongu ghenguno tsüve keu ke. I kümsüchilelu ghi hi shichelo.”

BAIBEL (BSI)

²⁴ eno Alhou shikimthi puzu tipau supho, eno ishipi, “Hiye iphi- mpi, nongu ghenguno tsuvekeuke. Ikumsuchilelu ghi hi shichelo!”

Sümi Tiqhelimi Bible

²⁴ eno kughou pa no Alhou shikimthi tsüve keno, tipau süpho no ishi pi, “Hiye I phimpi, nongu ghenguno tsüve keu ke; I kümsüchilelu ghi hi shichelo.”

1 Kor. 11:24 Mawu Ofanana

LESHELE 111:4

Pa no Paw akümzapu kümlaqo kümsü lupe acheni; Ampeu ye küpükini eno kimiyekini ke.

LESHELE 22:26

Aghime kitikhi lo akemi no chulu nani eno aghapiqilu nani; khunono Pa phucheni keno pano no Ampeu sheqhe nani! Nongu mlo alholo xü apeniu!

LESHELE 22:29

Ayeghi lo kinimi kümtsü no chusho no mllae; ayeghimkhu shive kemi kümtsü, pa ampi püxü mlave kemi ghi Pa zülo itsaqi nani.

IPEKULU 12:14

“Hipa tsala ye nongu ghenguno kümsümamo keu tsala lakhi shi nani, eno Ampeu lau tiqhetini lakhi shi nongu no hipau pechelo, tiqheli kümtsü lo ayezah lakhi shi nongu no hipau tiqhetini peni.

IPEKULU 28:12

Eno Israel nuliqo kümsükulu shi atu tiküma pesü abighi lo xipu keu ephod phi shou qhilo. Aaron no Ampeu zülo panoqo je kümsükulu shi pa bighi hula hila xapuni.

AHOLE 9:5

“Ighilo, I no kuto püakeu libe chu eno I tsaizü sholo.

ALE KIMCHI 1:4

I sasü o gholo wuvelo; nikujo mtazü wuvenie. Akükau no I sasü pa chebo lo wue. Ningu no o gholono shishe alovi küqhani; ningu no atsaizü nguno alau o kikimiye lo alovini; ilimiqo no o kimiye chekeu ye achipiloe.

ALE KIMCHI 5:1

I chepu, Iw külaliu, ni ye I ghutu lo ighivae, jumghaikeu mukhu ngo müsüghüta pekütsüvae, akhi kütsü gholono akhingozü chuvae, atsaizü ngo akichhizü yevae. Aküsamiqo, chusho lo eno kikimiye shomzü alo!

ISAIAH 25:6

Aqokitikhi MPEU no naghuto hipau lono ashiaye kümtsü sala kinikülü chuqupu atsaizü akiviu ghulhu kutotsü nani.

ISAIAH 26:8

O Ampeu, Ow küghakütha laghi lono nino O laju khe ani; O je eno O kümsüchilelu keu no ni ngulho no mine chekeu ke.

MATTHEW 26:13

Kuchou no I no nongu vilo piani, ayeghiqha kümtsü lo khile khilemu hipa tsakiviu pikülha wu kelo, li kümsüchile lughi li no kiu shive akeno tighi piche nani.”

1 Kor. 11:23

Kughengu I no kiu Ampeu launo ithulu keno nongu lau ghi pikülha tsü, ike Ampeu Jisü pesü thechuveke ji Pa no asho ikhilu,

1 Kor. 11:25

Tipaphi lono aghulhu thiu Pa no ajukhu ikhilu no pi, “Ajukhu hipau ye I ji pesü puloshoqhi kithe shikeue. Nongu no hi shoke kümtsü lo I kümsüchilelu ghi hi shilo.”

JOSHUA 4:7

nongu no panongu vilo Ampeu Puloshoqhi Bohu zülo, kishi Jordan ghoki no qowu move keno pilo. Kughou ti huno Jordan ghoki katha keno, Jordan züghi no kotha kütüta shive. Tighenguno atu hipaqo no alholo kümsüchile kepu michike.”