1 Kor. 1:20 - Sumi Naga CL (Re-edited) Bible (BSI)

²⁰ Alokütsüu khile ani kea? Ayezah shikükau khile ani kea? Hipa tiqheli lo kighekithiu khile ani kea? Alhou no ayeghi lo lokütsü pesü mbomzü shivetsü ake kumo?

BAIBEL (BSI)

²⁰ Tishiaye asuqekithiu khile ani kya? Momu akighithiu khile ani kya? Momu hipa yeghilomi gholo kighe kithiu khile ani kya? Alhou no hipa yeghilomi suqekighithi pesu mbomzu shivetsuke kumo kesha?

Sümi Tiqhelimi Bible

²⁰ Alokütsüu ye khile ani kea? Ayeza kükütsüu ye khile ani kea? Hipau tiqheliw phukuthomiqo ye khile ani kea? Alhou no ayeghilomi lokütsü pesü nikhanigha shive tsüke kumo keshea?

1 Kor. 1:20 Mawu Ofanana

SAMUEL AKINIU 15:31

David vilo ishi pi, “Ahithophel ye Absalom sasü küsüqe akemi gholo anie.” David no pi, “O Ampeu, kimiyeno Ahithophel mijekütsü ye mbomzü shive pelo.”

SAMUEL AKINIU 16:23

Tipa ghuloki lo Ahithophel no akükümsü tsükeu ye Alhou tsa kighini kileju aketoi kihi che; ikehu David eno Absalom ghi Ahithophel kükümsü kümtsü gihu cheke.

SAMUEL AKINIU 17:14

Ikelo Absalom eno Israelmi kümtsü no pi, “Arkhimi Hushai kükümsü no Ahithophel kükümsü nguno akiviu shi ani.” Kughengu Ampeu no Ahithophel kükümsü kivi theqhive peniye kughuve ke, tishianguno Ampeu no Absalom shou aghimepu süghi niye ke.

SAMUEL AKINIU 17:23

Kughou Ahithophel no pa kükümsü lumokeu ithive keno, pa no paw khurha lo ikuve no pa ghüna lo wove. Pa no pa ki hekütsüve no pa likhi pa tshüqhi pithive, eno pa ye papu kumoki lo shiqhove.

JOB 12:17

Pa no yepemi küka liluve no aphikümsa shivetsü cheni, küghaküthami pesü mbomzümi kughulhove tsü cheni.

JOB 12:20

Timi no pükhübe chekemi tsapi ghasüve cheni eno layemiw kimchikulupu kighithi luvetsü cheni.

JOB 12:24

Pa no ayeghi lo atomiqo launo vethakulu luve tsüno jedou-a lo ameküküha ghütsü shiuve chenipe.

ISAIAH 33:18

Nongu shithüghüive chekeu nongu no kümsüchilelu nani: “Sükusho süqha kihi eno huju chekeu eno aqoghe kikihiu ye khile ani akea?”

ISAIAH 44:25

I no kimkimi sakiqhi vehu shipüsave tsü cheni eno tumumi pesü mbomzümi shivetsü cheni, I no alokütsümi tuchile cheni eno pano kighithi pesü mbomzü shivetsü cheni.

ISAIAH 53:1

Ni launo chilu keu khuu no pülü kea? Eno Alhou u khuu piye kea?

JEREMIYA 10:7

O shiyeqo Kükau, khuu no O msa moni kea? agigihu ye O tsüküzüe; shiyeqo gholo alokütsümi dolo eno pano kükaqha kümtsü lo O toike khumu kühae.

MATTHEW 13:22

Asahuli lo vesülu keu piti ye Atsa chiluve keu timi, ikemu ayeghi lo küxü no azüküvü shiuve, eno küakini kimne no pishiqhipe Atsa hu ghüsüve, eno ti ye athi pithi move.

John 12:31

Itehi ye hipa yeghiqha shou küghakütha ghulokiae, itehi ye hipa yeghiqha yepeu haphe kepu ghulokiae.

Apostolmi 17:18

Epicurus eno Stoic kükütsü papemi khami ghi pa sasü küptsae. Khami no pi, “Tsathipa hipau ye kiu pinishi ani kea?” Khamiu ye ishi pi, “Pa ye inami lhou ghili pianie mthae” —kughengu pa ye Jisü eno xüchilekulu ghili kütsü ae.

Rommi 1:20

Kughengu ayeghiqha lhoke lono Alhouw ithukümla lho, ti ye Paw lhokta küka eno akimthe lhoaye, huye pulhosü keu thimeqo lono mtsümishei ithikuthulu ighivae. Ikehu panongu ye ajeku kiumu kühavae.

Rommi 1:22

Alokütsümie pi pükha ghi panongu ye mbomzümi ilhouve,

1 Kor. 1:19

Kughengu ishi yepüani: “I no alokütsümi lokütsü shipühave tsü nani, eno vethakulumiw vethakulu kütsave tsü nani.”

1 Kor. 1:26

Athiküzümiqo, nongu kulu keu kümsükuto julo. Ayeghi lo küxü gholau ye nongu gholo kutomo no alokütsümi kumo, ghüsükulumi kumo, momu ghenimi kumoe.

1 Kor. 1:27

Ikemu alokütsümi shikujo niye Alhou no ayeghi lo kiu no mbomzü keno ti kishelu; eno akumtomi shikujo niye Alhou no ayeghi lo kiu no miqemlei keno ti kishelue.

1 Kor. 1:28

Ayeghi lo akhotopu thimeqo pesü avehu kühave tsüniye Alhou no chuninhei eno jukünatha kemi, eno avehu kühakeu thimeqo kishelu,

1 Kor. 11:32

Tishimu kughou Ampeu no ningu shou küghathabeni keno, ti ye ningu shikümzü ani, tishianguno ningu ye ayeghiqha gholono kileqhive pemo niye ke.

1 Kor. 2:6

Tishimu aküpülü lo tekhoive kemi lau nino alokütsü tsa pesü picheni, ti ye hipa yeghi lo lokütsü momu yepemi hauveni keqo lokütsü kumoe.

1 Kor. 2:8

Hipa yeghi lo yepemi khumu hi vethamlae, kughengu panongu no ithike aye ajuküvüpu Mpeu yeda moni cheke.

1 Kor. 3:18

Timi khumu alikhi ampi pishiqhi kevilo. Nongu gholo khuana no pa ye hipa yeghi lo alokütsümi kepi aghi aye, pa ye alokütsümi shinike ghenguno mbomzümi shive masae.

1 Kor. 3:19

Kughengu Alhou züloye hipa yeghi lo lokütsü ye mbomzüe. Kughengu ishi yepüani, “Pa no alokütsümi pano mqükini lono meluve cheni,”

1 Kor. 6:2

Ikeo Alhou küpülümi no ayeghiqha shou küghathabe nanie pi nongu ye mtha kea? Eno nongu no ayeghiqha shou küghathabe nani pi aye, nongu ye tachutaghu vehuqo ghi küghatha mlave nani keshea?

James 4:4

Nongu pükhükümla timiqo! Ayeghi sasü ashou shiche kemi ye Alhou ghümie pi nongu ye mtha keshea? Tighenguno khuu no ayeghi sasü ashou shinishi keno pa ye pa pesü Alhou ghümi shi ani.