1 John 5:4 - Sumi Naga CL (Re-edited) Bible (BSI)

⁴ Kughengu Alhou nuli shive kemi no ayeghi theqhilu cheni. Eno ni küpülü huno ayeghi shou tolu cheni.

BAIBEL (BSI)

⁴ kughengu Alhou tianuli shiluvekemiye ayeghi theqhilu cheni. Ningu kupulu pesu ayeghi shou theqhilu cheni.

Sümi Tiqhelimi Bible

⁴ kughengu Alhou lau no punúve kemi kümtsü ayeghiqha theqhilu cheni. Ningu küpülü vechewo ayeghiqha shou theqhikulu shilu keu ghí tokulu hipau ke.

1 John 5:4 Mawu Ofanana

John 1:13

ti ye ashi lono punu keu momu timi pulou lono kumoe, ikemu Alhou launo ke.

John 16:33

I no nongu vilo hipau pikeu ye I lau kimepe akeu lono nongu ye aloino apeniye ke. Ayeghi lo nongu ye aghime kitikhi sholu nani, ikemu amlo mtolo; ni ye ayeghiqha theqhi luvae.”

John 3:3

Jisü no pa khochile, “Kuchou no I no o vilo piani, timi lakhi no punu kithemo keloye Alhou yekipe ithumlae.”

1 Kor. 15:57

Ikemu Alhou khuu no ni Mpeu Jisü Khristo vecheo tokulu ningu tsü keno Pa shikimthi.

1 John 2:29

Tsala nongu no Khristo ye amikucho kepi ithi aghi aye, achipiu-mikucho pesü xüche kemi kümtsü Alhou nuli kepi nongu no thebeilu nani.

1 John 3:9

Alhou nuli shiluve kemi khunomu axine kümla shiuve chemoe; kughengu Alhou lhoaye ye pa lolo ani, eno pa ye Alhou nuli shiluve akehu axine shiauve mlae.

1 John 4:4

Atianuliqo, nongu ye Alhou laumi eno kichile tungkupmi theqhi luvae, kughengu nongu lolo Khuu ani keno Pa no ayeghi lo akeu nguno akijeu ke.

1 John 5:1

Khunono Jisü ye Messiah kepi pülü cheni keno pa ye Alhou nuli, eno khunono Apu kimiye cheni keno Alhou nuli shiluve kemi kütami ghi kimiye cheni.

1 John 5:18

Ningu no ithi anike Alhou nuli shiluve kemi kümtsü no axine shiauve chemo, ikemu Alhou launo ighi keu huno pa süsho acheni, eno alhoksau ye pa bulu chemoe.

1 John 5:5

Jisü ye Alhou Nu kepi pülü chekemi nguno kütami khuu no ayeghi theqhilu nani kea?

Piyeküsü 12:11

Ni thiküzü chelimi no pa shou tolukeu ye Ambeti ji eno pano küxü shepe tsa lono ke; kughengu panongu ye akithi kutolo mu pano küxü küpümo ke.

Piyeküsü 15:2

Eno ayina züghi ipi kepu toikeu lo ami bubushi iqü akeu I no ithulu, eno khunono tüghashi eno pa julho ngo pa je kikihi theqhilu keno pano u lo Alhouw küghaküsü lebo pesü ayina züghi mkülo puthugho aghi.

Piyeküsü 2:11

Khuu no akini ani keno Aghungu no akukuhouqo lau piakeu chilulo. Khuu no theqhi luni keno pa ye akiniu kithi huno ghüzamla nani.’

Piyeküsü 2:17

Khuu no akini ani keno Aghungu no akukuhouqo lau piakeu chilulo. Khuu no theqhi luni keno I no küsü püakeu manna hami tsüni, eno atu kimiye lo aje kithe yepuku pe pa tsüni, ti ye khuu no ithuluni keno pa no kumo aye khunomu ti ithimo nani.’

Piyeküsü 2:26

Khuu no theqhilu no ashekha kutolo I kümla shini keno, pa pelo shiyeqo shou ayepe penike I no kükagha tsü nani,

Piyeküsü 2:7

Khuu no akini ani keno Aghungu no akukuhouqo lau piakeu chilulo. Khuu no theqhi luni keno Alhou ghutu lo aküxüpu sübo akeu xathi chulu penike I no puloza tsüni.’

Piyeküsü 3:12

Khuu no theqhi luni keno, I no pa pesü I Lhou chineki lo atsükucho lakhi shitsüni. Pa ye khilemu tipau lono ipevemo nani, eno I no pa shou I Lhou je eno I Lhou phughi Jerusalem kitheu khikhi kungugha lo I Lhou launo iqighi keno, tipau je eno I je kithe, ishi yepuku nani.

Piyeküsü 3:21

Ni ghi theqhilu no I Pu kükalakhü lo Pa sasü iqa ketoi, khuu no theqhi luni keno, I no pa sasü I kükalakhü lo iqani ke puloza tsü nani.

Piyeküsü 3:5

Khuu no theqhi luni keno hitoi aphimini kimiye pepipe nani, eno Ni ye khilemu aküxüpu kaku lono pa je nuxave tsümo nani. I no I Pu eno Paw kungumi zülono pa je piphetsü nani.