ZEKHARIA 13:1 - BAIBEL (BSI)

¹ “Tipa tsalalo David polo kughukomi ngo Jerusalem lo kughuna akemi axine ngo ajulho mllakeu qhukimtheve tsunike ghenguno azupuki lakhi khaqhitsu nani,” ipi Aqokitikhi MPEU no pike.

Sumi Naga CL (Re-edited) Bible (BSI)

¹ “Tipa tsala lo David laghami eno Jerusalem lo küami xine eno mithekumo qhukimthe tsünike ghenguno azüpuki lakhi ipeghi nani.

ZEKHARIA 13:1 Mawu Ofanana

LESHELE 51:2

Ilhoksakugha kumtsu qhukimthe vetsulo eno ixine lono ishikimthe vetsulo!

LESHELE 51:7

Ixine peivetsulo, niye mithelu nani; iqhuvetsulo, niye murasu nguno metsughoive nani.

ISAIAH 12:3

Azu kuxuno tughuthi akemi lo vepiqitsuke toi, Alhou wu timiqono alovike pano panoqo xalukelo.”

ISAIAH 4:4

Pa kuka kumto launo AMPEU no tipa shiayeh shou kughatha eno thakimtheni eno Jerusalem no kuqukeu ngo tilehi ajih kichijivekeu qhuvetsu nani.

JEREMIYA 17:13

AMPEU, noye Israil wu lajupuke; Oqhivekemi kumtsu kujo mzavepe nani. Ayeghi mukhulo aje yepuku puakeu toi panonguye hauve nani, kughengu panonguno no, AMPEU, akuxu zupuki qhiveke.”

JEREMIYA 2:13

kughengu iwu timiqono axine kini shivae: panonguye ni azu kuxu zupuki launo tsughusu chevae, eno panonguno atu tughuko chhu ani, ipovekeu tughuko loye azu mighepe puamla nanike.”

JEREMIYA 29:26

“AMPEU no Jehoiada zuqhulo opelo achineu shipeke! itehi noye Achinekilo kijemi atou shianike. Okumlapu sajeye kughuzumi khijeno tungkupmi lakhi kepi amuqukini tsa pini keno tipaqoye ayikichhe pesu tshu puzu pa kuolo ayikuo kukha pipe kepuke.

JEREMIYA 33:8

Panonguno ishou axine shikeu ino panoqo qhu kimthetsu nani, ino panoqo xine ngo panonguno hebidekeu peivetsu nani.

EZEKEL 36:17

“Thinikuau timio, Israilmi pano ghakhulo kughuna achekelo, panono xuchekeu ghola eno mla ithakeu pesu tipau shipixiveke. Niye panoqo wu ghusho ghili pesu akhuayelo mithemokeu shi kihicheke tiye totimino aqhi aqhilo aji pochekeu toike.

EZEKEL 36:25

Ino nongu shou azu kutsughu kuzutepuku nani eno nowu asu-atu julhoqo launo eno thwokha jelino nongu kitiqevekeqo launo nongu shikimthetsu nani.

EZEKEL 36:29

Nongu kitiqeve chekeu jeli thwokha launo ino nongu xalu nani. Ino athi jeli pelo kupukuno shilu penike ahza tsu nani tishianguno nonguye puqumiye kithemo nani.

EZEKEL 47:1

Timi huno isachile sasu Achineki ikulolalo wu. Ikulola qholono azu qoipeghi ae eno kipela kudau qowu ake, Achinekino juakeu kudau qowu ake. Tiye achineki apeu aqhou kudauno akipti-a jibo apeu hechesu qoiqi ake.

ACHINE 11:36

ikemu kiu kiu mithekumo lhoxu kithi kumo no azupuki momu azu tughuko dilu namu tiye mithe anani.

MICAH 5:12

Nonguno peitha chekeu kuduuqo ino kutsavetsu nani eno nonguye ighinikeu ghili asaqhitsukemi kuhave nani.

ZEKHARIA 12:14

Akibo kumtsulo tishi qa nani. Pututa shelo pututa kibolo mlo qawo nani eno pututa kibolo kiptimi totimi kututashi mlo qawo nani.”

ZEKHARIA 12:3

Ikemu tipa tsalanilo ashiayehqo ghenguno ino Jerusalem pesu atuqu kimishi lakhi toi shitsu nani. Ashiayeh khuuno tipau peqheju niye pukaputsani keno pano likhi pano ghuzave nani. Ayeghiqhalo ashiayeh kumtsu kuqhano li lenike ighi nani.

John 1:29

Tishiwo thoghiu Jisu no Johan lau cheghikeu pano ithulu puzu pi, “Julo, Alhou wu Bheriti, ayeghiqha xine ikhipewukeu hi chenie!

John 5:4

kughengu khani khani lono Ampeu wu kungumino ti ayizukucholo ilono azu xukutho che. Azu xukuthove kethiu kusukinimi khuu paghino tile ilolu nikeno pano kiu kiu kusu aghinamu viluveche.)

1 Kor. 6:11

Nongu khamiye tipaqo shichekemi ke; ikemu Ampeu Jisu Khristo je lono eno ningu Lhou Ghungu no nongu qhukimthevae; nonguye Alhou lau akimthe shipenikeu shivae; nonguye Alhou lau achipikaluke.

1 Peter 1:19

ikemu bheri tukutiye kuhakeu jih toikeu Khristo jih amekusho pesu nongu xapheluke.

1 John 1:7

Ikemu pano akuvulo ake toi ninguno akuvulo checheni aye, ninguye lakhino lakhi sasu kuposhulu ani eno PaNu Jisu jino axine kumtsu launo ningu shikimthe tsu ani.

1 John 5:6

Jisu Khristo ye azu ngo ahji lono ighikeuke, azulo likhino kumoe ikemu azu ngo ahji kini kujo lono ke. Hiye Aghungu no kuchou kepi ashepe shiani, kughengu Aghungu ye kuchouke.