ZEKHARIA 10:8 - BAIBEL (BSI)

⁸ “Ino iwu timiqo ku-kumqo sawo kumtsa qhi nani. Ino panoqo xaphe sawo puzuu panonguye kiutoi kumzapu keno titoi shitsu nani.

Sumi Naga CL (Re-edited) Bible (BSI)

⁸ “I no miji panongu kuno hekütsü nani, kughengu I no panongu qhüchile luvae, eno panongu ye püzüu qhemi kutomo shive nani.

ZEKHARIA 10:8 Mawu Ofanana

KUKAMI ATUGHIU 4:20

Juda eno Israil yeghiqhalo timiqono azughi mukulo asaye toi ikowove; panonguno chu-sho luno ighono alokivi shilu.

IPEKULU 1:7

ikemu panoqo lagha kughukomi Israilmiye ati anuli kutomo shive eno kihikhamla kepu shive eno akumto shiuve kehu Ijip ye panoqono nhakhaluve.

ISAIAH 44:22

Khungkusu toi ino oxine jolevetsu nani. Ilau ideghilo; oxaluchekeu huye nike.”

ISAIAH 48:20

Babilon lono ipevelo, khaqhiphe pesu wuvelo! Alokivishi asutsa kithe pesu asheshulo; aqha kumtsu tipau ithipelo: “AMPEU no pa qeu Israil xaluveake!”

ISAIAH 5:26

AMPEU no ashiayeh putou akeu lakhi lau ku-kutughu keu michi tsu nani. Pano ayeghi shekha lono ighipe nike miji ku nani, eno panoqono paikhavino ighive nani!

ISAIAH 51:11

Nono khunoqo lekholuvea keno tipaqono alokivishi Jerusalem tolu nani, alokivi launo ighamuku alephesu tonani. Panonguye alhokupuju alokivishi nani, pulhapuju ghenguno amlo kusa eno amlo ghime lono kuqho pheve nani.

ISAIAH 7:18

“Tipa tsalanino, AMPEU no kutughukeu shighi miji kunani, tiye Ijip lo aghokiqo kudauno Ijipmino amthuno taighikeshi ighipeniyeke eno Asiriyami pelo akhi taighi keshi pano yeghi kudauno ighi peniyeke.

ISAIAH 7:19

Panonguno atu khilalo eno atu kilo ta-iqhoiqi nani eno asahu pho eno atsuni akeu kumtsulo ngoluve nani.

JEREMIYA 33:22

Ino iqeu David laghami ngo Levi lagha gholo achinemi alau ikowolupe nani, tishikehu atsutsulo ayepuqo kihikhamlake toi momu azughi mukulo asaye lothi kihi khamlake toi panoqo kihikhamla nani.”

HOSIYA 1:10

Israil lo akemiqoye azughilo asaye paphi shive nani, panoqoye kihikhamla eno mighiwo tomla kepu shive nani. Itehiye Alhou no panoqo vilo, “Nonguye iwu timi kumoe.” ipike, ikemu pano panoqo vilo ishi pinikeu tsala wocheni, “Nonguye akuxupu Lhou nuliqoke!” ipi pi nani.

MICAH 2:12

“Ikemu Israil lo akemiqo nongu khije ghupe puaghi nikeno tipaqo kumtsu ino hekutsu kumqo nani bherino bokuthabo lo ideighi keshi ino nongu hekutsu kumqo saghi nani. Aluzaqalo bheri chhitoi akeshi noyeghiye itaghi timi kumzapuno chhitoi kitheve nani.”

ZEKHARIA 9:11

AMPEU no pi, “Ino nongu sasu puloshoqhi shikeulo aghashi keu ji pesu mekha puanike ghenguno, Niye nowu timi akughushi akeu lono qhaqhipheni, azu kuhakeu qokuchhu lono khaqhipheni.

MATTHEW 11:28

“Nongu akhokimshi xapu lhovekemiqo kumtsu ilau ighilo, ino nongu kulho qhitsu nike.

Piyeküsü 22:17

Aghungu eno kulaliuno piani, “Ighilo!” Khunono “Ighilo” ipikeu sutsa chilu keno tipaqo pelo ighi pelo. Khunono tughuthi anikeno ighilo, khunono lunishi ani keno akuxupuzu kumsagho shighi ikhilulo.

Piyeküsü 7:9

Hipathiu ino jukeloye khunomu kihikhamla kepushi timi aqokitikhi tile aghi. Panonguye timi ajeli kututa, ashiayeh kututa, aju kututa, atsa kututa lono ighikemi eno panonguye akimiye phimini pepu eno panongu ulo aghumhibo loka pepuzu akuka lakhulo eno Bheriti zulo puthugho.