ZEFANIA 3:5 - BAIBEL (BSI)

⁵ Ikemu AMPEU ye aphughilo aphike; paye kiuno achipi keno tipau shicheni eno achipi kumou khilemu shichemoe. Ina atsu-tsu pawu timiqo lau pano kuchou xakutha sughi cheni. Tishi keghi tilehi achipi kumomino akumou shi acheni eno kujochemoe.

Sumi Naga CL (Re-edited) Bible (BSI)

⁵ Ampeu ye li lau achipikumo shimono achipiu mikucho shike; ina atsütsü Pa ye tamono Pa chipiu xakütha pephe piye cheni; ikemu achipikumomi ye akukujo ghi ithi chemoe.

ZEFANIA 3:5 Mawu Ofanana

BOTHUBO 18:25

Tikithipu shinikeu tiye olauno putosu ape kepue: amikuchomi pesu alhoksami paphi shikeuye olauno putosu apekepue. Ayeghi kumtsu shou kughakuthauye achipiu shimoni kesha?”

JOB 34:10

Tighenguno nongu amlo kutsumi, itsa chilulo! Alhou ye khilemu alhoksa kumoe, Tuchomujokuluu ye khilemu kuquni chemoe!

JOB 7:18

Nono inaqhe atsu-tsu pa xuju acheni eno atuqhudo atsu-tsu pa peju acheni.

JOB 8:3

Alhou ye achipiu suchighini kesha? Momu Tuchomujokuluu ye amikucho suchighini kesha?

LESHELE 145:17

AMPEU ye pano mla ithakeu kumtsulo amikuchoe, pa kumla kumtsulo kupuqhiyikeu ani.

LESHELE 37:6

Noye amikucho kepi pano akuvu toi sughitsu nani, pano achipiu shipuvu pe puchomugho toivetsu nani.

LESHELE 92:15

Hipauno AMPEU ye achipiu kepi piye ani eno isushokuluu gholoye akipimi kuhake.

ISAIAH 12:6

Zion lo kughunakuami kumtsuno ighu iqha eno alephelo! Israilmi Lhou akimtheuye kijeke, eno paye pawu timi gholo acheni.”

ISAIAH 28:19

Tipauno anguno anguno, ina-atsutsu nongu ghaqhi nani eno nonguye putho pucho tipau puqhe amasa nani. Alhou launo asutsa kithe ighikeulo akuighupu akithe sughi nani!

ISAIAH 33:2

AMPEU, nikimiyekutu tsulo. Nino oshou pulube anike. Tsalakipe tsulo nisusholo eno shiluksa ghulokilo nixalu tsulo.

ISAIAH 45:21

Ighilo eno kughakutha alo nongu wu atsa kukughapu pesu ighilo; angulami dolono atsa kighinikile jupelo. Kiu shive nani keno khuuno khaghino asheazu shi pikya? Tiye ni, AMPEU timi xaluchekeu Lhou no kutau lhou kuhake ipike kumo kesha?”

ISAIAH 50:4

AMPEU Alhou no kiu pikepu keno ishikapiyevae, ikehu ino kulho kughomi shikumtolu nani. Inaqhe atsu-tsu pano kiu ishika piyeni keno azukini shi iniche nipe.

JEREMIYA 21:12

“Ni, AMPEU no piakeu inilo. Tsala kipetsulo kuchou xakutha shitsunikeu shilo. Timi khuno pishiqhiluve puzu itaghi qoda qhi pesu anikeno pishiqhiluve keu timi ulono pa susholuve tsulo. Nonguno tipau shimo aye, nonguno alhoksa shikeu huno ami pinhemlakeu toi iloghu kighide iqu auvepe nani.

JEREMIYA 3:3

Tighenguno tsutsughu suchileluvae eno ghixu tsutsughu ighimovae. Ikeghi nonguye kusalhami lakhi ju kimihike; nonguye akukujo kuhamitheke.”

JEREMIYA 6:15

Panonguno aphi kumqhupu hikithipu shikeu ghenguno panonguye kujo cheni kesha? Moe, panonguye kiumu kujo chemoe panonguye kujoke yeh ghi mthake. Ikehu kutamino ikiqiveke toi panongu ghi ikiqive nani. Ino panongu ghimeqhi aye tino panoqo shekha shive nani. Ni, AMPEU no piveake.”

JEREMIYA 8:12

Iwu timiqo, nonguno aphikumqhupu hikithipu shikeu ghenguno nonguye kujoju akema? Moe, nonguye khilemu kujo chemoke: nonguye kujoke yeh ghi mthake! Tighenguno kutami veqhiveke toi nongu ghi veqhive nani; kughono ino nongu ghimeqhi nikeno tipauno nongu puhave nani. Ni, AMPEU no piqhiveake.”

AKUMLO 3:23

Tiye inaqhe toi anile shi ani, tsukinhe ipekighi toi mutsuqheike.

EZEKEL 18:25

“Ikemu nonguno ishi pie, ‘AMPEU no kiu shikeno tiye achipi kumoe!’ Nongu Israilmiqo, itsa inilo. Nonguye ino mla ithakeu gholaye achipi kumo kepi kumsu cheni. Nonguno shichekeu gholau no achipi kumouke.

EZEKEL 48:35

Aphughi puwupuakeu atupikiye ako bidi kujolo akushu lau khitohi keno pekuqhaju keulo tiye miter 9,000 ke. Hinguno hilau aphughi tipau jeye “AMPEU ye hile ani!”

HOSIYA 14:9

Khunoqono alokutsumi keno tipaqo pelo hile kiu yepuani keno vethalulo eno amlolo supululo. AMPEU laghiye achipike eno achipi lono xuchekemiye tipau papeghi xucheni ikemu axinemiye kupuxa pesu veqhi cheni kughengu panoqono tipau phimo gihumoke.

HOSIYA 6:5

Tighenguno ino iwu tungkupmi lau kughathabe keu ngo kutsakungo keu pesu puwu nani. Ino nongu launo lunishi akeuye mutsumishei hike:

MICAH 3:11

Aphughilo ayehkipemiqono ayeh peithakeuye kulugho tsupeniyeke, achinemiqono ajume tsu anguno Ayezah lhekidepiyeke, tungkupmino pisa tsu anguno pano lau piyesukeu pitsu chenike eno panoqo kumtsu AMPEU ye panoqo gholo acheni kepi piacheni. “AMPEU ye nigholo anike kiumu shipusa kepu nilau ighimo nanike,” ipi panonguno picheni.

MICAH 7:9

Nino AMPEU shou axine shiveke itehiye ado ikhonheyi ghenguno pa loghu pumoaye sake. Ikemu ashekhaloye pano nisusho nani eno nishou akumou shikeu kumtsu shikumzu nani.

HABAKUK 1:3

Kushiye noye ipelo shiluksa eno akupuna ithulupe kya? Noye kishi puzu akumoushi akeu jupukulu acheni kya? Shikupsa eno heqhi buqhikeuno isuhope ani eno aqha kumtsulo kichighi kukuo eno mutokeu anie.

ZEFANIA 2:1

Akukujo kuhakeu shiayeh, nongu kukumsu achipiulo ighi lulo,

ZEFANIA 3:13

Israil lo khunoqono puxupe puaghini keno tipaqoye khulaumu akumou shimo nani, mikimo nani, pishiqhi keu tsa pimo nani. Panonguye kinikulu shi nani eno sushokulu anani, khuumu musakepu kuha nani.”

ZEFANIA 3:15

AMPEU no nono aghimeshi akeu kishekhave tsuae; oghumi kumtsu pano ikhive tsuake. AMPEU, Israil lo Akukauye ogholo ani; itehiye musa akepu akiqi kuhake.

ZEFANIA 3:17

AMPEU oLhou ye ogholo ani; pa kukano tokulu otsuke. AMPEU no oshou azukuvu shi nani, eno pa kikimiye lono pano akuxu kithe otsu nani. Pano ojupe alephe alokivi shive nani, timino tiqhetini tsalalo alovi akeshi nani.”

ZEKHARIA 2:5

AMPEU ampino piqhive keuno aphughi tipau sushope ngo nike pa ampino ami liwo kuptu lakhi shini cheni eno pa kimthe jukuvu lono tilehi pano ngonikeu shiani.”

ZEKHARIA 9:9

Shishe alovilo, Zion limiqo! Alokivi launo ighalo, Jerusalem limiqo! Julo, nongu kukau nongu lau cheni! Paye ajekipi eno tokulu shi ghi cheni, paye aqhokigheu shi eno gadaha shou ikuno cheni, gadahatsu shouno cheni.

Luke 12:2

Nhape puakeu kumtsu lhapheve nani eno kusu puakeu kumtsu ithive nani.

Rommi 2:5

Ikemu noye amlo kumka likhi thono amlo-ighikeu kuhae.Ike Alhou ghakighide eno Pano achipi lono kughatsukeu pephepiye nike tsalalo noye olikhi oghengu aghime kitikhi ithulu kepu pekike auvae.

Rommi 3:26

ikemu itodoloye pano timi xine ikhivetsu akeuye, paye achipie pinikehu eno Jisu lau khukhumu akupulu bekemiye pano achipikalu pecheniepi piyeni kehuke.

1 Kor. 4:5

Tighenguno kophepuakeu-do ighimphi loye eno Ampeu no ighimphi kutolo khuu shoumu kughathabe kevilo. Itehiye thime khijehi kusupuani keno Ampeu no akuvulo ikhiphe saghi nani eno amlolo tuqhouno kumsupu akeu kumtsu pano lhaphe piye nani. Tileno timi kumtsu pututa shelo pa sheqhe kepu aghikeu Alhou launo ithulu nani.

ZAKINIU 23:14

Nowu aphiki ghazu achinepulo akimthe shi qhilo kughengu AMPEU nongu Lhou ye nophiki ghazulo ngopuzu noghumiqo launo nongu susholuni eno tokulu nongu tsuniye ke. AMPEU no nongu lau azupo tsughu tsuve kepu niqhunighulai keu ghusho ghili kiumu shikevilo.

ZAKINIU 32:4

‘AMPEU ye nongu sushokuluu akughushuu, pano shike kumtsulo kupukulu eno kuchou; Nongu Lhou ye amikucho eno kuchoue; achipiu eno akivipu pano shi cheni.

1 Peter 1:17

Timi kumtsu shou agijumono pututa kumla kiqi lono kughathabeche keu vilo Apu ipi inikhu cheni aye ayeghilo izucheke kuxu kupujulo nonguye pa sumsaghi mlaithalo.